టాలీవుడ్‌ ప్రిన్స్‌ మహేశ్‌ బాబు- రాజమౌళి కాంబినేషన్‌లో రాబోతున్న కొత్త సినిమా గురించి రోజుకో వార్త నెట్టింట వైరల్ అవుతోంది. కొద్దిరోజుల క్రితం ఈ సినిమా బడ్జెట్‌ రూ. 1500 కోట్లు అంటూ పెద్ద ఎత్తున చర్చ జరిగింది. ఇప్పుడు ఈ సినిమాలో హీరోయిన్ ఎవరనే దానిపై ఊహాగానాలు మొదలయ్యాయి. ఈ సినిమాతో పాన్ వరల్డ్ రేంజ్‌కు తెలుగు సినిమాను పరిచయం చేయాలని రాజమౌళి ఉన్నారని సమాచారం. దీంతో వీరిద్దరి కాంబోలో రానున్న చిత్రంలో మహేశ్‌ బాబుకు జోడీగా ఇండోనేషియా నటి ఎంపికైనట్లు సమాచారం. హాలీవుడ్ సినిమాల్లో నటిస్తోన్న ఇండోనేషియా నటి ఎలిజబెత్ చెల్సియా ఇస్లాన్‌ను తీసుకుంటున్నట్లు సమాచారం. కానీ అధికారికంగా చిత్ర యూనిట్‌ ఎలాంటి ప్రకటన చేయలేదు.‘ఆర్‌ఆర్‌ఆర్‌’ తర్వాత జక్కన్న  హాలీవుడ్‌ రేంజ్‌లో సినిమా ఉండేలా ప్లాన్‌ చేస్తున్నాడట. ఈ చిత్రానికి విజయేంద్ర ప్రసాద్ కథ అందించారు. ఇప్పటికే ఈ సినిమాకు సంబంధించిన స్క్రిప్ట్ వర్క్ అంతా పూర్తి అయింది. హాలీవుడ్ ఆర్టిస్టులు, టెక్నీషియన్లు కూడా ఈ సినిమాలో పనిచేసే అవకాశం ఉంది.  ఈ సినిమాకు సంబంధించి ప్రస్తుతం ప్రీ-ప్రొడక్షన్ వర్క్‌తో పాటు లొకేషన్ స్కౌటింగ్,షెడ్యూల్ ప్లానింగ్ జరుగుతోంది. వీటన్నింటితో పాటు ఈ సినిమాలో నటించే స్టార్‌కాస్ట్‌ని ఫైనల్ చేసే ప్రయత్నంలో జక్కన్న ఉన్నాడు. సూపర్ స్టార్ మహేష్ బాబుకి ఇది 29వ సినిమా. కాబట్టి ఈ ప్రస్తుతానికి SSMB29 అని పిలుస్తున్నారు. ఇండోనేషియాలో జన్మించిన నటి చెల్సీ ఇస్లాన్ SSMB29 కోసం మహిళా ప్రధాన పాత్రలో ఎంపికైంది. దీనిపై చర్చ జరగడంతో పాటు జక్కన్న లుక్ టెస్ట్ కూడా చేయించాడని టాలీవుడ్‌లో గుసగుసలు మొదలయ్యాయి. కాగా, ఈ చిత్రాన్ని కె. ఎల్ నారాయణ నిర్మించనున్నారు. ఎం. ఎం కీరవాణి సంగీతం అందించగా పి. ఎస్.వినోద్ ఛాయాగ్రహణం ఉంటుందని అంటున్నారు. ఈ సినిమాలో జేమ్స్ బాండ్ స్టైల్ యాక్షన్ అడ్వెంచర్స్‌ సీన్స్‌లలో మహేష్ బాబు కనిపించనున్నాడు. View this post on Instagram A post shared by Chelsea Elizabeth Islan (@chelseaislan)

సూపర్‌ స్టార్‌ కృష్ణ జయంతి  నేడు(మే 31). ఈ సందర్భంగా మహేశ్‌ బాబు, త్రివిక్రమ్‌ కొత్త సినిమా పోస్టర్‌ని విడుదల చేశారు మేకర్స్‌. అతడు, ఖలేజా చిత్రాల  తర్వాత త్రివిక్రమ్‌, మహేశ్‌ బాబు కాంబినేషన్‌లో వస్తున్నహ్యాట్రిక్‌ మూవీ ఇది. హారిక అండ్ హాసిని క్రియేషన్స్ పతాకంపై రాధాకృష్ణ ఈ చిత్రాన్ని నిర్మిస్తున్నారు. పూజా హెగ్డే, శ్రీలీల హీరోయిన్లుగా నటిస్తున్నారు. (చదవండి: నిన్ను ఇంకా ఇబ్బంది పెడుతున్నా..హీరో అశ్విన్‌ కన్నీంటి పర్యంతం) SSMB28 వర్కింగ్ టైటిల్‌తో షూటింగ్ జరుపుకుంటున్న ఈ మూవీ పోస్టర్‌ని నేడు విడుదల చేశారు. ఇందులో మహేశ్‌ తలకు ఎర్ర టవల్‌ చుట్టుకొని ఊరమాస్‌ లుక్‌లో కనిపించాడు. ‘ఎవర్‌గ్రీన్ సూపర్‌స్టార్ కృష్ణ గారి లెగసీని సెలబ్రేట్ చేసుకుంటూ’అంటూ కార్నర్‌లో కృష్ణగారి ఫోటోని పెట్టారు. పోస్టర్‌ చూస్తుంటే ఫైట్‌ సీన్‌కి సంబంధించినది అని తెలుస్తోంది. ఈ మూవీ టైటిల్‌ని ఈ రోజు సాయంత్రం రివీల్‌ చేయనున్నారు. కాగా, ఈ పోస్టర్‌ని మహేశ్‌ తన ట్విటర్‌ ఖాతాలో షేర్‌ చేస్తూ.. ‘ఈరోజు మరింత ప్రత్యేకమైంది. ఇది నీ కోసమే నాన్న’ అని క్యాప్షన్‌ ఇచ్చాడు. మహేశ్‌ చేసిన ట్వీట్, ఆ లుక్ వైరల్ గా మారాయి. Today is all the more special! This one's for you Nanna ❤️❤️❤️ pic.twitter.com/HEs9CpeWvY — Mahesh Babu (@urstrulyMahesh) May 31, 2023

