సినిమా: సంచలనాలకు పేటెంట్‌ తారలు కొందరుంటారు. అలాంటి వారిలో నటి రాధికాఆప్తే మొదటి వరుసలో ఉంటారని చెప్పవచ్చు. తమిళం, తెలుగు, హిందీ అంటూ పలు భాషల్లో నటిస్తున్న బహుభాషా నటిగా రాణిస్తోంది. తరచూ అందాలారబోత ఫొటోలను సోషల్‌మీడియాకు విడుదల చేయడం, ఆరోపణలు చేయడం ఈ అమ్మడికి పరిపాటి. విషయం తక్కువ, చేసే హంగామా ఎక్కువ అంటారే! అలాంటి నటి రాధికాఆప్తే. చేసిన చిత్రాలు తక్కువ, వార్తల్లో ఉండేది ఎక్కువ. ఎప్పుడూ ఏదో ఒక అంశంతో, ఎవరినో ఒకరిపై ఆరోపణలు చేసే ఈ అమ్మడు ఈ సారి తన వ్యక్తిగత విషయాలను వెల్లడిస్తూ అలా మరోసారి వార్తల్లోకి ఎక్కింది. పెళ్లి, భర్త, సంసార జీవితం వంటి అంశాలను తన ప్రచారానికి వాడుకుంది. బాలీవుడ్‌ నటి నటి రాధికాఆప్తే. ఈమె ప్రేమించి పెళ్లి చేసుకుంది లండన్‌కు చెందిన సంగీత కళాకారుడు పెండిక్ట్‌ టెయిలర్‌. ఈ జంట పెళ్లి 2012లోనే పెళ్లి చేసుకున్నారు. భర్త లండన్, మీరు ముంబై ఎలా వర్కౌట్‌ అవుతుందన్న ప్రశ్నకు నటి రాధికాఆప్తే ఏం చెప్పుకొచ్చిందో చూద్దాం. దూరంగా ఉన్నా,దగ్గర ఉన్నా భార్యాభర్తల మధ్య మనస్పర్థలు తలెత్తడం సహజం. అందుకు మేమూ అతీతం కాదు. నేను, నా భర్త ఒకరిపై ఒకరం ప్రేమను పెంచుకున్నాం. ఇద్దరి మధ్య గొడవ జరిగితే నీతో మాట్లాడడం నాకిష్టం లేదు అని చెప్పుకుంటాం. అదీ కాసేపే. ఆ తరువాత మళ్లీ కలిసిపోతాం. తప్పెవరు చేసినా ఇద్దరం సారీ చెప్పేసుకుంటాం. గొడవ పడినప్పుడు ఎక్కువ సమయం మాట్లాడకుంటే సమస్య పెద్దదవుతుంది. అందుకే మేము గొడవ పడ్డా దాని సెగ కొంత సేపే. ఆ తరువాత దాన్ని మరిచిపోతాం. నాకు నా భర్తకు మధ్య ఎలాంటి తారతమ్యాలు లేవు. నువ్వు నాకు ప్రాధాన్యత నివ్వడంలేదు అని ఎప్పుడూ అనుకోలేదు. 8 ఏళ్లుగా ఒక్కసారి కూడా అలాంటి ప్రస్తావన తమ మధ్య రాలేదు. 8 ఏళ్ల ముందు ఏర్పడిన మా పరిచయం పెళ్లికి దారి తీసింది. అయినా ఇప్పటికీ నాకు పెళ్లి అయిన విషయం చాలా మందికి తెలియదు. అయితే నేను మాత్రం ఈ విషయాన్ని దాచే ప్రయత్నం చేయలేదు. మాది రిజిస్టర్‌ మ్యారేజ్‌. పెళ్లి చేసుకున్నామో, లేదో. ఏదైనా నిజాయితీగా ఉండడం ముఖ్యం అని నటి రాధికాఆప్తే పేర్కొంది.

