కొంత లవ్వు.. కాస్త నవ్వు.. కాసింత సెంటిమెంట్‌... మధ్య మధ్యలో ఫైట్స్‌.. సినిమా ఇలా సాగిపోతుంటుంది. మధ్యలో జిల్‌.. జిల్‌.. జిగేల్‌మనే స్పెషల్‌ సాంగ్‌ వస్తే... ప్రేక్షకులకు ఐ ఫీస్ట్‌... ఇయర్‌ ఫీస్ట్‌... ఇప్పటికే ఇలాంటి ప్రత్యేక పాటలు చాలానే చూశాం. రానున్న రోజుల్లో కనువిందు చేయనున్న ‘స్పెషల్‌ సాంగ్స్‌’ గురించి తెలుసుకుందాం. ఒకప్పుడు స్పెషల్‌ సాంగ్స్‌ చేయడానికి ప్రత్యేకంగా తారలు ఉండేవారు. ఇప్పుడు స్టార్‌ హీరోయిన్లు, హీరోయిన్లు కూడా చేస్తున్న విషయం తెలిసిందే. కెరీర్‌లో తొలిసారి సమంత ఒక స్పెషల్‌ సాంగ్‌కి గ్రీన్‌ సిగ్నల్‌ ఇచ్చారు. ఇప్పటివరకూ ఈ బ్యూటీ యాభైకి పైగా సినిమాలు చేశారు. ఫస్ట్‌ టైమ్‌ సమంత స్పెషల్‌ సాంగ్‌లో కనిపించనుండటం విశేషం. అల్లు అర్జున్‌ హీరోగా సుకుమార్‌ దర్శకత్వంలో రూపొందుతున్న ‘పుష్ప’లోనే సమంత ప్రత్యేక పాటలో కనిపించనున్నారు. చదవండి: 'జగపతిబాబును గుర్తుపట్టలేదు, బాలకృష్ణ మనిషేనా?' సేమ్‌ టు సేమ్‌ సమంతలానే హీరోయిన్‌ రెజీనా తన కెరీర్‌లో ఫస్ట్‌ టైమ్‌ స్పెషల్‌ సాంగ్‌ చేశారు. చిరంజీవి హీరోగా కొరటాల శివ దర్శకత్వంలో రూపొందిన ‘ఆచార్య’లోనే రెజీనా స్పెషల్‌ సాంగ్‌ చేశారు. అయితే ఇది రెగ్యులర్‌ స్పెషల్‌ సాంగ్‌లానో, ఐటమ్‌ సాంగ్‌లానో ఉండదని తెలిసింది. చిరంజీవి–రెజీనా పాల్గొనగా ఓ గుడిలో ఈ పాట ఉంటుందని సమాచారం. రామ్‌చరణ్, పూజా హెగ్డే కీలక పాత్రలు చేసిన ‘ఆచార్య’ చిత్రం ఫిబ్రవరి 4న థియేటర్స్‌లోకి రానుంది. ఇంకోవైపు బుల్లితెర ఫేమస్‌ యాంకర్, నటి రష్మీ గౌతమ్‌ ‘బోళా శంకర్‌’ చిత్రంలో ఓ మాస్‌ మసాలా సాంగ్‌లో చిరంజీవితో కలిసి స్టెప్పులేశారు. మెహర్‌ రమేశ్‌ దర్శకత్వంలో రూపొందుతున్న ఈ చిత్రంలో చిరంజీవి చెల్లెలిగా కీర్తీ సురేష్‌ కనిపిస్తారు. నయనతార హీరోయిన్‌గా నటిస్తున్నారు. ఇక సమంత, రెజీనా, రష్మీ గౌతమ్‌ల లెక్క ఫస్ట్‌ టైమ్‌ కాకుండా... ఇప్పటికే తమన్నా అరడజను (అల్లుడు శీను, స్పీడున్నోడు, జాగ్వార్, కేజీఎఫ్‌: చాప్టర్‌ 1, జై లవకుశ, సరిలేరు నీకెవ్వరు) స్పెషల్‌ సాంగ్స్‌లో స్టెప్పులు వేశారు. చదవండి: RRR Janani Song: ఆర్‌ఆర్‌ఆర్‌ 'జనని' సాంగ్‌ వచ్చేసింది.. తాజాగా ‘గని’ కోసం మరోసారి స్పెషల్‌గా మాస్‌ స్టెప్పులేశారని తెలిసింది. వరుణ్‌ తేజ్‌ హీరోగా కిరణ్‌ కొర్రపాటి దర్శకత్వంలో ఈ చిత్రం రూపొందుతోంది. మరోవైపు యంగ్‌ హీరోయిన్‌ ఫరియా అబ్దుల్లా (‘జాతి రత్నాలు’ ఫేమ్‌) ‘బంగార్రాజు’ చిత్రంలో నాగార్జునతో కలిసి ఓ స్పెషల్‌ సాంగ్‌లో కనిపించనున్నారు. నాగార్జున హీరోగా కల్యాణ్‌ కృష్ణ దర్శకత్వంలో  2016లో వచ్చిన ‘సోగ్గాడే చిన్ని నాయానా’ చిత్రానికి ప్రీక్వెల్‌గా ‘బంగార్రాజు’ రూపుదిద్దుకుంటోంది. ఇందులో నాగచైతన్య, కృతీశెట్టి ఓ జంటగా నటిస్తున్నారు. ఇంతేనా? రానున్న రోజుల్లో మరిన్ని స్పెషల్‌ సాంగ్స్‌లో కొందరు తారలను చూసే అవకాశం ఉంది.  