సూపర్‌ స్టార్‌ మహేశ్‌ బాబు త్రివిక్రమ్‌ శ్రీనివాస్‌ కాంబినేషన్‌లో SSMB28 అనే సినిమా రూపొందుతున్న సంగతి తెలిసిందే. అతడు, ఖలేజా తర్వాత వీరిద్దరి కాంబినేషన్‌లో వస్తున్న మూవీ కావడంతో ఈ సినిమాపై ఇప్పటికే భారీ అంచనాలు నెలకొన్నాయి. వచ్చే ఏడాది జనవరి 13న ఈ సినిమాను విడుదల చేయనున్నారు. తాజాగా ఈ సినిమా నుంచి అదిరిపోయే అప్‌డేట్‌ను అందించారు మేకర్స్‌. మహేశ్‌ బాబు లుక్‌ని రిలీజ్‌ చేశారు. ఇందులో గళ్ల చొక్కా, తలకు రిబ్బన్‌ కట్టుకొని ఊరమాస్‌ లుక్‌లో మహేశ్‌ కనిపించాడు. ప్రస్తుతం ఈ ఫోటో నెట్టింట వైరల్‌గా మారింది. కాగా ఈ సినిమాలో మహేశ్‌ బాబు సరసన పూజాహెగ్డే, శ్రీలీల నటిస్తున్నారు. శరవేగంగా షూటింగ్‌ జరుపుకుంటున్న ఈ మూవీ టైటిల్‌ను ఈనెల 31న రివీల్‌ చేయన్నునారు. కాగా ఇప్పటివరకు ఈ సినిమాకు సంబంధించి విభిన్న రకాల టైటిల్స్‌ తెరపైకి వచ్చినప్పటికీ ‘గుంటూరు కారం’, ‘ఊరికి మొనగాడు’ టైటిల్స్‌లో ఏదొకటి ఖరారు అయ్యే చాన్స్‌ ఉందని సమాచారం.  The Thunderous #SSMB28MassStrike arrives in just 2 Days 🔥🔥 Our Beloved SUPER FANS to launch at the theatres near you on May 31st 🤩 Super 🌟 @urstrulyMahesh #Trivikram @hegdepooja @sreeleela14 @MusicThaman #PSVinod @NavinNooli #ASPrakash @haarikahassine pic.twitter.com/3FT4JfQp8o — Naga Vamsi (@vamsi84) May 29, 2023

టాలీవుడ్‌ సినిమా ఇండియన్‌ సినిమాకి దిక్సూచిగా మారింది. `బాహుబలి`, `ఆర్‌ఆర్‌ఆర్‌` చిత్రాలు తెలుగు సినిమా సత్తాని చాటాయి. ఈ చిత్రాలు బాగా ఆడటంతో తెలుగు సినిమా రేంజ్‌ పెరిగింది. భారీ బడ్జెట్‌ చిత్రాలు ఊపందుకున్నాయి. స్టార్‌ హీరోలపై వందల కోట్లు ఇన్వెస్ట్ చేయడానికి నిర్మాతలు వెనకాడటం లేదు. దీంతో ఇప్పుడు మెయిన్‌ స్టార్‌ హీరోలపై వేల కోట్ల బిజినెస్‌ జరుగుతుంది. ముఖ్యంగా మన తెలుగు హీరోల్లో.. ప్రభాస్‌, పవన్‌, బన్నీ, చరణ్‌, ఎన్టీఆర్‌, మహేష్‌, చిరు, బాలయ్య, రవితేజ వంటి తొమ్మిది మంది స్టార్స్ పై ఏకంగా ఎనిమిది వేల కోట్ల దందా జరుగుతుండటం విశేషం.  టాలీవుడ్‌లో జరుగుతున్న మొత్తం బిజినెస్‌లో సగం కేవలం ప్రభాస్‌ పైనే కావడం విశేషం. ఆయన పేరుతో ఇప్పుడు నాలుగువేల కోట్ల దందా నడుస్తుందని ట్రేడ్‌ వర్గాలు అంచనా వేస్తున్నాయి. ఆ వివరాలు చూస్తే.. ప్రస్తుతం ప్రభాస్‌ `ఆదిపురుష్‌`, `సలార్‌`, `ప్రాజెక్ట్ కే`తోపాటు `సూపర్‌ డీలక్స్`(వినిపించే పేరు) చిత్రాల్లో నటిస్తున్నారు ప్రభాస్‌. ఇందులో ఓ రౌత్‌ రూపొందిస్తున్న `ఆదిపురుష్‌` బడ్జెట్‌ ఐదువందల కోట్లు. రామాయణం ఆధారంగా తెరకెక్కుతున్న ఈ సినిమాపై ఇప్పుడు 7 నుంచి 8 వందల కోట్ల వ్యాపారం జరుగుతుంది. కలెక్షన్ల టార్గెట్‌ కూడా సుమారు అంతే ఉంటుందని టాక్‌. (చదవండి: నాన్న చనిపోతే వాళ్లు తప్ప చూసేందుకు ఎవరూ రాలేదు: కమెడియన్‌ కొడుకు) దీంతోపాటు`కేజీఎఫ్‌` ఫేమ్‌ ప్రశాంత్‌ నీల్‌ దర్శకత్వంలో చేస్తున్న భారీ యాక్షన్‌ మూవీ `సలార్‌` బడ్జెట్‌ సుమారు రూ.350కోట్లు, దీనిపై జరుగుతున్న బిజినెస్‌ ఎనిమిది వందల కోట్లు, కలెక్షన్ల టార్గెట్‌ 1200-1500కోట్లు కావడం విశేషం. ఇక ప్రభాస్‌ కెరీర్‌లోనే అత్యధిక బడ్జెట్‌తో రూపొందుతున్న