ప్రస్తుతం లైవ్‌ షాపింగ్‌ కంటే ఆన్‌లైన్‌ షాపింగ్‌కే ఎక్కువ మంది ప్రజలు మొగ్గు చూపుతున్నారు. ఇదే అదునుగా చేసుకుని కొందరు ఆన్‌లైన్‌లో మోసాలకు పాల్పడుతున్నారు. బాలీవుడ్‌ నటి షబానా అజ్మీకు ఇటువంటి అనుభవం ఎదురైంది. షబానా గురువారం నాడు ఆన్‌లైన్ డెలివరీ సంస్థ లిక్విడ్జ్‌ లివింగ్‌లో మద్యం కోనుగోలు చేసింది. ఇందుకు సంబంధించి మొత్తాన్ని ఆమె ముందే జమచేసింది కూడా. కాగా వాళ్లు చెప్పిన సమయం మించి పోతున్నా డెలివరీ రాకపోవడంతో తాను మోసపోయినట్లు గ్రహించింది. ఈ రకంగా మరెవరూ మోసపోకూడదని భావించి ఆ సంస్థ పేరు తెలుపుతూ తను లావాదేవీ జరిపిన ఫోటోని తన ట్విటర్‌ ఖాతాలో షేర్‌ చేసింది. అందులో ఆమె.. "జాగ్రత్తగా ఉండండి, నన్ను వాళ్లు మోసం చేశారు. # లిక్విడ్జ్ లైవింగ్‌కు ముందే నేను డబ్బును చెల్లించాను, అనంతరం నేను పెట్టిన ఆర్డర్ రాకపోవడంతో కాల్‌ చేస్తుంటే ఎటువంటి సమాచారం లేదని’ తెలిపింది. అయితే, ఆమె ఎంత మొత్తంలో పంపిందనే విషయాన్నితెలపలేదు. గతంలో కూడా అక్షయ్ ఖన్నా, నర్గిస్ ఫఖ్రీ, కరణ్ సింగ్ గ్రోవర్‌తో సహా పలువురు బాలీవుడ్ ప్రముఖులు సైతం ఇటువంటి వాటిలో మోసపోయారు. BEWARE I have been cheated by them. #Living Liquidz I paid upfront and when the ordered item didnt turn up they stopped picking up my calls! I paid Account no.919171984427 IFSC- PYTM0123456 Name living liquidz Paytm payment bank — Azmi Shabana (@AzmiShabana) June 24, 2021 చదవండి: బిజీ అవుతున్న ప్రియమణి.. మరో లక్కీ ఛాన్స్‌

ముంబై: నటి షబానా అజ్మీ తన జ్ఞాపకాలను ఒకసారి నెమరు వేసుకున్నారు. తన తండ్రి, ప్రఖ్యాత కవి, రచయిత కైఫీ అజ్మీతో కలిసి ఉన్న ఒక ఫోటోను సోషల్‌ మీడియా ద్వారా అభిమానులతో పంచుకున్నారు. అజ్మీ ఆ పోస్ట్‌లో తాను నటి అవ్వలానుకున్నప్పుడు ఆమె నిర్ణయానికి తండ్రి మద్దతు తెలిపారని చెప్పారు. తన తండ్రి కైఫీ అజ్మీ తనకు నేర్పించిన అనేక జీవిత పాఠాలలో ఒక దానిని అభిమానులతో పంచుకున్నారు. ‘నేను నటిగా మారాలనుకుంటే మీరు నా నిర్ణయానికి మద్దతు ఇస్తారా అని అడిగాను. నువ్వు ఏం చేయాలనుకున్నా నేను మద్దతునిస్తాను. నువ్వు చెప్పులు కుట్టే వృత్తిని ఎంచుకోవాలనుకుంటే దానికి తగ్గట్టు అన్ని నేర్చుకోవాలి. చెప్పులు కుట్టడంలో బెస్ట్‌ అనిపించుకోవాలి అని చెప్పారు. నాకు ఆయన నేర్పించిన జీవిత పాఠాలలో ఇదీ ఒకటి’ అని ఆమె పేర్కొన్నారు.  కైఫీ అజ్మీ 2002 లో మరణించిన విషయం తెలిసిందే. షబానా అజ్మీ పోస్ట్‌పై నటుడు ఫర్హాన్ అక్తర్ స్పందిస్తూ ‘వాట్ ఎ లవ్లీ పిక్చర్‌’ అని కామెంట్‌ చేశారు. అదేవిధంగా నటీమణులు నీనా గుప్తా, దివ్య దత్తా, అదితి రావు హైద్రాలి కూడా ‘చిత్రం చాలా అందంగా ఉంది’ అంటూ అభినందించారు.  చదవండి: ఎస్పీ బాలసుబ్రహ్మణ్యం త్వరగా కోలుకోవాలంటూ రజనీ ట్వీట్‌