ఎంతోమంది స్టార్‌ హీరోయిన్‌ అవ్వాలని  ఇండస్ట్రీలోకి అడుగుపెడతారు..కానీ ఆ అదృష్టం కొందరికే కలిసొస్తుంది. మొదటి సినిమాతోనే కొందరు కనుమరుగైతే, మరొకందరు మాత్రం ఓవర్‌ నైట్‌ స్టార్‌ హీరోయిన్లుగా మారుతున్నారు. నటన, అందం సహా అదృష్టం కూడా కలిసొచ్చి మొదటి సినిమాతోనే స్టార్‌డంను సందించుకుంటున్నారు. అలా టాలీవుడ్‌లో డెబ్యూ మూవీతోనే స్టార్‌ హీరోయిన్‌ స్థాయికి ఎదిగిన హీరోయున్లు ఎవరో చూద్దాం.  కృతిశెట్టి..మొదటి సినిమాతోనే బంపర్‌ హిట్‌ అందుకున్న ఈ భామ ప్రస్తుతం టాలీవుడ్‌ మోస్ట్‌ వాంటెడ్‌ హీరోయిన్‌ అయిపోయింది. ఉప్పెనతో బేబమ్మగా అలరించిన ఈ ముద్దుగుమ్మ ప్రస్తుతం చేతినిండా సినిమాలతో బిజీబిజీగా గడుపుతోంది. చూడచక్కని అందంతో కుర్రాల మతులు పోగొడుతుంది ఈ మంగళూరు బ్యూటీ. ఛలో సినిమాతో టాలీవుడ్‌లో ఎంట్రీ ఇచ్చిన హీరోయిన్‌ రష్మిక మందన్నా. ఈ సినిమా హిట్‌ కావడంతో ఈ అమ్మడికి స్టార్స్‌తో జతకట్టే అవకాశాలు వచ్చాయి. దీంతో అతి తక్కువ కాలంలోనే టాలీవుడ్‌లో స్టార్‌ హీరోయిన్‌ అయిపోయింది. ఇటు తెలుగు, కన్నడ చిత్రాలతో పాటు బాలీవుడ్‌లోనూ అదృష్టాన్ని పరీక్షించుకుంటుంది. ఏకంగా అమితాబ్‌ బచ్చన్‌ సినిమాలోనే అవకాశం దక్కించుకొని మోస్ట్‌ పాపులర్‌ హీరోయిన్‌గా నిలిచింది.  ఆర్‌ఎక్స్‌100 సినిమాతో సూపర్‌ హిట్‌ కొట్టిన హీరోయిన్‌ పాయల్‌ రాజ్‌పుత్‌. సాధారణంగా బోల్డ్‌ కంటెంట్‌తో డెబ్యూగా రావడంటే సాహసమనే చెప్పాలి. అలాంటి ధైర్యమే చేసింది ఈ పంజాబీ భామ. వచ్చీ రావడమే సూపర్‌ హిట్‌ అందుకొని విమర్శకుల ప్రశంసలు అందుకుంది. మొదటి సినిమాతోనే బంపర్‌ హిట్‌ అందుకొని టాలీవుడ్‌లో దూసుకుపోతుంది. సినిమాలతో పాటు హాట్‌ ఫోటో షూట్‌లతో టాక్‌ ఆఫ్‌ ది టైన్‌గా హైలెట్‌ అవుతోంది ఈ ముద్దుగుమ్మ. నాగ చైతన్య హీరోగా గౌతమ్‌మీనన్‌ దర్శకత్వంలో రూపొందిన సినిమా ఏ మాయ చేసావే. ఈ సినిమాతో సమంత హీరోయిన్‌గా ఎంట్రీ ఇచ్చింది. తొలి సినిమాతోనే సూపర్‌హిట్‌ అందుకొని స్టార్‌ హీరోయిన్‌ అయ్యింది. డెబ్యూ మూవీతోనే తన ఫర్మార్మెన్స్‌ ఏంటో రుజువు చేసింది ఈ చెన్నై చిన్నది. ఏ మాయ చేసిందో గానీ టాలీవుడ్‌లో స్టార్‌ హీరోలకు సమానంగా అవకాశాలు దక్కించుకుంది. తొలి సినిమాలో నటించిన నాగచైతన్యని ప్రేమించి పెళ్లి చేసుకుంది. ప్రస్తుతం లేడీ ఓరియెంటెడ్‌ సినిమాలు చేస్తూ సత్తా చాటుతోంది.  అర్జున్‌రెడ్డి సినిమాతో ఓవర్‌నైట్‌ స్టార్‌ డం సందించుకున్న హీరో-హీరోయిన్లు విజయ్‌ దేవరకొండ, షాలినీ పాండే. ఈ ఒక్కసినిమాతో విజయ్‌ దేవరకొండ పాన్‌ఇండియా లెవల్‌లో ఫ్యాన్స్‌ని సంపాదించుకుంటే, షాలినీ పాండేకి మంచి గుర్తింపు దక్కింది. డెబ్యూ హీరోయిన్‌గా షాలినీ నటనకు మంచి మార్కులే పడ్డాయి. అయితే అనుకున్నంతగా ఆమెకు అవకాశాలు రాలేదు. దీంతో ప్రస్తుతం వర్కవుట్లు చేస్తూ స్లిమ్‌గా తయ్యారయ్యింది. నితిన్‌ హీరోగా తేజ దర్శకత్వంలో వచ్చిన సినిమా జయం. ఈ సినిమాతో హీరోయిన్‌గా పరిచయం అయ్యింది సదా. ఈ మూవీ ఎంత పెద్ద బ్లాక్‌ బస్టర్‌ అయ్యిందో వేరే చెప్పక్కర్లేదు. తొలి సినిమాతోనే బంపర్‌ హిట్‌ను ఖాతాలో వేసుకొని సెన్సేషన్‌ క్రియేట్‌ చేసింది ఈ చిన్నది. జయం అనంతరం టాలీవుడ్‌లో వరుస అవకాశాలు దక్కించుకొని కొన్నేళ్ల పాటు స్టార్‌ హీరోయిన్‌గా చలామణి అయ్యింది.  అ‍ల్లు అర్జున్‌-పూరీ జగన్నాథ్‌ కాంబినేషన్‌లో వచ్చిన చిత్రం దేశముదురు. ఈ సినిమాతో హీరోయిన్‌గా ఎంట్రీ ఇచ్చిన భామ హన్సిక. డెబ్యూ మూవీతోనే స్టార్‌ హీరోయిన్‌గా మారిపోయింది హన్సిక. తొలి సినిమాతోనే అందంతో క్రుర్రాల మతులు పొగొట్టింది ఈ బ్యూటీ. అంతేకాకుండా దేశ ముదురు చేసే సమయానికి హన్సిక టెన్త్‌ క్లాస్‌. దీంతో షూటింగ్‌లో పాల్గొంటూనే ఎగ్జామ్స్‌ రాసింది.  ఉదయ్‌కిరణ్‌, రీమా సేన్‌ చిత్రం మూవీతో జంటగా నటించారు. ఈ సినిమా అప్పట్లోనే ఎంత పెద్ద బ్లాక్‌ బస్టర్‌ హిట్‌ అయ్యిందో వేరే చెప్పక్కర్లేదు. తొలి సినిమాతోనే రీమాసేన్‌ స్టార్‌ హీరోయిన్‌ అయిపోయిది. ఈ సినిమా తర్వాత వరుస అవకాశాలు దక్కించుకొని ఎంతో పాపులారిటీ సంపాదించుకుంది. 


