IND vs AUS Test series- Suryakumar Yadav: ఆస్ట్రేలియాతో స్వదేశంలో జరుగనున్న సిరీస్‌తో టీమిండియా టీ20 స్టార్‌ సూర్యకుమార్‌ యాదవ్‌ అంతర్జాతీయ టెస్టుల్లో అడుగుపెట్టడం ఖాయంగా కనిపిస్తోంది. రిషభ్‌ పంత్‌ గైర్హాజరీ, శ్రేయస్‌ అయ్యర్‌ గాయం నేపథ్యంలో ఈ ముంబై బ్యాటర్‌ ఎంట్రీకి మార్గం సుగమమైనట్లు తెలుస్తోంది. ఈ మేరకు  బీసీసీఐ సెలక్టర్‌ శ్రీధరన్‌ శరత్‌ సూర్య అరంగేట్రానికి సంబంధించి సంకేతాలు ఇచ్చాడు. కాగా పొట్టి ఫార్మాట్‌లో దుమ్మురేపుతున్న సూర్య ఇటీవలే ఐసీసీ టీ20 క్రికెటర్‌ ఆఫ్‌ ది ఇయర్‌గా ఎంపికై సత్తా చాటిన సంగతి తెలిసిందే. వరల్డ్‌ నంబర్‌ 1గా కొనసాగుతున్న అతడి ఫస్ట్‌క్లాస్‌ రికార్డు కూడా మెరుగ్గానే ఉంది. ఈ క్రమంలో ఇప్పటికే ఆసీస్‌తో టెస్టు సిరీస్‌కు ఎంపికయ్యాడు సూర్య. అయితే, రంజీల్లో అదరగొడుతున్న పృథ్వీ షా, సర్ఫరాజ్‌ ఖాన్‌ వంటి విధ్వంసకర బ్యాటర్లను కాదని సూర్యకు ఎలా ఛాన్స్‌ ఇస్తారంటూ వ్యతిరేకత వ్యక్తమైంది. మ్యాచ్‌ను మలుపు తిప్పగలడు ఈ విషయంపై స్పందించిన బీసీసీఐ సెలక్టర్‌ శ్రీధరన్‌ శరత్‌ కీలక వ్యాఖ్యలు చేశాడు. ‘‘ప్రత్యర్థి చేతి నుంచి మ్యాచ్‌ను అమాంతం లాగేసుకోగల సత్తా సూర్యకుమార్‌ యాదవ్‌కు ఉంది. బౌలర్లను అటాక్‌ చేస్తూ వైవిధ్యభరిత షాట్లు ఆడగలడు.  ఫస్ట్‌క్లాస్‌లో తను 5000 వేల పరుగులు చేశాడని మర్చిపోవద్దు’’ అంటూ స్పోర్ట్స్‌స్టార్‌తో వ్యాఖ్యానించాడు. ప్రపంచ టెస్టు చాంపియన్‌షిప్‌ ఫైనల్‌ చేరే క్రమంలో ఆసీస్‌తో జరుగనున్న సిరీస్‌లో తుది జట్టులో చోటు దక్కించుకునే అవకాశం ఉందని హింట్‌ ఇచ్చాడు. కాగా ఇటీవల రంజీ ట్రోఫీలో ముంబైకి ఆడిన సూర్య వరుసగా 90, 95 పరుగులు చేశాడు. మరోవైపు.. కారు ప్రమాదం కారణంగా రిషభ్‌ పంత్‌ మరికొన్ని నెలల పాటు ఆటకు దూరంగా ఉండనున్న విషయం తెలిసిందే. ఇదిలా ఉంటే.. మిడిలార్డర్‌ బ్యాటర్‌ శ్రేయస్‌ అయ్యర్‌ గాయం కారణంగా న్యూజిలాండ్‌తో సిరీస్‌కు దూరమయ్యాడు. ఫిబ్రవరిలో ఒకవేళ అతడు ఆస్ట్రేలియాతో టెస్టు సిరీస్‌ సమయానికి కోలుకోకుంటే సూర్య అరంగేట్రం ఖాయమేనని చెప్పవచ్చు. ఇక రిషభ్‌ పంత్‌ స్థానంలో కేఎస్‌ భరత్‌ వికెట్‌ కీపర్‌గా బాధ్యతలు నిర్వర్తించే అవకాశం ఉంది. కాగా ఫిబ్రవరి 9 నుంచి టీమిండియా- ఆస్ట్రేలియా మధ్య టెస్టు సిరీస్‌ ఆరంభం కానుంది. బోర్డర్‌- గావస్కర్‌ ట్రోఫీలో భాగంగా ఇరు జట్లు నాలుగు టెస్టులు ఆడనున్నాయి. చదవండి: Ind Vs NZ: ఉమ్రాన్‌ను తప్పించి జితేశ్‌ను తీసుకోండి.. పృథ్వీ షా కంటే బెటర్‌: టీమిండియా మాజీ ప్లేయర్‌ Umpire Marais Erasmus: బొత్తిగా ఆసక్తి లేనట్టుంది.. ఆ మాత్రం దానికి అంపైరింగ్‌ ఎందుకు? అందుకే సర్ఫరాజ్‌ను ఎంపిక చేయలేదు! మౌనం వీడిన బీసీసీఐ సెలక్టర్‌

