సాక్షి, విజయనగరం: రంజీ ట్రోఫీ క్రికెట్‌ టోర్నీలో మరో మ్యాచ్‌ మిగిలి ఉండగానే గ్రూప్‌ ‘బి’ నుంచి ముంబై, ఆంధ్ర జట్లు క్వార్టర్‌ ఫైనల్‌ బెర్త్‌లు ఖరారు చేసుకున్నాయి. ఎనిమిది జట్లున్న గ్రూప్‌ ‘బి’లో ఆరు మ్యాచ్‌లు పూర్తి చేసుకున్నాక ముంబై 30 పాయింట్లతో తొలి స్థానంలో, ఆంధ్ర 25 పాయింట్లతో రెండో స్థానంలో ఉన్నాయి. కేరళ 14 పాయింట్లతో మూడో స్థానంలో, ఛత్తీస్‌గఢ్‌ 13 పాయింట్లతో నాలుగో స్థానంలో ఉన్నాయి. ఈనెల 16 నుంచి జరిగే చివరిదైన ఏడో రౌండ్‌ మ్యాచ్‌ల్లో కేరళతో ఆంధ్ర; అస్సాంతో ముంబై తలపడతాయి. తమ చివరి మ్యాచ్‌లో ఆంధ్ర జట్టుపై ఇన్నింగ్స్‌ తేడాతో నెగ్గినా కేరళ జట్టు 21 పాయింట్లతో మూడో స్థానం వద్దే ఆగిపోతుంది కాబట్టి ముంబై, ఆంధ్ర జట్లకు క్వార్టర్‌ ఫైనల్‌ బెర్త్‌లు ఖాయమయ్యాయి. ఉత్తరప్రదేశ్‌తో సోమవారం ముగిసిన లీగ్‌ మ్యాచ్‌ను ఆంధ్ర జట్టు ‘డ్రా’గా ముగించింది. ఓవర్‌నైట్‌ స్కోరు 271/5తో ఆట చివరిరోజు రెండో ఇన్నింగ్స్‌  కొనసాగించిన ఆంధ్ర 145 ఓవర్లలో 9 వికెట్లకు 429 పరుగులు చేసింది. కెప్టెన్‌ రికీ భుయ్‌ (129; 11 ఫోర్లు, 3 సిక్స్‌లు) తన ఓవర్‌నైట్‌ స్కోరుకు మరో 29 పరుగులు జోడించి అవుటయ్యాడు. షేక్‌ రషీద్‌ (85; 10 ఫోర్లు), నితీశ్‌ కుమార్‌ రెడ్డి (53 నాటౌట్‌; 5 ఫోర్లు, 2 సిక్స్‌లు) అర్ధ సెంచరీలు సాధించారు. మ్యాచ్‌లో 72 పరుగులు చేయడంతోపాటు 5 వికెట్లు పడగొట్టిన ఆల్‌రౌండర్‌ శశికాంత్‌కు ‘ప్లేయర్‌ ఆఫ్‌ ద మ్యాచ్‌’ అవార్డు లభించింది.    