 ఐటంసాంగ్స్ అంటే మాస్ ప్రేక్షకులకు మహా పిచ్చి. సినిమాలో ఓ ఐటంసాంగ్ ఉంటే ఆ ఊపేవేరు. టాలీవుడ్లో ఈ సంప్రదాయం ఎప్పటినుంచో  కొనసాగుతోంది. స్టార్ హీరోయిన్స్గా ఓ వెలుగు వెలుగుతున్న బ్యూటీస్ కూడా ఐటం గాళ్స్ గా అవతారమెత్తి    మతులుపోగొడుతున్నారు. కేక పుట్టిస్తున్నారు.  బాలీవుడ్లో  ట్రెండ్ ఎక్కువగా ఉండేది. అయితే ఇప్పుడు  టాలీవుడ్లో కూడా బాగా కనిపిస్తోంది. స్టార్ స్టేటస్ అనుభవిస్తోన్న హీరోయిన్స్ కూడా ఐటంసాంగ్స్కి ఓకే చెబుతున్నారు. ఓ స్పెషల్ సాంగ్లో మెరుపులా కనిపించి ప్రేక్షకులను మైమరపిస్తున్నారు. ఆ సినిమాకు సిరులు కురిపిస్తున్నారు. మిల్కీబ్యూటీ తమన్నా అల్లుడు శీను చిత్రంలో తళుక్కున మెరిసింది. నా ఇంటిపేరు సిల్కూ.. అంటూ మిల్కీ అందాలు ఒలకబోస్తూ.. ఆడియెన్స్ మదిలో అగ్గిపుట్టించింది
 