సాక్షి, సినిమా : నటి రాధికాఆప్తే అంటే సంచలనానికి మారుపేరు అంటారు. సినిమాలతోనే జీవిస్తున్న ఈమె సినిమా వాళ్లపై తరచూ మాటాల తూటాలు పేల్చుతుంటారు. సెక్సీ పోజులతో దర్శనం ఇవ్వడం, వివాదాస్పద వ్యాఖ్యలతో సంచలనం సృష్టించడం రాధికాఆప్తే నైజం. ఈ మధ్య గోవా సముద్ర తీరంలో బాయ్‌ఫ్రెండ్‌తో అర్ధనగ్నంగా కనిపించి వార్తల్లోకెక్కింది. తాజాగా దర్శకుడు రామ్‌గోపాల్‌వర్మపై వివాదాస్పద వ్యాఖ్యలు చేసి మరోసారి వార్తల్లోకెక్కింది. ఈ అమ్మడిని రక్తచరిత్ర చిత్రం ద్వారా తెలుగు చిత్ర పరిశ్రమకు పరిచయం చేసిన దర్శకుడు రామ్‌గోపాల్‌వర్మ. ఆ తరువాత ధోని చిత్రంతో కోలీవుడ్‌కు వచ్చింది. కబాలి చిత్రంలో రజనీకాంత్‌కు జంటగా నటించి పాపులారిటీని తెచ్చుకుంది. కాగా దర్శకుడు రామ్‌గోపాల్‌ వర్మ గురించి అందరికీ తెలిసిందే. తనకు ఏం అనిపిస్తే అది అనేసి తరచూ వివాదాల్లో చిక్కుకుంటుంటారు. అలాంటిది తనను నటిగా పరిచయం చేసిన ఆయనకే  రాధికాఆప్తే షాక్‌ ఇచ్చేలా వ్యాఖ్యలు చేసింది. ఇటీవల ఒక టాక్‌ షోలో పాల్గొన్న ఈ అమ్మడు ఇప్పుడున్న నటులు, దర్శకుల్లో ఎవరు రిటైర్మెంట్‌ తీసుకోవాలని అంటారు అన్న ప్రశ్నకు ఏ మాత్రం తడుముకోకుండా దర్శకుడు రామ్‌గోపాల్‌ వర్మ అని టక్కున బదులిచ్చింది. ఈమె చేసిన వ్యాఖ్యలిప్పుడు సోషల్‌ మీడియాలో వైరల్‌ అవుతున్నాయి. మరి రాధికాఆప్తే వ్యాఖ్యలకు సంచలన దర్శకుడు రామ్‌గోపాల్‌వర్మ ఎలా కౌంటర్‌ ఇస్తారో చూడాలి. 

ఐస్‌ బకెట్‌ చాలెంజ్, రైస్‌ బకెట్‌ చాలెంజ్‌ అంటూ ట్రెండ్‌కు తగ్గట్టు చాలా చాలెంజ్‌లు చూశాం. ఇప్పుడు మరో చాలెంజ్‌ను మన ముందుకు తీసుకు వస్తున్నారు ఆమిర్‌ ఖాన్‌. అదే ‘ప్యాడ్‌మ్యాన్‌ చాలెంజ్‌’. అక్షయ్‌కుమార్, రాధికా ఆప్టే, సోనమ్‌ కపూర్‌ ముఖ్య తారలుగా ఆర్‌.బాల్కీ దర్శకత్వంలో రూపొందిన చిత్రం ‘ప్యాడ్‌మ్యాన్‌’.  ఈ సినిమా ప్రమోషన్స్‌లో భాగంగా ఆమిర్‌ఖాన్‌ ఈ ‘ప్యాడ్‌మ్యాన్‌’ చాలెంజ్‌’ స్టార్ట్‌ చేశారు. అరుణాచలమ్‌ మురుగనాథమ్‌ అనే వ్యక్తి తక్కువ ధరకు లభ్యమయ్యే శానిటరీ నేప్‌కిన్‌లను తయారు చేసి, తన గ్రామంలో ఉన్న మహిళలకు అందజేసేవారు. ఆ విధంగా ఎంతోమందికి స్ఫూర్తిగా నిలిచిన అరుణాచలమ్‌ కథతో ఈ ‘ప్యాడ్‌మ్యాన్‌’ తీశారు. ఇతరుల్లో అవగాహన కలిగించే ఈ చిత్రం ప్రేక్షకులకు చేరువ అవ్వాలని ఆమిర్‌ ఈ ‘ప్యాడ్‌మ్యాన్‌’ చాలెంజ్‌కు నాంది పలికారు. ఇంతకీ ‘ప్యాడ్‌మ్యాన్‌’ సినిమాకి, ఆమిర్‌కీ సంబంధం ఏంటీ అనుకుంటున్నారా? ఈ సినిమాను అక్షయ్‌ కుమార్‌ వైఫ్‌ ట్వింకిల్‌ ఖన్నా నిర్మించారు. ట్వింకిల్, ఆమిర్‌ మంచి స్నేహితులు. ట్వింకిల్‌ అడగ్గానే ఈ సినిమా ప్రమోషన్స్‌లో పాల్గొన్నారీ మిస్టర్‌ పర్ఫెక్షనిస్ట్‌. ఫొటోలో చూస్తున్నారుగా! ఆమిర్‌ ఖాన్‌ శానిటరీ ప్యాడ్‌ను ఇలా పట్టుకొని ఫొటో పోస్ట్‌ చేసి ‘‘అవును.. నా చేతిలో ఉన్నది శానిటరీ ప్యాడే. ఇందులో సిగ్గుపడాల్సింది ఏమీ లేదు’’ అని పేర్కొన్నారు. అంతే కాదు.. బాలీవుడ్‌ బిగ్‌ బీ అమితాబ్‌ బచ్చన్, షారుక్‌ ఖాన్, సల్మాన్‌ ఖాన్‌లను కూడా ఇలా శానిటరీ ప్యాడ్‌ పట్టుకొని ఫొటో పోస్ట్‌ చేయమని చాలెంజ్‌ విసిరారు. ఇది ఎంటర్‌టైన్‌మెంట్‌ కోసం చేస్తున్నది కాదు. సోషల్‌ అవేర్‌నెస్‌ కోసం స్టార్ట్‌ చేసిన చాలెంజ్‌. ఈ చాలెంజ్‌ ముఖ్య ఉద్దేశం ప్యాడ్స్‌ గురించి మాట్లాడటానికి మనం సిగ్గుపడకూడదని. ‘ప్యాడ్‌మ్యాన్‌’ సినిమా ఈ నెల 9న విడుదల కానుంది.