సాక్షి,ముంబై: ప్రముఖ బాలీవుడ్‌ సీనియర్‌ నటి షబానా అజ్మీ స్వీయ నిర్బంధంలో ఉన్నారు. ఇటీవల బుడాపెస్ట్‌నుంచి తిరిగి వచ్చిన ఆమె దేశంలో కోవిడ్-19 (కరోనా వైరస్‌) విస్తరిస్తున్న నేపథ్యంలో ముందు జాగ్రత్త చర‍్యగా  సెల్ఫ్‌ క్వారంటైన్‌గా ఉన్నట్టు తెలిపారు. మార్చి 15 ఉదయం బుడాపెస్ట్ నుండి తిరిగి వచ్చాను. మార్చి 30 వరకు సెల్ఫ్ ఐసోలేషన్‌లో వుండాలని నిర్ణయించుకున్నానంటూ షబానా ట్విటర్‌లో  ప్రకటించారు.  కరోనా వైరస్ భయంతో ప్రపంచం వణికిపోతోంది. ఈ వైరస్ వ్యాప్తి చెందకుండా ప్రభుత్వాలు అనేక  ముందు జాగ్రత్త చర్యలు తీసుకుంటున్నాయి.  సామాజిక బాధ్యతగా గుర్తించి ప్రజలు జాగ్రత్తలు తీసుకోవాలని నిపుణులు సూచిస్తున్నారు. ఈ నేపథ్యంలో పలువురు సెలబ్రిటీలు స్వీయ  నియంత్రణ పాటిస్తున్నారు. అయితే కొంతమంది మాత్రం తమ ప్రయాణ వివరాలను గోప్యంగా ఉంచుతూ ప్రమాద తీవ్రతను  పెంచుతున్న సంగతి  తెలిసిందే.  కాగా  కరోనా మహమ్మారికి ఇప్పటివరకు ప్రపంచవ్యాప్తంగా 10వేల  మందికి పైగా ప్రాణాలు కోల్పోగా,   2.5 లక్షల మందికి పైగా ప్రభావితమైనట్టు తాజా గణాంకాల ద్వారా తెలుస్తోంది.  I have returned from Budapest on 15th March morn and am practising self isolarion till 30th March — Azmi Shabana (@AzmiShabana) March 19, 2020

బాలీవుడ్‌ సెలబ్రిటీలు పలు సందర్భాల్లో సోషల్‌ మీడియాలో నెటిజన్ల చేత ట్రోల్‌ చేయబడుతారన్నవిషయం తెలిసిందే. అయితే కొన్నిసార్లు హీరో, హీరోయిన్లు సున్నితమైన సామాజిక అంశాలపై అతిచేయటం, అనుచిత, వివాదాస్పత వ్యాఖ్యలు చేయటం వల్ల ట్రోల్‌కు గురవుతారు. కానీ తాజాగా బాలీవుడ్‌ నటి ఊర్వశీ రౌతెలా విచిత్రంగా సోషల్‌ మీడియాలో ట్రోల్‌ను ఎదుర్కొంటున్నారు. శనివారం అలనాటి బాలీవుడ్‌ నటి షబానా అజ్మీ రోడ్డు ప్రమాదంలో​ తీవ్రంగా గాయపడ్డ విషయం తెలిసిందే. ఆమె ముంబైలోని కోకిలాబెన్‌ ఆస్పత్రిలో చికిత్స పొం​దుతున్నారు. కాగా ఆస్పత్రిలో ఉన్న షబానా అజ్మీని పలువురు బాలీవుడ్‌ ప్రముఖులు పరామర్శించారు. షబానా రోడ్డు ప్రమాదం తనను బాధకు గురిచేసిందని, ఆమె త్వరగా కోలుకోవాలని