 గబ్బర్ సింగ్ మూవీతో భాగ్యలక్ష్మిగా కనిపించిన శృతి హాసన్ ఒక్కదెబ్బతో లక్కీ హీరోయిన్గా మారిపోయింది. టాలీవుడ్ యంగ్ హీరోలతో చిందులేస్తూ ఫుల్ బిజీగా ఉంది. శృతి కూడా ఐటం స్టెప్పులతో మతి పోగొట్టడానికి రెడీ అవుతోంది. సూపర్ స్టార్ మహేష్, శ్రీను వైట్ల కాంబినేషన్లో రాబోతోన్న ఆగడు మూవీలో ఓ ఐటంసాంగ్లో చిందేయబోతోంది. కొంత కాలంగా  ఖాళీగా ఉన్న త్రిష  మళ్ళీ ఇప్పుడు బిజీ అయిపోతోంది. సత్యదేవ్ డైరెక్ట్ చేస్తోన్న ఓ సినిమాలో బాలయ్య సరసన హీరోయిన్గా కనిపించబోతోంది. తమిళ్లో మరో రెండు సినిమాల్లో ఛాన్స్ కొట్టేసినట్లు సమాచారం. అంతేకాకుండా ఏకంగా సూపర్ స్టార్ రజనీకాంత్తో ఐటం స్టెప్స్ వేసే ఆఫర్ని కొట్టేసిందని కోలీవుడ్ కోడై కూస్తోంది. లింగా మూవీలో త్రిష ఐటం బాంబ్గా మారి నిషా ఎక్కించబోతోందని అనుకుంటున్నారు.
 
