ఇల్లందు: ఖమ్మం జిల్లా ఇల్లందు పట్టణంలో శనివారం రాత్రి 10 గంటలకు జరిగిన రోడ్డుప్రమాదంలో ఒక వ్యక్తి మృతిచెందాడు. ఇల్లందు ప్రాంతానికి చెందిన అనిల్‌కుమార్(30) ద్విచక్ర వాహనంపై ఇల్లందు మెయిన్‌రోడ్డు బాబ్లీ హోటల్ సమీపంలో వెళుతుండగా వెనుకనుంచి ఆర్టీసీ బస్సు ఢీకొట్టింది. ఈ సంఘటనలో ద్విచక్రవాహనంపై వెనుక కూర్చున్న రవి అనే యువకుడు తీవ్రంగా గాయపడ్డాడు. ప్రమాదాన్ని గమనించిన స్థానికులు క్షతగాత్రుణ్ణి ఆస్పత్రికి తరలించారు.
  


 నందిగామ(కృష్ణాజిల్లా): వేగంగా వెళ్తున్న ఆర్టీసీ బస్సు ఎదురుగా వస్తున్న ద్విచక్ర వాహనాన్ని ఢీకొట్టిన ఘటనలో ఇద్దరు యువకులకు తీవ్ర గాయాలయ్యాయి. ఈ సంఘటన కృష్ణా జిల్లా నందిగామలోని కాకతీయ రెస్టారెంట్ వద్ద బుధవారం సాయంత్రం చోటుచేసుకుంది. రెస్టారెంట్ వైపు నుంచి వస్తున్న బైక్‌ను ఆర్టీసీ బస్సు ఢీకొట్టడంతో.. బైక్ పై వెళ్తున్న ఇద్దరికి తీవ్ర గాయాలయ్యాయి. ఇది గుర్తించిన స్థానికులు క్షతగాత్రులను ఆస్పత్రికి తరలించి పోలీసులకు సమాచారం అందించారు.


 ఖమ్మం(కొత్తగూడెం): ఖమ్మం జిల్లా కొత్తగూడెం మండలం సిద్దిపల్లి పంచాయతీలోని ఐస్‌ఫ్యాక్టరీ వద్ద బుధవారం ఆర్టీసీ బస్సు, ఓ ద్విచక్రవాహనాన్ని ఢీకొట్టింది. ఈ ప్రమాదంలో సీఆర్‌నగర్ గ్రామానికి చెందిన గుర్రం నర్సింహారావు, గాంధీ అనే ఇద్దరు వ్యక్తులు తీవ్రంగా గాయపడ్డారు. నర్సింహారావు పరిస్థితి విషమంగా ఉండటంతో చికిత్స అందించేందుకు ఖమ్మంకు తరలించారు. పోలీసులు కేసు నమోదు చేసుకుని దర్యాప్తు చేస్తున్నారు.