‘ప్రేమకథా చిత్రమ్’ తెరకెక్కించిన జె. ప్రభాకర్ రెడ్డి స్వీయదర్శకత్వంలో కొడాలి సుబ్బారావుతో కలిసి నిర్మిస్తున్న చిత్రం ‘అనగనగా ఒక చిత్రమ్’. శివ, మేఘశ్రీ జంటగా నటిస్తున్న ఈ చిత్రం షూటింగ్ శరవేగంగా జరగుతోంది. ఇటీవల నాయకానాయికలపై విదేశాలలో పాటలను చిత్రీకరించారు. నిర్మాత మాట్లాడుతూ -‘‘అందమైన ప్రేమకథ నేపథ్యంలో ఈ చిత్రాన్ని తెరకెక్కిస్తున్నాం. జార్జియా దేశ రాజధాని టిబ్లిసి, అనామరి, స్నో, కాస్‌బెర్గ్ తదితర అందమైన ప్రదేశాల్లో చిత్రీకరించాం. వచ్చే నెలలో పాటలను విడుదల చేస్తాం’’ అని తెలిపారు. ఈ చిత్రానికి రచన: అజయ్, నిర్మాణ నిర్వహణ: నల్లూరి శ్రీనివాస్.