 ప్రస్తుతం ఫ్యామిలీ ఆడియెన్స్ కూడా ఐటం సాంగ్స్ని హాయిగా ఆస్వాదిస్తున్నారు. అందుకే హీరోయిన్లు కూడా  ఐటం సాంగులు చేస్తూ ఎంటర్‌ టైన్‌ చేస్తున్నారు. సీతమ్మ వాకిట్లో సిరిమల్లె చెట్టు సినిమాతో అంజలి అగ్ర హీరోయిన్ల జాబితాలో చోటు సంపాదించుకుంది. ఎప్పుడూ పద్దతిగా ఉంటే ఏం బాగుంటుదనుకుందో ఏమో ఓ అదిరిపోయే ఐటమ్‌ సాంగ్‌తో హీటెక్కించింది. సింగం 2 మూవీలో ఓ హాట్‌ ఐటమ్‌ బ్యూటీగా కనిపించింది.
 
 అనుష్క సూపర్ మూవీతో హీరోయిన్గా ఎంట్రీ ఇచ్చింది. గ్లామర్ డాల్గా గరంగరంగా కనిపించి. గుండెలు ఝల్లుమనిపించింది. ఆరుంధతి మూవీతో జేజెమ్మగా జేజేలు అందుకుంది. ప్రస్తుతం టాలీవుడ్ భారీ ప్రాజెక్టుల హీరోయిన్గా ఉన్న అనుష్క కూడా స్పెషల్ సాంగ్స్ చేస్తోంది. సూపర్ తర్వాత కొంత గ్యాప్ తీసుకుని కింగ్ నాగ్తో కేడీ మూవీలో స్పెషల్ ఐటం గా మురిపించింది. ఆ తరువాత ఈ బ్యూటీ స్టాలిన్లో మెగాస్టార్ చిరంజీవితో కాలు కదిపింది.
 
 జ్యోతిలక్ష్మి, జయమాలిని... కాలంలో క్లబ్ సాంగ్స్ అంటే ఫ్యామిలీ ప్రేక్షకులు పెదవి విరిచే వారు. వాటిని అశ్లీల కేటగిరీ కింద లెక్కగట్టేవారు. రాను రాను ఐటం సాంగు తీరు మారడంతో పాటు ప్రేక్షకుల్లో ఆ సాంగ్స్‌పై అభిప్రాయం కూడా మారిపోయింది. శ్రీయ టాలీవుడ్‌లో నెంబర్‌ 1 హీరోయిన్గా వెలిగిపోయింది. దేవదాసు మూవీ నుంచి ఐటం సాంగ్స్ చేయడం మొదలుపెట్టింది. కందిరీగ, తులసి, మున్నా, పులి చిత్రాల్లో శ్రీయ ఐటం సాంగ్స్లో చిందులేసి ఆడియెన్స్కు కంటిమీద కునుకులేకుండా చేసింది
 