చిత్రం `ప్రాజెక్ట్ కే`. దర్శకుడు నాగ్‌ అశ్విన్‌ దీన్ని భారీ యాక్షన్‌ సైన్స్ ఫిక్షన్‌గా రూపొందిస్తున్నారు. సూపర్‌ హీరో అంశాలను జోడించి టైమ్ ట్రావెల్‌ కాన్సెప్ట్ తో తెరకెక్కిస్తున్నారని టాక్‌. ఆఈ సినిమా బడ్జెట్‌ రూ.500-600కోట్లు. ఈ సినిమాపై వ్యాపారం వెయ్యి కోట్లకుపైగానే జరుగుతుంది. కలెక్షన్ల టార్గెట్‌ మాత్రం రూ.2వేల కోట్లు. (చదవండి: నా కూతురి విషయంలో రణ్‌బీర్‌ భయం అదే : అలియా భట్‌) దీన్ని ఇంటర్నేషనల్‌ రేంజ్‌లో రిలీజ్‌కి ప్లాన్ చేస్తున్నారు మేకర్స్. దీంతోపాటు ఓ చిన్న సినిమా చేస్తున్నారు ప్రభాస్‌. మారుతి దర్శకత్వంలో `సూపర్‌ డీలక్స్‌` పేరుతో ఓ ఎంటర్‌టైనింగ్‌ మూవీ చేస్తున్నారు. సుమారు రెండువందల యాభై కోట్ల బడ్జెట్‌తో రూపొందుతున్న ఈ సినిమా బిజినెస్‌, కలెక్షన్ల టార్గెట్‌ ఐదు వందల కోట్ల వరకు ఉంటుందని సమాచారం. ఇలా ప్రభాస్‌ పేరుతోనే ఆల్మోస్ట్ 4వేల కోట్లకుపైగా వ్యాపారం జరుగుతుందని చెప్పడంలో అతిశయోక్తి లేదు. ఓ రకంగా డార్లింగ్‌ ఇప్పుడు ఇండియన్‌ సినిమాని శాసిస్తున్నారని చెప్పొచ్చు.  ప్రభాస్‌ తర్వాత ఇప్పుడు అత్యధికంగా పవర్‌ స్టార్‌ పవన్‌ కళ్యాణ్‌ పేరుతో నడుస్తుంది. నిజానికి ఆయన సినిమాలు కలెక్షన్లు, బిజినెస్‌ లెక్కల్లో ఉండవు. కానీ ఈ సారి మాత్రం ఆయన సినిమాలపై వేల కోట్ల వ్యాపారం జరుగుతుండటం విశేషం. పవన్‌ ప్రస్తుతం నాలుగు సినిమాలు చేస్తున్నారు. అందులో `హరిహరవీరమల్లు`, `వినోదయ సీతం` రీమేక్‌, `ఉస్తాద్‌ భగత్‌ సింగ్‌`, `ఓజీ` సినిమాలున్నాయి.  ఈ పవన్‌ నాలుగు సినిమాలపై ఏకంగా 1200-1500-కోట్ల వ్యాపారం జరగబోతుందని ట్రేడ్‌ వర్గాల అంచనా. ఆ తర్వాత ఐకాన్‌ స్టార్‌ అల్లు అర్జున్‌ నిలుస్తారు. ప్రస్తుతం ఆయన సుకుమార్‌ దర్శకత్వంలో `పుష్ప2` చిత్రం చేస్తున్నారు. ఈ సినిమా బడ్జెట్‌ మూడు వందల కోట్ల వరకు ఉంటుందని సమాచారం. బిజినెస్‌ టార్గెట్‌ మాత్రం 600-700కోట్ల వరకు ఉంటుంది. కలెక్షన్ల టార్గెట్‌ వెయ్యి కోట్ల వరకు అంచనా వేస్తున్నారు. మొదటి భాగం భారీ బ్లాక్‌ బస్టర్‌ కావడంతో రెండో పార్ట్ పై ఆసక్తి ఏర్పడింది. ఇటీవల విడుదలైన మూడు నిమిషాల టీజర్‌ గూస్‌బంమ్స్ తెప్పించింది. సినిమాపై అంచనాలను మరింతగా పెంచేసింది. దీంతో వ్యాపారం కూడా భారీగానే జరగబోతుందన్నట్టు సమాచారం.  `ఆర్‌ఆర్‌ఆర్‌` స్టార్‌ రామ్‌చరణ్‌ సైతం ఈ రేస్‌లో నిలిచారు. `ఆర్‌ఆర్‌ఆర్‌`తో పాన్‌ ఇండియా స్టార్‌ నుంచి గ్లోబల్‌ స్టార్‌ ట్యాగ్‌ని తగిలించుకున్న చెర్రీ ప్రస్తుతం శంకర్‌ దర్శకత్వంలో `గేమ్‌ ఛేంజర్‌` చిత్రంలో నటిస్తున్నారు. పొలిటికల్‌ థ్రిల్లర్‌గా రూపొందుతున్న ఈ సినిమా సుమారు రూ.350-400కోట్ల బడ్జెట్‌తో నిర్మాణం జరుపుకుంటోంది. దీనిపై ఐదు వందల కోట్ల వ్యాపారం జరగబోతుంది. ఈ సినిమా నుంచి 600-700కోట్ల కలెక్షన్లని ఆశిస్తున్నారు నిర్మాత దిల్‌రాజు. ఆయన బిజినెస్‌ చేయడంలో దిట్ట. అంతకు మించి బిజినెస్‌ చేసినా ఆశ్చర్యం లేదు. . మరో `ఆర్‌ఆర్‌ఆర్‌` స్టార్‌ ఎన్టీఆర్‌ సైతం ఈ లీగ్‌లోనే ఉన్నారు. ఆయన ప్రస్తుతం కొరటాల శివ దర్శకత్వంలో పీరియాడికల్‌ యాక్షన్‌ నేపథ్యంలో `ఎన్టీఆర్‌ 30`మూవీ చేస్తున్నారు. కోస్టల్‌ ఏరియాలో గుర్తింపుకి, ఆదరణకు నోచుకోని, దూరంగా నెట్టివేయబడ్డ ప్రాంతం కథతో రా అండ్‌ రస్టింగ్‌ గా ఈ మూవీ సాగుతుందట. ఈ సినిమా బడ్జెట్‌ రూ250-300కోట్ల వరకు ఉంటుందని సమాచారం. ఈ లెక్కన ఈ సినిమాపై 400-500కోట్ల బిజినెస్‌ని ఐదారు వందల కోట్ల కలెక్షన్లని ఆశిస్తున్నారు. పాన్‌ ఇండియాని మించి ఈ సినిమాని ప్లాన్‌ చేస్తున్నారు కొరటాల. దీనికి హాలీవుడ్‌ టెక్నీషియన్లు పనిచేస్తున్న విషయం తెలిసిందే. రిలీజ్‌ టైమ్ కి ఈ లెక్కలు మారిపోయే అవకాశం ఉంది.   