సాక్షి, కర్నూలు: నగరంలోని కృష్ణానగర్‌లో భారీ చోరీ జరిగింది. తాళం వేసి ఉన్న ఓ ఇంట్లో దొంగలు పడి కిలో బంగారం, రూ.4 లక్షల నగదును దోచుకెళ్లారు. స్థానిక రవీంద్ర స్కూల్ వెనుక వైపు రైల్వే ట్రాక్ ఎదురుగా ఉన్న ఇంట్లో ఎవరూ లేని సమయంలోకీ చోరీ జరిగింది. పిల్లల ఫీజుల కోసం దాచి ఉంచిన నగదును దోచుకెళ్లారని బాధితురాలు శ్రీదేవి ఆవేదన వ్యక్తం చేశారు. శుక్రవారం మధ్యాహ్నం ఇంటికి తాళం వేసి నెల్లూరుకు వెళ్లగా దొంగతనం జరిగిందని, ఈ ఉదయం పక్కింటి వారు గుర్తించడంతో చోరీ విషయం తెలిసిందని ఆమె తెలిపారు. ఈ మేరకు ఆమె పోలీసులకు ఫిర్యాదు చేసింది.


 శింగనమల : ఎరువుల దుకాణలలో బయోపెస్టిసైడ్స్‌ అమ్మితే చర్యలు తీసుకుంటామని ఏఓ పవన్‌కుమార్‌ తెలిపారు. గురువారం మండలంలోని నాయనపల్లిక్రాస్‌ వద్ద నున్న సాయిబాబా, ఆదిత్య ఎంటర్‌ప్రైజర్, లక్ష్మినరసింహా ఎరువుల దుకాణాలను తనిఖీ చేశారు. జేడీఏ ఆదేశాల మేరకు ఈతనిఖీలు చేపట్టామని పవన్‌కుమార్‌ చెప్పారు.  ఈమూడు షాపులలో నిల్వ ఉంచిన రూ. 4 లక్షల స్టాక్‌ను సీజ్‌ చేశామన్నారు.