 పాపం చార్మికి ఈ మధ్య ఆఫర్లు బాగా తగ్గాయి. తెలుగు, తమిళం, కన్నడం.. ఎక్కడా సరైన అవకాశాలు ఇవ్వకపోవడంతో ఐటం సాంగ్స్‌పై కన్నేసింది. బాలీవుడ్‌ భామలను స్ఫూర్తిగా తీసుకునిగాని ఐటం సాంగ్స్ తో అదరగొడుతోంది. ఆ మధ్య నాగార్జున డమరుకం సినిమాలో చాయ్‌ సాంగుతో  సక్కుబాయిగా షేక్‌ చేసింది. ఆ తరువాత రామ్‌ చరణ్‌ హీరోగా రూపొందిన నాయక్‌ సినిమాలో నెల్లూరే సాంగుతో ఛార్జీ కేక పుట్టించింది
 
 ప్రస్తుతం తెలుగు, తమిళ భాషల్లో ప్రియమణి పరిస్థితి అంతంత మాత్రంగా ఉంది. చెన్నైఎక్స్‌ ప్రెస్‌ సినిమాలో చేసిన ఐటమ్‌ సాంగ్‌ తన కెరీర్ను మళ్లీ మార్చేస్తుందని ఆశించింది. ఆ ఐటం కోసం ప్రియమణి పడ్డ  ప్రయాసలు అన్నీ ఇన్నీ కావు. ఆ పాటకి ఒక్క రూపాయి కూడా రెమ్యునిరేషన్ తీసుకోలేదట.షారూఖ్  సినిమా కాబట్టి అందుకు తగ్గ స్థాయిలో గుర్తింపు లభిస్తుందని ప్రియమణి ఆశలు పెట్టుకున్నా అంతగా ఫలితం దక్కలేదు పాపం.
 
 కాలంతో పాటు కొన్ని అభిప్రాయలు కూడా మారుతూ ఉంటాయి. ఐటంసాంగ్స్ కు అది బాగా వర్తిస్తుంది. ఇప్పుడు ఐటంసాంగ్స్ కేవలం శృంగార ప్రియుల్ని మాత్రమే అలరించటంలేదు. చిన్న పిల్లలు కూడా కెవ్వుకేక అంటూ స్టెప్పులేస్తున్నారు. అందుకే టాలీవుడ్ టాప్ హీరోయిన్లు ఐటం చిందులేయటానికి ఆలోచించటంలేదు. పాలతరగలా ఉంటే పార్వతీ మెల్టన్ కూడా పువ్వాయ్.. పువ్వాయ్.. ఐటంబాట పట్టింది
 
 హంసానందిని ప్రతిదినం నీ దర్శనం.. అంటూ అనుమానాస్పదం మూవీతో హీరోయిన్గా ఎంట్రీ ఇచ్చింది. ఆ తర్వాత ఒకట్రెండు సినిమాలతో తెరమరుగైంది. మళ్లీ కొంత గ్యాప్‌ తర్వాత మిర్చిలో టైటిల్‌ సాంగ్‌ కోసం ఐటం గాళ్‌గా మారింది.  భాయ్‌, అత్తారింటికి దారేది సినిమాల్లో స్పెషల్‌ సాంగ్స్‌తో సందడి చేసింది. హంసా ఐటం చిందులేస్తే ఆ మూవీ హిట్టే అన్న టాక్ కూడా వచ్చేసింది. లక్కీ ఐటంగాళ్గా హంసా నందిని ఇప్పుడు ఓ వెలుగు వెలుగుతోంది.
 
 తెలుగుతెరపై ఐటంసాంగ్స్ ఆటం బాంబుల్లా పేలుతున్నాయి. అదిరిపోయో స్టెప్స్ తో అందాల భామలు బ్యాంక్ బ్యాలెన్సు నింపుకుంటున్నారు. కాంచమాల కేబుల్‌ టివీ అనే మూవీ ద్వారా తెలుగు తెరకు పరిచయమయిన లక్ష్మీరాయ్‌ కూడా ఐటం సాంగ్స్ వైపే టర్నింగ్ ఇచ్చుకుంది. ఎన్ని అవకాశాలు వచ్చినా హీరోయిన్గా బ్రేక్ రాకపోవటంతో చేసేదేమీలేక లక్ష్మీరాయ్ ఐటం అవతారమెత్తింది.
 
