భీమవరం నుంచి గుంటూరుకు మార్చినట్లు రఘువీరా వెల్లడి  
  
 కాకినాడ: రాష్ట్రానికి ప్రత్యేక హోదా సాధన కోసం జూన్‌ 4న అన్ని రాజకీయ పక్షాలతో గుంటూరులో ‘ప్రత్యేక హోదా–ఆంధ్రుల హక్కు’ నినాదంతో సభ నిర్వహిస్తున్నట్లు పీసీసీ చీఫ్‌ ఎన్‌.రఘువీరారెడ్డి చెప్పారు. ఈ సభను తొలుత భీమవరంలో నిర్వహించాలని నిర్ణయించినప్పటికీ వివిధ కారణాల వల్ల వేదికను గుంటూరుకు మార్చినట్లు తెలిపారు.
 
 సోమవారం తూర్పుగోదావరి జిల్లా పర్యటనకు వచ్చిన ఆయన డీసీసీ కార్యాలయంలో మీడియాతో మాట్లాడారు. ఈ సభకు ఏఐసీసీ ఉపాధ్యక్షుడు రాహుల్‌గాంధీతో పాటు ఎన్‌సీపీ, సీపీఐ, సీపీఎం, తృణమూల్‌ కాంగ్రెస్, జేడీఏ, డీఎంకే సహా పలు పార్టీల నేతలు  హాజరు కానున్నారని రఘువీరా చెప్పారు.