IPL 2022 Mega Auction: ఐపీఎల్‌ వేలం-2022 తుది జాబితా ఖరారైంది. 217 స్థానాలకు 590 మంది క్రికెటర్లు పోటీ పడుతున్నారు. రూ. 2 కోట్ల కనీస విలువతో 48 మంది క్రికెటర్లు తమ పేరు నమోదు చేసుకున్నారు. ఈ నెల 12, 13 తేదీల్లో బెంగళూరులో మెగా వేలం జరుగనున్న సంగతి తెలిసిందే. ఇక ఐపీఎల్‌ వేలంలో ఆంధ్ర క్రికెట్‌ అసోసియేషన్‌ (ఏసీఏ) నుంచి 8 మంది (అంబటి రాయుడు, అశ్విన్‌ హెబర్, రికీ భుయ్, హరిశంకర్‌ రెడ్డి, పృథ్వీ రాజ్, స్టీఫెన్, బండారు అయ్యప్ప, గిరినాథ్‌ రెడ్డి) పాల్గొనబోతున్నారు. అదే విధంగా... హైదరాబాద్‌ క్రికెట్‌ అసోసియేషన్‌ (హెచ్‌సీఏ) నుంచి 15 మంది (హనుమ విహారి, తిలక్‌ వర్మ, బి.సందీప్,  తన్మయ్‌ అగర్వాల్, తనయ్‌ త్యాగరాజన్, సీవీ మిలింద్, రాహుల్‌ బుద్ధి, యుధ్‌వీర్, కార్తికేయ, భగత్‌ వర్మ, రక్షణ్‌ రెడ్డి, మనీశ్‌ రెడ్డి, అజయ్‌ దేవ్‌ గౌడ్, మికిల్‌ జైస్వాల్, మొహమ్మద్‌ అఫ్రిది) ఈ మెగా వేలంలో తమ అదృష్టాన్ని పరీక్షించుకోబోతున్నారు. చదవండి: ICC U 19 World Cup 2022: మరో ఫైనల్‌ వేటలో.. అండర్‌-19 టీమిండియా  🚨 NEWS 🚨: IPL 2022 Player Auction list announced The Player Auction list is out with a total of 590 cricketers set to go under the hammer during the two-day mega auction which will take place in Bengaluru on February 12 and 13, 2022. More Details 🔽https://t.co/z09GQJoJhW pic.twitter.com/02Miv7fdDJ — IndianPremierLeague (@IPL) February 1, 2022


 న్యూఢిల్లీ:  ఇండియన్ ప్రీమియర్ లీగ్ ఆడుతున్నది తొలిసారి. అయితేనేం తనదైన బౌలింగ్ తో ప్రత్యర్థులకు చుక్కలు చూపిస్తున్నాడు ఆ యువ బౌలర్. సన్ రైజర్స్ హైదరాబాద్ తో ఈ రోజు రాత్రి కోల్ కతా నైట్ రైడర్స్ తలపడనున్న మ్యాచ్ లో కీలక బౌలర్లలో అతడు ఒకడు. మీరు ఊహించినది కరెక్టే. ఆ యువ బౌలర్ మరేవరో కాదు ముస్తాఫిజర్ రెహ్మాన్. బంగ్లాదేశ్ యువ సంచలనం ముస్తాఫిజర్ రెహ్మాన్ ఈ సీజన్లో ఐపీఎల్ కెరీర్ మొదలుపెట్టాడు. సన్ రైజర్స్ హైదరాబాద్ తరఫున 14 మ్యాచులాడిన ముస్తాఫిజర్ 16 వికెట్లు పడగొట్టాడు. ముస్తాఫిజర్ ఏ విషయాలలో ఆందోళన చెందుతాడో.. ఆ సీక్రెట్స్ తెలిసిపోయాయి. టీమ్ మెట్ రికీ బుయి ముస్తాఫిజర్ భయాలను బయటపెట్టేశాడు.
 
 చేతిలో బంతి ఉన్నప్పుడు అద్భుతాలు చేస్తూ టాపార్డర్ బ్యాట్స్ మన్లను సైతం ఇక్కట్లకు గురిచేసే యువ బౌలర్ రెండు విషయాలలో ఆందోళన చెందుతాడట. ఒకటి బ్యాటింగ్ చేయడం. రెండోది ఇంగ్లీష్ లో మాట్లాడటం. ఈ రెండు విషయాలు ముస్తాఫిజర్ కు కొరకరాని కొయ్యగా మారాయని రికీ బుయి చెప్పాడు. తనకు బెంగాళీలో బౌలింగ్ ప్లాన్ ముస్తాఫిజర్ చెబుతాడని, స్ట్రాటెజిక్ టైమ్ అవుట్ సమయంలో కెప్టెన్ డేవిడ్ వార్నర్ కు ముస్తాఫిజర్ చెప్పిన ఫీల్డింగ్ సెట్ అప్, బౌలింగ్ వ్యూహాలను అనువాదం చేసి వివరిస్తానని వెల్లడించాడు.