 7/జి బృందావన కాలనీ చిత్రంతో తెలుగు ప్రేక్షకుల్ని ఆకట్టుకున్న సోనియా అగర్వాల్‌ గుర్తుండే ఉంటుంది. ఆ తరవాత ఆమె కెరీర్‌ సజావుగా సాగలేదు. సెకండ్ ఇన్నింగ్స్లో ప్రత్యేక గీతాలవైపు దృష్టి మళ్లించింది. అంజి శ్రీను దర్శకత్వం వహించిన అమ్మా నాన్న ఊరెళితే అనే యూత్ ఫుల్ మూవీలో ఐటంగాళ్ గా కనిపించింది. కానీ ఆ మూవీ బాక్సాఫీసు వద్ద బోల్తా కొట్టింది.
 
 ఐటం మసాలా ఘాటు తగలకపోతే ఆ సినిమాలో టేస్టే ఉండదు. సగటు ప్రేక్షకుడు ఇప్పుడు ఇలానే ఆలోచిస్తున్నాడు. సినిమా విజయంలో ఐటంసాంగ్స్కీ రోల్స్ పోషిస్తున్నాయి. బాలీవుడ్ నుంచి టాలీవుడ్కి ఇంపోర్టయింది సమీరారెడ్డి.  జై చిరంజీవ మూవీలో మెగాస్టార్ తో కలిసి నటించింది. యంగ్ టైగర్ ఎన్టీఆర్తో కూడా జతకట్టింది. చాలా గ్యాప్ తీసుకుని కృష్ణంవందే జగద్గురుమ్ మూవీతో ఐటంగాళ్గా రీఎంట్రీ ఇచ్చింది.
 
 
 సినిమాలో అదిరిపోయో ఐటంసాంగ్ ఉంటే చాలు.. విపరీతమైన హైప్ క్రియోటయి కూర్చుంటుంది. ఆ మసాలా పాటలకున్న పవర్ అలాంటిది. ఐశ్వర్యారాయ్ రాయ్ పోలికలుండే స్నేహా ఉల్లాల్  తన అల్టిమేట్ అందాలతో మతి పోగొడుతూ ఉంటుంది. చాలా తెలుగు సినిమాల్లో హీరోయిన్ ఛాన్సులు కొట్టేసింది. చివరికి బాలయ్యతో సింహా మూవీ చేసినా కలిసిరాలేదు. స్నేహ కూడా ఐటం సాంగ్స్ వైపే అడుగేసింది.
 
 ఇప్పుడు ఐటం సాంగ్స్ కోసం  కోట్ల ఖర్చుపెడుతున్నారు. అదే రేంజ్లో కాసులపంట పండిస్తోన్న ఈ ఐటం సాంగ్స్ ట్రెండ్ 70 వ దశకంలోనే ప్రారంభమైంది. క్లబ్ సాంగ్స్తో స్టార్టయిన ఈ ట్రెండ్ ఇప్పుడు పబ్ సాంగ్స్గా పరిణితి చెందింది. సీనియర్ హీరోయిన్లకు  కూడా ఐటంపాటలు ఆయుధాలుగా మారాయి. టాలీవుడ్ టాప్ హీరోలతో సూపర్ హిట్స్ కొట్టింది రమ్యకృష్ణ. కెరీర్ డౌన్ ఫాల్లో పడ్డాక కూడా రమ్య స్క్రీన్ని వదిలిపెట్టలేదు. తెలుగు యంగ్ హీరోలతో ఐటం స్టెప్పులు వెయ్యటానకి ఏమాత్రం వెనుకాడలేదు. విందుభోజనంలా ఉండే  స్పెషల్ చిందుల్ని చూసేందుకు ప్రేక్షకులు తెగ  ఆరాటపడుతున్నారు. అందుకే స్టార్ హీరోయిన్లు సైతం ఐటంగాళ్స్గా మారిపోతున్నారు.