సూపర్‌ స్టార్‌ మహేశ్‌ బాబు కూడా ఐదు వందల కోట్లని టార్గెట్‌ చేశారు. ఆయన ప్రస్తుతం త్రివిక్రమ్‌ దర్శకత్వంలో `ఎస్‌ఎస్‌ఎంబీ28` చిత్రంలో నటిస్తున్నారు. ఈ సినిమా సుమారు రూ.200కోట్ల బడ్జెట్‌తో రూపొందుతుంది. ఈ సినిమాపై ఈజీగా మూడు వందల కోట్ల బిజినెస్‌ జరుగుతుంది. 350-400 కోట్ల వరకు కలెక్షన్లని ఆశిస్తున్నారు. పాన్ ఇండియా రేంజ్‌లో ప్లాన్‌ చేస్తే ఐదు వందల కోట్ల వరకు టార్గెట్‌ చేసే అవకాశం ఉంది. ఇలా ప్రధానంగా ఈ ఆరుగురు హీరోలపైనే ఏడువేల కోట్ల వ్యాపారం జరుగుతుందని చెప్పొచ్చు.  వీరితోపాటు రెండువందలకోట్లకుపైగా బిజినెస్‌ టార్గెట్‌తో చిరంజీవి, బాలకృష్ణ, రవితేజ వంటి వారు వస్తున్నారు. చిరంజీవి ప్రస్తుతం `భోళాశంకర్‌` చిత్రంలో నటిస్తున్నారు. 150కోట్లకుపైగా బడ్జెట్‌తో రూపొందుతున్న ఈ సినిమా నుంచి సుమారు రెండు వందల కోట్ల వరకు ఆశిస్తున్నారు. అలాగే సుమారు రూ.70-80కోట్ల బడ్జెట్‌తో రూపొందుతున్న బాలయ్య, అనిల్‌ రావిపూడి మూవీ `ఎన్బీకే108`  కలెక్షన్ల టార్గెట్ కూడా రెండు వందల కోట్లు ఉంటుంది. అలాగే రవితేజ ప్రస్తుతం `టైగర్‌ నాగేశ్వరరావు` అనే పాన్‌ ఇండియా సినిమా చేస్తున్నారు. భారీ స్థాయిలో తెరకెక్కుతున్న ఈ చిత్రం నుంచి 200-250కోట్ల వరకు కలెక్షన్లని ఆశిస్తున్నారు. ఇలా ఈ తొమ్మిది మంది హీరోలపైనే ఎనిమిది వేల కోట్ల వరకు సినిమా దందా నడుస్తుందని చెప్పడంలో అతిశయోక్తి లేదు. వీరితోపాటు మిగిలిన యంగ్‌ హీరోల సినిమాలపై వ్యాపారం ఈజీగా మరో 1500కోట్లకుగానే ఉంటుంది. మొత్తంగా చూస్తే ప్రస్తుతం టాలీవుడ్‌ హీరోలపై పదివేల కోట్ల వ్యాపారం జరుగుతుందని చెప్పొచ్చు. ఇలా అత్యధిక సినిమా వ్యాపారంతో టాలీవుడ్‌ ఇండియాలోనే టాప్‌లో నిలిచిందని ట్రేడ్‌ వర్గాలు అభిప్రాయపడుతున్నాయి.

ఇండియాలోనే మోస్ట్‌ హ్యాండ్సమ్‌ హీరోలలో సూపర్‌స్టార్‌ మహేశ్‌బాబు ఒకరు. ఆయన అందం గురించి ఎంత చెప్పిన తక్కువే. వయసుతో పాటు అందం కూడా పెరుగుతుందా అన్నట్లుగా మహేశ్‌ కనిపిస్తాడు. ప్రస్తుతం ఆయన ఏజ్‌ 47 ఏళ్లు. అయినా పాతికేళ్ల కుర్రాడిలా కనిస్తాడు. మహేశ్‌ కొడుకు గౌతమ్‌ని పక్కన నిలబెడితే ఇద్దరు అన్నదమ్ముల్లా కనిపిస్తారు. అందుకే కాబోలు ఇప్పటికీ మహేశ్‌ అంటే  అమ్మాయిలకు పిచ్చి ప్రేమ. నమ్రతను చూసి ఈర్షపడే అమ్మాయిలు చాలానే ఉన్నారు.  ఇక తాజాగా మహేశ్‌ నయా లుక్‌ ఫోటోలు సోషల్‌ మీడియాని షేక్‌ చేస్తున్నాయి. ఒట్టో బ్రాండ్‌ షర్ట్స్‌ యాడ్‌ కోసం ఫోటో షూట్‌ చేశాడు మహేశ్‌. దానికి సంబంధిన ఫోటోలను ట్వీటర్‌లో షేర్‌ చేశాడు. అందులో మహేశ్‌ న్యూలుక్‌లో మరింత హ్యాండ్సమ్‌గా కనిపిస్తున్నాడు. ప్రస్తుతం మహేశ్ బాబు యాడ్ కు సంబంధించిన పిక్స్ నెట్టింట వైరల్ అవుతున్నాయి. ‘ఏ కాలేజ్‌ అన్నా?’ ‘ఇంజనీరింగ్‌ స్టూడెంట్‌లా ఉన్నావ్‌’, ‘గ్రీకువీరుడు’ అంటూ నెటిజన్స్‌ కామెంట్‌ చేస్తున్నారు.  మహేశ్‌ ప్రస్తుతం తివిక్రమ్‌ దర్శకత్వంలో ఓ సినిమా చేస్తున్నాడు. ‘అతడు’, ‘ఖలేజా’ తర్వాత వీరిద్దరి కాంబినేషన్‌లో తెరకెక్కుతున్న హ్యాట్రిక్‌ మూవీ ఇది.  పూజాహెగ్డే హీరోయిన్‌. హారిక అండ్‌ హాసినీ క్రియేషన్స్‌ పతాకంపై ఎస్‌.రాధాకృష్ణ నిర్మిస్తున్న ఈ సినిమా 2024, జనవరి 13న విడుదల కానుంది.  Life in luxury! #Otto pic.twitter.com/aSiJUTWVTT — Mahesh Babu (@urstrulyMahesh) April 6, 2023