 
  ఆశపడి మోసపోయిన యువకుడు
 
  రూ.4.27 లక్షలు పోగొట్టుకున్న వైనం
 
 పోలీసులకు ఫిర్యాదు 
 
 దుత్తలూరు : ఓ వైపు సాంకేతిక పెరుగుతున్న కొద్దీ మోసాలు కూడా పెరుగుతూనే ఉన్నాయి. నిత్యం ఎక్కడో ఒక చోట ఎవరో ఒకరు ఏదో ఒక విధంగా మోసపోతూనే ఉన్నారు. దుత్తలూరు బీసీ కాలనీకి చెందిన షేక్‌ ఖాదర్‌బాషా అనే యువకుడు తన జీమెయిల్‌కు రూ.5 కోట్ల లాటరీ తగిలిందనే మెసేజ్‌ రావడంతో సదరు వ్యక్తులను సంప్రదించి రూ.4,27,200 పోగొట్టుకుని లబోదిబోమంటున్నాడు. పోలీసుల కథనం మేరకు.. దుత్తలూరు బీసీ కాలనీకి చెందిన షేక్‌ ఖాదర్‌బాషా జీ మెయిల్‌కు ఆగస్టు 21న కోకోకోలా మొబైల్‌ డ్రా సెంటర్, లండన్‌ పేరుతో రూ.5 కోట్ల లాటరీ తగిలిందని మెసేజ్‌ వచ్చింది. ఆగస్టు 22న ఉదయం 10 గంటలకు ఢిల్లీ నుంచి 09643055483 నంబరుతో బాధితుడికి ఫోన్‌ చేసి మీకు లాటరీలో రూ.5 కోట్లు వచ్చాయి, అవి పొందాలంటే ఎయిర్‌పోర్టు, కస్టమ్‌ ట్యాక్స్‌కు రూ.22,600 చెల్లించాలని తెలిపారు. దీన్ని నమ్మిన ఆ యువకుడు అదే రోజు ఉదయగిరి ఎస్‌బీఐ శాఖ నుంచి ఖాతా నంబరు 35273660896 జమ చేశాడు. మంగళవారం మళ్లీ అదే నంబరు నుంచి ఖాదర్‌బాషాకు ఫోన్‌ చేసి రిజర్వ్‌ బ్యాంకుకు వెళుతున్నానని చెప్పి ఇతని పూర్తి వివరాలు సేకరించారు. లాటరీ నగదును పంపుతున్నట్లు వీడియో తీసి పంపారు. దీంతో ఖాదర్‌బాషాకు నమ్మకం పెరిగింది. అయితే మరో రూ.46,600 చెల్లించాలని సదరు లాటరీ సంస్థ నుంచి ఫోన్‌ రావడంతో అవి కూడా చెల్లించాడు. ఆగస్టు 24న మళ్లీ ఫోన్‌ చేసి లాటరీ నగదు పంపేందుకు మరూ రూ.1,32,500 కట్టమని చెప్పగా అవికూడా అప్పు చేసి మరీ కట్టాడు. మళ్లీ మనీ ట్రాన్స్‌ఫర్‌ చేస్తున్నామంటూ వీడియో పంపారు. అయితే ఇన్‌కంట్యాక్స్‌ కింద మరో రూ.2,25,500 చెల్లించాలని, ఇదే లాస్ట్‌ ఇక చెల్లించాల్సిన అవసరం లేదని నమ్మబలికారు. నమ్మిన ఆ యువకుడు బంగారు నగలు కుదువ పెట్టి మరీ ఆ నగదును వారి ఖాతాకు జమ చేశాడు. దీంతో బాధితుడు మొత్తం రూ.4,27,200 చెల్లించాడు. అయితే మరో రెండు రోజుల తర్వాత మళ్లీ ఫోన్‌ చేసి మీ మెయిల్‌ చూసుకోండి అని చెప్పగా అందులో రిఫ్లెక్షన్‌ కోడ్‌ ఫీజ్‌ కింద మరో రూ. 4,47,400 కడితే మీకు రూ.4,41,86,000 మీ పర్సనల్‌ అకౌంట్‌కు జమ చేస్తామని ఉంది. దీంతో బాధితుడు మోసపోయానని గ్రహించి సన్నిహితుల వద్ద వాపోయాడు. స్థానికుల సలహాతో ఈ మేరకు పోలీసులకు ఫిర్యాదు అందజేశాడు. ఫిర్యాదు అందడంతో ఉదయగిరి సీఐ శ్రీనివాసరావు, ఎస్సై సైదులు బాధితుడి నుంచి పూర్తి వివరాలు సేకరించి విచారించారు. కేసు నమోదు చేసి దర్యాప్తు చేస్తున్నారు. 


 హైదరాబాద్ : జీహెచ్ఎంసీ ఎన్నికల నేపథ్యంలో నగర శివారు ప్రాంతం చర్లపల్లిలో పోలీసులు శనివారం తనిఖీలు నిర్వహించారు. ఈ సందర్బంగా వాహనంలో అక్రమంగా తరలిస్తున్న రూ. 4 లక్షల నగదును పోలీసులు స్వాధీనం చేసుకుని... సీజ్ చేశారు.  అందుకు సంబంధించి ఇద్దరు వ్యక్తులను పోలీసులు అదుపులోకి తీసుకున్నారు. వారిని పోలీస్ స్టేషన్కి తరలించి... విచారిస్తున్నారు. గ్రేటర్ ఎన్నికలు సమీపిస్తున్న నేపథ్యంలో నగరంలో పోలీసులు ముమ్మర తనిఖీలు చేపట్టిన సంగతి తెలిసిందే.


 హైదరాబాద్ : గ్రేటర్ ఎన్నికల నేపథ్యంలో పోలీసులు ముమ్మర తనిఖీలు నిర్వహిస్తున్నారు. ఈ క్రమంలో గురువారం మల్కాజిగిరి పోలీస్ స్టేషన్ పరిధిలోని సఫీల్‌గూడ క్రాస్‌రోడ్డు వద్ద వాహన తనిఖీలు నిర్వహిస్తున్న సమయంలో ఎటువంటి పత్రాలు లేకుండా కారులో తరలిస్తున్న రూ. 4.10 లక్షలను గుర్తించి పోలీసులు వాటిని స్వాధీనం చేసుకున్నారు.