‘రౌడీ బాయ్స్‌’ ఫేమ్‌ ఆశిష్‌ హీరోగా మూడో చిత్రం సోమవారం ఆరంభమైంది. అరుణ్‌ భీమవరపు దర్శకత్వం వహిస్తున్నారు. శిరీష్‌ సమర్పణలో ‘దిల్‌’ రాజు ప్రొడక్షన్స్ పై హర్షిత్‌ రెడ్డి, హన్షిత రెడ్డి, నాగార్జున మల్లిడి నిర్మిస్తున్నారు. ‘‘రొమాంటిక్‌ హారర్‌ నేపథ్యంలో తెరకెక్కనున్న చిత్రమిది. ‘రౌడీ బాయ్స్‌’తో తనదైన గుర్తింపు సంపాదించుకున్న ఆశిష్‌ ప్రస్తుతం నటిస్తున్న ‘సెల్ఫిష్‌’ 50 శాతానికి పైగా షూటింగ్‌ పూర్తి చేసుకుంది. మూడో సినిమాగా రూ΄పొందుతున్న ఈ రొమాంటిక్‌ హారర్‌ లవ్‌ స్టోరీ కోసం ఇండస్ట్రీలోని టాప్‌ టెక్నీషియన్స్ వర్క్‌ చేస్తున్నారు’’ అన్నారు మేకర్స్‌. ఈ సినిమా ప్రారంభోత్సవానికి డైరెక్టర్‌ త్రివిక్రమ్‌ శ్రీనివాస్, నిర్మాతలు చినబాబు, నాగవంశీ తదితరులు హాజరయ్యారు. ఈ చిత్రానికి సంగీతం: ఎం.ఎం. కీరవాణి, కెమెరా: పీసీ శ్రీరామ్‌.


 ఓ ప్రేమ జంటకు ఎదురైన భయానక సంఘటనల నేపథ్యంలో తెరకెక్కిన చిత్రం ‘స్విమింగ్ పూల్’. అఖిల్ కార్తీక్, వశిష్ఠ జంటగా మనోహర్ చిమ్మని దర్శకత్వంలో అరుణ్‌కుమార్ ముప్పన నిర్మించిన ఈ చిత్రం ప్లాటినమ్ డిస్క్ వేడుక హైదరాబాద్‌లో జరిగింది. ‘‘వైవిధ్యమైన కథాకథనాలతో తెరకెక్కిన  రొమాంటిక్ హారర్ చిత్రమిది. యూఎస్, యూకే, జర్మనీల్లో కూడా విడుదల చేయడానికి సన్నాహాలు చేస్తున్నాం’’ అని నిర్మాత తెలిపారు.  దర్శకుడు మాట్లాడుతూ -‘‘ఆద్యంతం ఉత్కంఠభరితంగా సాగే ఈ చిత్రం అందరినీ ఆకట్టుకుంటుందన్న నమ్మకం ఉంది’’ అని అన్నారు.


 ‘‘ప్రేమ ఉన్న చోట భయం ఉండదు... ఉండకూడదు. కానీ కొన్ని ప్రత్యేక పరిస్థితులు ప్రేమని కూడా భయానికి గురి చేస్తాయి. ఈ నేపథ్యంలో రూపొందనున్న రొమాంటిక్ హారర్ సినిమా ఇది’’ అని చాంద్ చెప్పారు. ఆయన దర్శకత్వంలో ఖాదర్‌బాబు, తరహా బేగం ఓ చిత్రం నిర్మంచనున్నారు. రాజా, కార్తీక్, ఆనంద్‌కుమార్, శ్రీలేఖ, అనూష ఇందులో హీరో హీరోయిన్లు. ఇప్పటికే పాటల రికార్డింగ్ పూర్తయిందని, ఈ నెలాఖరున చిత్రీకరణ మొదలుపెడతామని, వైజాగ్ అరకులోయ, పాపికొండలు, రాజోలు, అంతర్వేది, శ్రీశైలం ఫారెస్ట్ తదితర ప్రాంతాల్లో చిత్రీకరణ జరుపుతామని నిర్మాతలు తెలిపారు. ఈ చిత్రానికి కెమెరా: ప్రసాద్, సంగీతం: నరేష్ జయరాజ్, సమర్పణ: నజీవ నూరి.