సెల్‌ఫోన్‌, సోషల్ మీడియా వచ్చిన తర్వాత షూటింగ్ లోకేషన్స్ నుంచి లీక్స్ కామన్ అయిపోయాయి. చిన్న బడ్జెట్ సినిమాల సంగతి పక్కన పెడితే..భారీ బడ్జెట్ సినిమాలు ఈ లీకుల బెడద  నుంచి తప్పించుకోవటానికి ఎంత ప్రయత్నించినా...అవి ఆపటం ఎవరి వల్ల కావటం లేదు. పుష్ప2, సలార్ సినిమా షూటింగ్ లోకేషన్స్ నుంచి పోటోలు , వీడియో క్లిప్స్ లీక్స్ అయ్యాయి. ఇప్పుడు మాటలమాంత్రికుడు త్రివిక్రమ్-సూపర్ స్టార్ మహేష్ బాబు కాంబోలో తెరకెక్కుతున్న  #ssmb 28 మూవీ నుంచి మహేష్‌ బాబు ఫస్ట్ లుక్ లీక్ అయింది. ప్రజెంట్ సోషల్ మీడియాలో మహేష్ బాబు  #ssmb 28 ఫస్ట్ లుక్ వైరల్ గా మారింది.  పుష్ప 2, సలార్ మూవీ షూటింగ్ లోకేషన్స్ నుంచి ఆ క్లిప్స్ ఎవరు లీక్ చేశారో తెలియదు. కానీ  #ssmb 28 మూవీలోని మహేష్‌ బాబు లుక్ ఎవరు లీక్ చేశారో తెలిసిపోయింది. ఈ సినిమాలో మలయాళ నటుడు జయరామ్ ఓ ఇంపార్టెంట్ రోల్ లో  నటించనున్నాడు. గతంలో జయరామ్ త్రివిక్రమ్ దర్శకత్వం వహించిన అల వైకుంఠపురంలో కూడా నటించాడు.ఇప్పుడు  #ssmb 28 లో మహేష్ తో కలిసి నటించనున్నాడు.  యాక్టర్ జయరామ్, మహేష్ బాబు తో కలిసి నటించటం ఇదే మొదటిసారి. ఇక తను  #ssmb 28లో నటిస్తున్నట్లుగా జయరామ్ కన్ఫర్మ్ చేశాడు. అంతేకాదు త్రివిక్రమ్, మహేష్ బాబుతో కలిసి దిగిన పోటో తన ఇన్ స్టాలో షేర్ చేశాడు. అలాగే ధియేటర్స్ లో కృష్ణ గారి సినిమాలు చూస్తూ పెరిగాను...ఇప్పుడు ఆయన కొడుకు మహేష్‌తో కలిసి నటించటం సంతోషంగా వుందంటూ రాసుకొచ్చాడు.  జయరామ్ తను మహేశ్‌ తో నటిస్తున్న సంగతి చెప్పడం ఏమో గానీ....నెటిజన్స్ అయితే  #ssmb 28లో మహేశ్‌ బాబు ఫస్ట్ లుక్ లీక్ చేశాడంటూ కామెంట్స్ చేస్తున్నారు. ఈ మధ్య పబ్లిక్ ఈవెంట్స్ లో కనిపించినప్పుడు మహేశ్‌ కు కొంచెం హెయిర్ ఎక్కువగానే ఉంటుంది.  ఆ లుక్ త్రివిక్రమ్‌ మూవీ కోసమే అని అందరికీ అర్ధమైంది. ఇప్పుడు జయరామ్ సెట్స్ నుంచి మహేష్‌ తో దిగిన పోటో షేర్ చేయటంతో...లుక్ పై మహేష్‌ ప్యాన్స్ కి ఒక క్లారిటీ వచ్చేసింది.  దసరా సీజన్ లో రిలీజ్ చేయాలను కుంటున్న ఈ సినిమా షూటింగ్ ను ఏప్రిల్ ఎండింగ్ కల్లా పాటలు, ఒక ఫైట్‌ మినహా మిగిలిన టాకీ పార్ట్ మొత్తం కంప్లీట్ చేసేలా షెడ్యూల్ ప్లాన్ చేశాడు త్రివిక్రమ్. ఈ సినిమా టైటిల్ పై  సోషల్ మీడియా తెగ డిస్కషన్ నడుస్తోంది. అయోధ్యలో అర్జునుడు, ఆరంభం, అతడే తన సైన్యం వంటి టైటిల్స్ పరిశీలన ఉన్నాయని ప్రచారం జరుగుతోంది.  అయితే ఈ మూడు టైటిల్స్ కాకుండా కొత్త టైటిల్ ను ఉగాది రోజు అనౌన్స్ చేయనున్నారట మేకర్స్.మహేశ్‌బాబు కూడా ఈ సినిమా త్వరగా పూర్తి చేయాలనుకుంటున్నాడు.ఈ సినిమా తర్వాత మహేశ్‌.. రాజమౌళి దర్శకత్వంలో నటిస్తాడు.  పాన్ వరల్డ్ మూవీ గా తెరకెక్కించబోయే ఈ సినిమా ఓపెనింగ్ ఆగస్ట్ లో జరుగుతుందనే మాట టి.టౌన్ లో వినబడుతోంది. View this post on Instagram A post shared by Jayaram (@actorjayaram_official)