Sarfaraz Khan- Team India: గత కొన్నాళ్లుగా భారత క్రికెట్‌ వర్గాల్లో తరచుగా వినిపిస్తున్న పేరు సర్ఫరాజ్‌ ఖాన్‌. ఈ ముంబై బ్యాటర్‌ దేశవాళీ క్రికెట్‌లో అదరగొడుతున్నా జాతీయ జట్టుకు మాత్రం సెలక్ట్‌కావడం లేదు. సెంచరీలు, డబుల్‌ సెంచరీలు బాదుతున్నా.. బీసీసీఐ సెలక్టర్లు అతడి ఎంట్రీకి తలుపులు తెరవడం లేదు. ప్రపంచ టెస్టు చాంపియన్‌షిప్‌ ఫైనల్‌ చేరే క్రమంలో ఆస్ట్రేలియాతో టీమిండియా టెస్టు సిరీస్‌ నేపథ్యంలో సర్ఫరాజ్‌కు అవకాశం ఇస్తారని భావించినా అలా జరుగలేదు. రంజీ ట్రోఫీ 2022-23లో సత్తా చాటినా భంగపాటు తప్పలేదు. ఈ నేపథ్యంలో తాను తీవ్ర నిరాశకు లోనయ్యానన్న సర్ఫరాజ్‌.. బంగ్లాదేశ్‌తో టెస్టు సిరీస్‌కు తనను సిద్ధంగా ఉండమని చెప్పారంటూ గతాన్ని గుర్తు చేసుకున్నాడు. తాను కూడా మనిషేనని, తనకూ భావోద్వేగాలు ఉంటాయంటూ ఆవేదన వ్యక్తం చేశాడు. ఈ నేపథ్యంలో 25 ఏళ్ల సర్ఫరాజ్‌కు మద్దతుగా అభిమానులు, పలువురు మాజీలు.. సెలక్టర్ల తీరుపై విమర్శలు సంధించారు. ఈ క్రమంలో ఈ విషయంపై బీసీసీఐ సెలక్టర్‌ శ్రీధరన్‌ శరత్‌ తాజాగా స్పందించారు. బ్యాటింగ్‌ విభాగం పటిష్టం ‘‘కోహ్లి ఇంకా మ్యాచ్‌ విన్నరే. ఛతేశ్వర్‌ పుజారా ఉంటే బ్యాటింగ్‌ ఆర్డర్‌ మరింత పటిష్టమవుతుంది. రోహిత్‌ శర్మ అద్భుతమైన నాయకుడు. శ్రేయస్‌ అయ్యర్‌ నిలకడైన ప్రదర్శనతో ఆకట్టుకుంటున్నాడు. ఇక శుబ్‌మన్‌ గిల్‌ గురించి ప్రత్యేకంగా చెప్పనక్కర్లేదు. కేఎల్‌ రాహుల్‌ తనదైన రోజు ఎలా ఆడతాడో అందరికీ తెలిసిందే. ప్రస్తుతం భారత బ్యాటింగ్‌ విభాగం బాగుంది. తనకూ ఓ రోజు ఛాన్స్‌ ఇక సర్ఫరాజ్‌ కూడా మా ప్రణాళికల్లో ఉన్నాడు. తనదైన రోజు తప్పకుండా అతడికి అవకాశం వస్తుంది. అయితే, జట్టును ఎంపిక చేసేటపుడు అన్ని విభాగాలను పరిశీలించి సమతుల్యంగా ఉండేట్లు చూసుకుంటాం’’ అంటూ కొన్నిసార్లు కఠిన నిర్ణయాలు తీసుకోక తప్పదని పేర్కొన్నాడు. ఈ మేరకు స్పోర్ట్స్‌స్టార్‌తో మాట్లాడుతున్న క్రమంలో సర్ఫరాజ్‌ గురించి శ్రీధరన్‌ శరత్‌కు ప్రశ్న ఎదురు కాగా ఇలా బదులిచ్చాడు. కాగా ఇటీవల చేతన్‌ శర్మ నాయకత్వంలో ఏర్పాటైన నేషనల్‌ ప్యానెల్‌లో శివ్‌ సుందర్‌ దాస్‌, సుబ్రతో బెనర్జీ, సలీల్‌ అంకోలాతో పాటు శ్రీధరన్‌ శరత్‌ కూడా ఉన్నారు. చదవండి: Team India: అలా అయితే ఆ రెండు జట్లను బ్యాన్‌ చేయాలి! క్రికెట్‌ను భ్రష్టు పట్టించేవాళ్లు అక్కడ లేరు Hyd Vs DEL: దంచికొట్టిన ఆయుశ్‌.. 7 వికెట్లతో చెలరేగిన హర్షిత్‌.. ఆఖరి లీగ్‌ మ్యాచ్‌లోనూ హైదరాబాద్‌ ఓటమి