ప్రార్థిస్తున్నట్లు ప్రధాని మోదీ ట్వీట్‌ చేసిన విషయం తెలిసిందే. అయితే ఊర్వశీ రౌతెలా కూడా షబానా త్వరగా కోలుకోవాలని తన ట్వీటర్‌ ఖాతాలో పేర్కొన్నారు. అయితే ప్రధాని నరేంద్రమోదీ చేసిన ట్వీట్‌లో ఒక్క అక్షరం పొల్లుపోకుండా ఊర్వశీ ట్వీట్‌ ఉండటంతో.. ఆమెపై నెటిజన్లు తెగ ట్రోల్‌ చేస్తున్నారు. ఇప్పుడు ఊర్వశీ ట్వీట్‌ సోషల్‌ మీడియాలో వైరల్‌గా మారింది. దీనిపై నెటిజన్లు తీవ్రంగా కామెంట్లు చేస్తున్నారు. ‘మీరు ప్రధాని మోదీ ట్వీట్‌ను ఎందుకు కాపీ చేశారు’అని  ఓ నెటిజన్‌ ప్రశ్నించాడు. అదేవిధంగా ‘చాలా చక్కగా మోదీ ట్వీట్‌ను కాపీ చేశారు’ అని మరో నెటిజన్‌ ఎద్దేవా చేశారు. ‘కట్‌ కాపీ పేస్ట్‌’ చేశారంటూ మరో నెటిజన్‌ కామెంట్‌ చేశారు.    చదవండి: ఆ హీరోయిన్‌ని వాట్సాప్‌లో బ్లాక్‌ చేసిన పంత్‌

అలనాటి అందాల తార శ్రీదేవి నట వారసురాలిగా ఆమె పెద్ద కూతురు జాన్వీ కపూర్‌ బాలీవుడ్‌ హీరోయిన్‌గా గ్రాండ్‌ ఎంట్రీ ఇచ్చారు. మరాఠీ మూవీ ‘సైరాట్‌’కు  రీమేక్‌గా తెరకెక్కిన ‘ధడఖ్‌’ సినిమా జూలై 20న విడుదల అయింది. అయితే సినిమాను థియేటర్‌లలో విడుదల చేయడానికి ఒక రోజు ముందే బాలీవుడ్‌ ప్రముఖలకు ప్రత్యేక షోను ఏర్పాటు చేశారు. వీరిలో శ్రీదేవికి అత్యంత ఆప్తురాలు, నటి షబానా ఆజ్మి కూడా ఉన్నారు. ధడక్‌ సినిమాను చూసిన అనంతరం షబనా ఆజ్మీ తన ఇన్‌స్టాగ్రామ్‌లో ఒక మెసేజ్‌ను పోస్టు చేశారు. అందులో ‘శ్రీదేవి నువ్వు ఈ సమయంలో ఇక్కడ ఉంటే ఎంత బాగుండేదో. నువ్వు జాన్వీ తొలి సినిమా చూడాల్సింది. చాలా గర్వపడేదానివి. ఒక తార జన్మించింది’ అంటూ పోస్ట్‌ చేశారు. #Sridevi wish you were here to watch your daughter #Janvhi’s debut. You would have been so proud .. A star is born 👏👏 A post shared by Shabana Azmi (@azmishabana18) on Jul 20, 2018 at 6:18am PDT ఈ నెల 20 న విడుదలైన జాన్వీ కపూర్‌ తొలి బాలీవుడ్‌ చిత్రం ‘ధడక్‌’ మంచి హిట్‌ టాక్‌ తెచ్చుకుంది. ముఖ్యంగా జాన్వీ నటనను పరిశ్రమ ప్రముఖులు తెగ మెచ్చుకుంటున్నారు. తొలి చిత్రమే అయినా చాలా బాగా నటించిందని, కళ్లతోనే అద్భుతమైన హవభావాలను పలికించిందని అభినందిస్తున్నారు. మరాఠీ చిత్రం ‘సైరాట్‌’కు రీమేక్‌ ఇది. శశాంక్‌ కేతన్‌ దర్శకత్వంలో ఇషాన్‌ కట్టర్‌ హీరోగా నటించారు. ‘ధడక్‌’ చిత్రాన్ని ధర్మప్రొడక్షన్స్‌ పతాకంపై కరణ్‌ జోహార్‌ నిర్మించారు. ఇప్పటికే చిత్రంలోని జింగత్‌ పాట యూట్యూబ్‌లో రికార్డ్‌ హిట్స్‌తో దూసుకుపోతోంది.