ప్రస్తుతం టాలీవుడ్‌లో పాన్‌ ఇండియా సినిమాలు ఓ రేంజ్ లో తెరకెక్కుతున్నాయి. ఇక ఆ సినిమాల అప్డేట్స్ కోసం మూవీ లవర్స్ తో పాటు...స్టార్ హీరోల అభిమానులు కూడా ఎదురుచూస్తున్నారు. ఇక స్టార్ హీరోల సినిమాలు అంటే వాళ్ల బర్త్‌డే కి మాత్రమే కాకుండా ఫెస్టివల్ కి కూడా  ఏదొక అప్డేట్ ఉండాలని ఫ్యాన్స్ కోరుకుంటారు. అలాగే ఈ ఉగాదికి టాలీవుడ్ నుంచి చాలా సినిమా అప్డేట్స్ రాబోతున్నాయి.  మహేశ్‌ బాబు -త్రివిక్రమ్ కాంబోలో తెరకెక్కుతున్న మూవీ #ssmb28. అతడు, ఖలేజా తర్వాత ఈ కాంబినేషనల్ రాబోతున్న ఈ హ్యాట్రిక్ మూవీ భారీ అంచనాలే  ఉన్నాయి. ఫ్యామిలీ ఎంటర్టైనర్ గా తెరకెక్కుతున్న ఈ మూవీ షూటింగ్ శరవేగంగా జరుగుతోంది.ఏప్రిల్ నెలాఖారు కల్లా సాంగ్స్ , ఒక ఫైట్ మినహా టాకీ పార్ట్ మొత్తం కంప్లీట్ చేసేలా డైరెక్టర్ త్రివిక్రమ్‌ షెడ్యూల్ ప్లాన్ చేశాడు. ఈ సినిమా రీస్టార్ట్ అయిన దగ్గర నుంచి అప్డేట్ కోసం మహేశ్‌ ఫ్యాన్స్ ఎంతగానో ఎదురుచూస్తున్నారు. ముఖ్యంగా ఫ్యాన్స్ లో ఈ మూవీ కి టైటిల్ ఏమి పెడతారనే విషయం పై చాలా ఇంట్రెస్ట్‌ గా ఉన్నారు. ఉగాది నాడు ఈ సినిమా టైటిల్ ప్రకటనతో పాటు మహేశ్‌ ఫస్ట్ లుక్ కూడా రిలీజ్ చేసే అవకాశం ఉందని తెలుస్తుంది.  ఇప్పటికే ఈ మూవీని నిర్మిస్తున్న హారిక అండ్ హాసిని క్రియేషన్స్ మార్చి 22న ఖచ్చితంగా  అప్డేట్ ఉంటుందని క్లారిటీ ఇచ్చారు ఇక నందమూరి బాలకృష్ణ అభిమానులు కూడా #NBK108  అప్డేట్ కోసం ఎదురుచూస్తున్నారు. అనిల్ రావిపూడి దర్శకత్వం వహిస్తున్న ఈ మూవీ తెలంగాణ నేపథ్యంలో తెరకెక్కుతుంది. ఇందులో బాలకృష్ణ కూతురిగా శ్రీలీల నటిస్తోంది.  ఇక ఉగాది నాడు ఈ మూవీ టైటిల్ అనౌన్స్‌ చేసే అవకాశం ఉందని తెలుస్తుంది. ఇప్పటికే బాలకృష్ణ ఇమేజ్ కి తగ్గట్లు ఓ పవర్‌ఫుల్‌ టైటిల్ ఫిక్స్ చేశారనే మాట టీటౌన్ లో వినిపిస్తోంది.  వచ్చే నెలలో రిలీజ్ కాబోతున్న అఖిల్ మూవీ ఏజెంట్. పాన్ ఇండియా మూవీగా రిలీజ్ కాబోతున్న అఖిల్ మూవీ ఇప్పటికే చాలా సార్లు వాయిదా పడింది. ఇక ఏప్రిల్ 28న రిలీజ్ చేయటానికి మేకర్స్ ప్లాన్ చేశారు. ఏజెంట్ మూవీకి సంబంధించి ఇప్పటికే టీజర్ సాంగ్స్ విడుదల చేశారు. ఇక ఉగాది నాడు అక్కినేని సర్‌ప్రైజ్‌ ఇచ్చే విధంగా ఏజెంట్ మూవీ నుంచి ఓ అప్డేట్ ఉంటుందనే ప్రచారం ఫిల్మ్‌ సర్కిల్స్ లో సాగుతోంది.  గ్లోబల్ ఇమేజ్ అందుకున్న ప్రభాస్ బాలీవుడ్ లో నటించిన డెబ్యూ మూవీ ఆదిపురుష్‌. జూన్ 16న విడుదల కానున్న ఈ మూవీకి సంబంధించి...ఓ క్రేజీ అప్డేట్‌ ఉగాది రోజు రానుందట. ఆదిపురుష్‌ మైథిలాజికల్ ఫిల్మ్‌ కాబట్టి ఉగాది నాడు ప్రభాస్ ఫ్యాన్స్ ను ఆకట్టుకునే విధంగా డైరెక్టర్ ఓంరౌత్ టీమ్ ప్లాన్ చేస్తుందట.  అలాగే ఆర్‌ఆర్‌ఆర్‌ తర్వాత మెగా పవర్ స్టార్‌ రామ్ చరణ్‌ నటిస్తున్న పాన్ ఇండియా మూవీ ఆర్.సి.15. మార్చి 27న రామ్ చరణ్‌ బర్త్‌ డే ఉంది. కాబట్టి ఉగాది నాడు ఆర్.సి.15 టైటిల్ అనౌన్స్ చేసి...బర్త్‌డే రోజు టీజర్ రిలీజ్ చేసేందుకు డైరెక్టర్ శంకర్ ప్లాన్ చేసినట్లు తెలిసింది.  అలాగే మెగాస్టార్ చిరంజీవి నటిస్తున్న సినిమా బోళా శంకర్...శరవేగంగా షూటింగ్ జరుపుకుంటున్న ఈ సినిమాకి సంబంధించిన అప్డేట్ కోసం కూడా మెగా ఫ్యాన్స్ ఎదురుచూస్తున్నారు. డైరెక్టర్ మెహర్ రమేష్‌ ఉగాది రోజు మెగా ట్రీట్ ఖచ్చితంగా ఇస్తాడనే గుసగుసలు వినిపిస్తున్నాయి.  సో...ఉగాది నాడు సినీ అభిమానులను ఏ మూవీ అప్డేట్స్ పలకరిస్తాయో చూడాలి మరి.

