ముంబయి : తన సోదరి శ్రద్ధాకపూర్‌పై వస్తున్న రూమర్లను పట్టించుకోనని ప్రముఖ బాలీవుడ్‌ నటుడు సిద్ధాంత్‌ కపూర్‌ చెప్పారు. ఎవరైనా చెబితే నవ్వి ఊరుకుంటానని తెలిపారు. మిగితా ఎవరికీ తెలియనన్ని విషయాలు తన సోదరి గురించి తనకు మాత్రమే తెలుసని చెప్పారు. తన సోదరిపై తనకు అధికారం ఉన్నట్లుగా వ్యవహరిస్తానని అదే సమయంలో తామిద్దరం చాలా సన్నిహిత మిత్రుల మాదిరిగా ఉంటూ అన్ని విషయాలు చర్చించుకుంటామని అన్నారు. ప్రస్తుతం వీరిద్దరు కూడా హసీనా పార్కర్‌ అనే చిత్రంలో నటిస్తున్నారు. ఇందులో సిద్ధాంత్‌ దావూద్‌ ఇబ్రహీంగా నటిస్తుండగా.. శ్రద్ధా అతడి సోదరి హసీనా పాత్రలో నటిస్తున్నారు.
 
 ఈ సందర్భంగా కొంతమంది మీడియా ప్రతినిధులు ఆయనతో మాట్లాడే ప్రయత్నం చేశారు. ముఖ్యంగా ఫర్హాన్‌ అక్తర్‌తో శ్రద్ధా చాలా చనువుగా ఉంటున్నారని, వారిద్దరి మధ్య సంబంధాలు బయటకు చెప్పలేనంతగా గాఢంగా మారాయంటూ రూమర్లు వినిపిస్తున్నాయనే విషయాన్ని ప్రస్తావించగా ఆయన నవ్వి వదిలేశారు. 'మేం చాలా మంచి మిత్రులం. ఒకరి సలహాను ఒకరం పాటిస్తాం. మా ఇద్దరి మధ్య ఎలాంటి అహంబావ సమస్యలు ఉండవు. మేం ఎల్లప్పుడు ఒకరికోసం ఒకరం ఉంటాం. శ్రద్ధా గురించి బయటవారికంటే నాకే బాగా తెలుసు. నిజమేమిటో కూడా నాకే తెలుసు. అందుకే ఇలాంటి కథలు వినిపిస్తున్నప్పుడు నవ్వి ఊరుకుంటాను. వదంతులు అనేవి ఎప్పటికీ వదంతులుగానే ఉండిపోతాయి. వాటిని మనం ఏం చేయలేం' అని చెప్పారు.


 ముంబై: ఐదేళ్ల సుదీర్ఘ విరామం అనంతరం మరోసారి అభిమానుల్ని అలరించడానికి వస్తున్న బాలీవుడ్ నటి ఐశ్వర్యారాయ్ తన తదుపరి చిత్రం జజ్బాపై భారీ ఆశలు పెట్టుకుంది. ఆ చిత్రం కోసం ఎంతో ఆతృతగా ఎదురుచూస్తున్నట్లు తెలిపింది. ఇటీవల కేన్స్ లో జరిగిన 68వ అంతర్జాతీయ ఫిల్మ్ ఫెస్టివల్ లో విడుదల చేసిన  జజ్బా ఫస్ట్ లుక్ పై ఐశ్వర్యారాయ్ సంతోషం వ్యక్తం చేసింది. ఆ చిత్రోత్సవాల్లో జజ్బా ఆకట్టుకుందని పేర్కొంది.
  
 అయితే ఈ చిత్రం తనకు పునరాగమనం మాత్రం కాదని స్పష్టం చేసింది. ఇది కేవలం తన కొత్త చిత్రం మాత్రమేనని తెలిపింది. జజ్భా చిత్రాన్ని పాత ఫార్ములతో కాకుండా మంచి కథా బలంతో ప్రేక్షకుల ముందుకు తీసుకువస్తున్నామని పేర్కొంది. సంజయ్ గుప్తా దర్శకత్వం వహిస్తున్న ఈ చిత్రంలో ఐశ్వర్యారాయ్ న్యాయవాది పాత్రలో అలరించబోతోంది. ఇందులో ఇర్ఫాన్‌ఖాన్, షబానాఅజ్మీ, సిద్ధాంత్ కపూర్, అనుపమ్‌ఖేర్, అతుల్ కులకర్ణి తదితరులు కీలకపాత్రలు పోషిస్తున్నారు.


 దాదాపు నాలుగేళ్ల విరామం తర్వాత ఐష్ చేయనున్న చిత్రం ‘జజ్బా’. ఈ మంగళవారం ప్రారంభం కానున్న ఈ చిత్రానికి సంజయ్ గుప్తా దర్శకుడు. ఈ షూటింగ్ సజావుగా జరగడానికి, పాత్రధారులు తమ తమ పాత్రల గురించి క్షుణ్ణంగా అర్థం చేసుకోవడానికి ఇటీవల ఓ వర్క్ షాప్ నిర్వహించారు. ఇందులో హీరోయిన్ ఐశ్వర్యా రాయ్, కీలక పాత్రలు పోషిస్తున్న ఇర్ఫాన్‌ఖాన్, షబానాఅజ్మీ, సిద్ధాంత్ కపూర్, అనుపమ్‌ఖేర్, అతుల్ కులకర్ణి తదితరులు పాల్గొన్నారు.