 చెన్నై: ప్రపంచ సినిమాపైనే తన గురి అంటోంది నటి రాధిక ఆప్తే. ఈ బోల్డ్‌ అండ్‌ బ్యూటీపుల్‌ నటి ఇటీవల అర్ధ నగ్న, నగ్న దృశ్యాల్లో నటించి కలకలం సృష్టించిన విషయం తెలిసిందే. రజనీకాంత్‌కు జంటగా కబాలి చిత్రంలో నటించి మరింత ప్రాచూర్యం పొందిన రాధిక ఆప్తే ఒక్క తమిళంలోనే కాకుండా హింది, ఇంగ్లిష్, బెంగాలీ, మరాఠి, మలయాళం అంటూ వచ్చిన ఏ అవకాశాన్ని వదలకుండా వరస పెట్టి నటించేస్తోంది. అంతే కాదు ఆఫ్‌బీట్‌ చిత్రాల్లో నటించి సంచలన నటిగా సోషల్‌ మీడియాల్లో హల్‌చల్‌ చేస్తోంది.
 
 ప్రస్తుతం ఒక హాలీవుడ్‌ చిత్రంలో నటిస్తోంది. హాలీవుడ్‌ చిత్రాలపై గురి పెట్టినట్లున్నారే అన్న ప్రశ్నకు రాధిక ఆప్తే బదులిస్తూ, హాలీవుడ్, బ్రిటీష్‌ చిత్రాలే కాదు తన గురి ప్రపంచ సినిమాపై ఉందన్నారు. తనకంటూ ఒక ప్రత్యేక స్థానాన్ని సంపాందించుకోవడమేనంటూ చెప్పుకొచ్చింది. అందుకు తనను తాను సిద్ధం చేసుకున్నానని తెలిపింది. కమర్షియల్‌ చిత్రాలు, కళాత్మక చిత్రాలు అంటూ రెండు రకాల చిత్రాలు తానే చేశాననీ ఈ రెండింటి మద్య చిన్న గీతే ఉంటుందనీ చెప్పుకొచ్చింది. ప్రస్తుతం ఛాలెంజింగ్‌తో కూడిన మంచి పాత్రలు తనను వెతుక్కుంటూ వస్తున్నాయనీ, ఇలాంటి పాత్రలనే తాను కోరుకుంటున్నాననీ నటి రాధిక ఆప్తే అంది.


 చెన్నై: ఇప్పటికే దక్షినాదిలోని తెలుగు చిత్రాల్లో నటించి గొప్ప అభిమానాన్ని దక్కించుకున్న ప్రముఖ నటి రాధికా ఆఫ్టే ఇప్పుడు తమిళంలో సందడి చేయనుంది. ఆమె తమిళ సూపర్ స్టార్ రజినీ కాంత్ సరసన నటించనున్నారని చిత్రవర్గాలు అంటున్నాయి. రజినీ త్వరలో 159వ చిత్రంలో(ఇంకా పేరు పెట్టలేదు) నటించనున్నారు. అయితే, ఈ చిత్రానికి హీరోయిన్గా ఎంపిక చేసే క్రమంలో ఇప్పటికే రాధికాతో సంప్రదింపులు పూర్తయ్యాయట. అయితే, అధికారికంగా తుది నిర్ణయం వెలువడాల్సి ఉంది.
 
 ఈ చిత్రంలో రజినీకాంత్ గ్యాంగ్స్టర్గా కనిపించనున్నారు. ఆగస్టు తొలివారంలో షూటింగ్ నిమిత్తం చిత్ర బృందమంతా మలేషియా వెళ్లనుంది. ఈ చిత్రానికి 'పా' దర్శకత్వం వహించనుండగా.. కలైపులి ఎస్ థను నిర్మాతగా వ్యవహరించనున్నారు. సంగీతం సంతోష్ నారాయణన్ అందిస్తున్నారు. కాగా, చిత్రంలో నటించే అంశంపై రాధికను సంప్రదించగా ఆమె మాత్రం స్పందించలేదు. ఆమె తెలుగులో ధోని, లెజెండ్ వంటి చిత్రాల్లో నటించారు.