సూపర్‌ స్టార్‌ మహేశ్‌ బాబు-మాటల మాంత్రికుడు త్రివిక్రమ్‌ కాంబినేషన్‌లో ఓ సినిమా తెరకెక్కుతున్న సంగతి తెలిసిందే. SSMB28 అనే వర్కింగ్‌ టైటిల్‌లో ఈ మూవీ సెట్‌పైకి వచ్చింది. ఇటీవలె హైదరాబాద్‌ రెండవ షెడ్యూల్‌ పూర్తి చేసుకుంది. ఈ నేపథ్యంలో ఈ మూవీ తదుపరి అప్‌డేట్‌ సంబంధించిన ఓ క్రేజీ న్యూస్‌ నెట్టింట చక్కర్లు కొడుతోంది. ఈ తాజా బజ్‌ ప్రకారం.. SSMB 28కు సంబంధించిన నెక్ట్స్‌ షెడ్యూల్‌ రేపటి(ఫిబ్రవరి 28) నుంచి హైదరాబాద్‌లో జరగనుంది. ఇందుకోసం త్రివిక్రమ్‌ ఓ భారీ సెట్‌ ప్లాన్‌ చేశాడట. చదవండి: టాలీవుడ్‌ సినీ ప్రముఖులతో కేంద్ర మంత్రి అనురాగ్‌ ఠాకూర్‌ భేటీ, చిరు ట్వీట్‌ హైదరాబాద్‌ శివారులోని ఓ ఇంట్లో ఈ మూవీ షూటింగ్‌ జరగనుందట. ఈ షెడ్యూల్‌లో మహేశ్‌ బాబు హీరోయిన్‌ పూజా హెగ్డే, ప్రకాశ్‌ రాజ్‌తో పాటు యంగ్‌ బ్యూటీ శ్రీలీల కూడా జాయిన్‌ కానుందట. ఇక్కడ హీరోహీరోయిన్ల మధ్య కీలక సన్నివేశాలను చిత్రీకరించనున్నారని సమాచారం. అంతేకాదు ప్రకాశ్‌ రాజ్‌-మహేశ్‌ మధ్య ఉండే సీన్స్‌ను చిత్రీకరించబోతున్నారట. ఈ షెడ్యూల్‌తో శ్రీలీల SSMB 28 సెట్‌లో తొలిసారి అడుగుపెట్టబోతుంది. చదవండి: మీకు ఉర్ఫీ ఫివర్‌ అట్టుకుందా!: శిల్పా శెట్టిపై దారుణమైన ట్రోల్స్‌ కాగా ఇందులో పూజా హెగ్డే ఫిమేల్‌ లీడ్‌ కాగా, శ్రీలీల సెకండ్‌ హీరోయిన్‌గా నటిస్తున్నట్టు సమాచారం. వీరితో పాటు మరో బాలీవుడ్‌ నటి ఇందులో సందడి చేయనున్నట్లు ఇటీవల వార్తలు వినిపించిన సంగతి తెలిసిందే. బాలీవుడ్ హాట్ బ్యూటీ భూమి పడ్నేకర్‌ ఈ చిత్రంలో కీలక పాత్రలో కనిపించనుందట. ఆమె పాత్ర సెకండ్ హాఫ్‌లో చాలా కీలకంగా ఉంటుందట. అది కూడా పోలీస్ ఆఫీసర్ పాత్రలో ఆమె కనువిందు చేయనుందని టాక్‌. మరి ఇందులో నిజమెంతుందో తెలియాలంటే కొద్ది రోజులు వేచి చూడాలి. 

దర్శకుడు త్రివిక్రమ్‌ శ్రీనివాస్‌ తన సినిమాలలో హీరోయిన్ల పాత్రకు చాలా ప్రాధాన్యత ఇస్తుంటాడు. గుర్తిండిపోయే డైలాగ్స్‌ చెప్పించడంతో పాటు కామెడీ చేయించి నవ్విస్తాడు. అంతేకాదు హీరోయిన్లను తెరపై కాస్త కొత్తగా చూపించే ప్రయత్నం చేస్తాడు. అందుకే చాలామంది స్టార్‌ హీరోయిన్లు తివిక్రమ్‌ సినిమాల్లో నటించేందుకు ఆసక్తి చూపిస్తారు. అయితే తివిక్రమ్‌ మాత్రం ఎక్కువగా తన గత సినిమాల హీరోయిన్లకే ప్రాధాన్యత ఇస్తుంటాడు. గతంలో సమంతతో వరుస సినిమాలు చేసిన తివిక్రమ్‌.. ఇప్పుడు పూజాహెగ్డేకు ప్రాధాన్యత ఇస్తున్నాడు. ‘అరవింత సమేత వీర రాఘవ’, ‘అల..వైకుంఠపురము’ తర్వాత ముచ్చటగా మూడోసారి పూజాకు చాన్స్‌ ఇచ్చాడు తివిక్రమ్‌. మహేశ్‌ బాబుతో తెరకెక్కించబోయే చిత్రంలో పూజా హెగ్డే  మెయిన్‌ హీరోయిన్‌ కాగా, శ్రీలీల కీలక పాత్ర పోషిస్తున్నారు.  మరికొద్ది రోజుల్లో బుట్టబొమ్మ సెట్‌లోకి అడుగుపెట్టబోతుంది. అందుకోసం చిత్ర యూనిట్‌ ఏకంగా ఒక కొత్త కారు కొనుగోలు చేస్తుందట. షూటింగ్‌ ఉన్నంత కాలం పూజా హెగ్డే ఈ కారులోనే వచ్చి, వెళ్తుందట. సాధారణంగా అయితే హీరోల కోసం ఇలాంటి ఏర్పాటు చేస్తారు. కానీ త్రివిక్రమ్‌ శ్రీనివాస్‌ సూచన మేరకు పూజా హెగ్డే కోసం కూడా ఓ లగ్జరీ కారును ఏర్పాటు చేసినట్లు తెలుస్తుంది. షూటింగ్‌ సమయంలో హీరోయిన్‌ కోసం ఎలాగూ ఒక కారును అరేంజ్‌ చేయాలి. అదేదో అద్దెకు తీసుకునే బదులు కొత్తని కొని ఇస్తే.. ఖర్చులతో పాటు పూజా హెగ్డేకు ప్రాధాన్యత ఇచ్చినట్లు అవుతుందని చిత్ర యూనిట్‌ భావిస్తున్నట్లు తెలుస్తోంది.

‘టాయ్‌లెట్‌ ఏక్‌ ప్రేమ్‌ కథ, బాలా, బధాయి దో’ వంటి చిత్రాలతో బాలీవుడ్‌ ఆడియన్స్‌ని అలరించిన హీరోయిన్‌ భూమి ఫెడ్నేకర్‌ తెలుగు చిత్ర పరిశ్రమలోకి ఎంట్రీ ఇవ్వనున్నారని సమాచారం. మహేశ్‌బాబు హీరోగా త్రివిక్రమ్‌ దర్శకత్వం వహిస్తున్న తాజా చిత్రం ద్వారానే భూమి టాలీవుడ్‌లోకి అడుగు పెట్టనున్నారని టాక్‌. ఎస్‌. రాధాకృష్ణ నిర్మిస్తున్న ఈ సినిమాలో పూజా హెగ్డే, శ్రీలీల కథానాయికలుగా నటిస్తున్నారు. ఈ చిత్రం ఇప్పటికే రెండు షెడ్యూల్స్‌ పూర్తి చేసుకుంది. కాగా ఈ చిత్రంలో ఒక కీలక పాత్ర కోసం భూమి ఫెడ్నేకర్‌ని సంప్రదించారట. ఇది కానిస్టేబుల్‌ పాత్ర అని, సెకండాఫ్‌లో ఈ పాత్ర వస్తుందని వినికిడి. మరి.. ఈ చిత్రంలో ఈ పాత్ర ఉందా? ఉంటే.. భూమి ఫెడ్నేకర్‌నే చేస్తారా? లేక వేరే తార సీన్లోకి వస్తారా? వెయిట్‌ అండ్‌ సీ..

త్రివిక్రమ్ దర్శకత్వంలో సూపర్‌స్టార్‌ మహేశ్‌బాబు ఓ సినిమా చేస్తున్న సంగతి తెలిసిందే. ఈ మూవీని ఎట్టిపరిస్థితుల్లోనూ ఆగస్ట్ లోనే రిలీజ్ చేస్తామని సహ నిర్మాత నాగవంశీ గతంలోనే చెప్పుకొచ్చాడు. ఇప్పుడు అదే మాటపై ఉన్నాడు. మహేష్ బాబు న్యూ మూవీ ఎట్టి పరిస్థితుల్లో ఆగస్ట్ లోనే ప్రేక్షకుల తీసుకువచ్చేందుకుగట్టిగానే షూటింగ్స్ షెడ్యూల్స్ ఫిక్స్ చేశారు. దాదాపు పది కోట్లతో ఇంటి సెట్ వేస్తున్నారు. త్వరలో ఇదే సెట్‌లో షూటింగ్ జరగనుంది. అయితే సెంటిమెంట్‌ కోసమే ఈ చిత్రాన్ని ఆగస్ట్‌లో విడుదల చేయాలని ప్లాన్‌ చేస్తున్నాడట త్రివిక్రమ్‌. మహేశ్‌ బాబు నటించిన చిత్రాలన్నీ ఆగస్ట్‌లో మంచి విజయం సాధించాయి. 2004లో ఆగస్ట్ 18న అర్జున సినిమా విడుదలైన హిట్‌ టాక్‌ని సంపాదించుకుంది. 2005 ఆగస్ట్ 10న ‘అతడు’ ప్రేక్షకుల ముందుకు వచ్చి భారీ బ్లాక్‌ బస్టర్‌ హిట్‌ కొట్టింది.  ఆ తర్వాత చాలా కాలానికి 2015 ఆగస్ట్ 7న శ్రీమంతుడు విడుదలైంది. ఈ సినిమా చిన్న సైజ్ బాక్సాఫీస్  సునామిని తీసుకొచ్చింది.సెంటిమెంట్ పరంగా చూసుకుంటే మహేశ్‌కు, ఆగస్ట్ బాగా కలిసొచ్చింది. ఇప్పుడు త్రివిక్రమ్ సినిమా రిలీజ్ తో ఈ సెంటిమెంట్‌ మరింత బలపడనుంది.

త్రివిక్రమ్ శ్రీనివాస్‌ దర్శకత్వంలో మహేశ్‌బాబు ఓ భారీ యాక్షన్ ఎంటర్ టైనర్ చేస్తున్న విషయం తెలిసిందే. అతడు’(2005), ‘ఖలేజా’ (2010 ) చిత్రాల తర్వాత వీరిద్దరి కాంబినేషన్‌లో తెరకెక్కుతున్న మూడో సినిమా ఇది. ఈ చిత్రంలో పూజా హెగ్డే హీరోయిన్‌గా నటిస్తుండగా, శ్రీలీల కీలక పాత్ర పోషిస్తోంది. హారిక అండ్‌ హాసిని క్రియేషన్స్‌ పతాకంపై ఎస్‌. రాధాకృష్ణ (చినబాబు) నిర్మిస్తున్నారు. SSMB28 వర్కింగ్ టైటిల్‌తో తెరకెక్కుతోన్న ఈ సినిమా నాన్ థియెట్రికల్ హక్కులను హాట్‌ కేకుల్లా అమ్ముడుపోయినట్లు ఫిల్మ్ వర్గాల సమాచారం. ఈ మూవీ డిజిటల్‌ హక్కులను ప్రముఖ ఓటీటీ సంస్థ నెట్‌ఫ్లిక్స్‌ దక్కించుకున్నట్లు సంక్రాంతి రోజునే ప్రకటించింది. అయితే తాజాగా ఈ సినిమాకు సంబంధించిన ఓ ఇంట్రెస్టింగ్‌ న్యూస్‌ నెట్టింట తెగ చక్కర్లు కొడుతోంది. ఈ సినిమా డిజిటల్‌ రైట్స్‌ కోసం నెటిప్లిక్స్‌ రూ.80 కోట్లు చెల్లించిందట. అన్ని భాషలకు కలిసి ఈ భారీ మొత్తం ఇచ్చారట. థియేట్రికల్ విడుదల తర్వాత తెలుగు, హిందీ, తమిళ, మలయాళ, కన్నడ భాషల్లో సినిమాను తమ ఓటీటీ వేదికగా ఈ చిత్రాన్ని నెట్‌ఫ్లిక్స్‌ విడుదల చేయనుంది. ప్రస్తుతం శరవేగంగా షూటింగ్‌ జరుపుకుంటున్న ఈ చిత్రం.. ఈ ఏడాది దసరాకి థియేటర్స్‌లో విడుదలయ్యే అవకాశం ఉంది.