కామారెడ్డి, న్యూస్‌లైన్: అదనపు కట్నం తేవాలని, అనుమానంతో భార్యను వేధింపులకు గురిచేసి చివరకు గొంతునులిమి హతమార్చిన భర్తకు జీవితఖైదు విధిస్తూ కామారెడ్డి తొమ్మిదో అదనపు జిల్లా న్యాయమూర్తి టి.వెంకటేశ్వర్‌రెడ్డి గురువారం తీర్పునిచ్చారు. అదనపు పబ్లిక్ ప్రాసిక్యూటర్ టి.రాజ్‌గోపాల్‌గౌడ్ కేసు వివరాలను వెల్లడించారు. కామారెడ్డి పట్టణంలోని పాతబస్టాండ్ ప్రాంతంలో అద్దె ఇంట్లో నివాసముండే కమ్మరి ఉమాకాంత్ భార్య స్వర్ణలత అలియాస్ హారిక 2010, నవంబర్ 9న హత్య కు గురైంది. ఆమెను భర్తే హత్య చేసినట్టు వి చారణలో నిర్ధారణ కావడంతో నిందితుడికి జీవితఖైదుతో పాటు సాక్ష్యాధారాలను తారుమారు చేసినందుకు మరో మూడేళ్ల జైలుశిక్ష, రూ.8 వేల జరిమానా విధిస్తూ జడ్జి తీర్పు వెలువరించారు.
  
 కేసుకు సంబంధించిన వివరాలిలా ఉన్నాయి. కరీంనగర్ జిల్లా ఎల్లారెడ్డిపేట మం డలం వీరన్నపల్లికి చెందిన సత్తయ్య కూతురు స్వర్ణలత అలియాస్ హారికను కామారెడ్డి మండలం శాబ్దిపూర్‌కు చెందిన కమ్మరి ఉమాకాంత్‌కు ఇచ్చి 2009, జూలై 31న వివాహం జరిపించారు. వివాహం సందర్భంగా రూ.2.50 లక్షల కట్నం, 10 తులాల బంగారం, 10 తు లాల వెండి, రూ.20 వేల విలువైన సామగ్రిని ఇ చ్చారు. భార్య, భర్తలిద్దరూ కామారెడ్డిలో అద్దె ఇంట్లో నివాసం పెట్టారు. పెళ్లి తరువాత కొం తకాలం బాగానే కాపురం చేసిన  ఉమాకాంత్, మూడు నెలల తరువాత అదనపు కట్నంగా రూ.50 వేలు తీసుకురమ్మంటూ భార్యను వేధిం పులకు గురిచేశాడు. హారిక తల్లిదండ్రులు అ ల్లుడిని సముదాయించినా అతనిలో మార్పు రాలేదు.
  
  2010లో దీపావళి పండుగకు ఒకరో జు ముందు ఉమాకాంత్ హారికతో కట్నం గురించి గొడవపడ్డాడు. కట్నం కోసం తన భర్త వేధిస్తున్నాడని అదే రోజు హారిక తల్లిదండ్రులకు ఫోన్‌చేసి చెప్పింది. తల్లిగారింటికి వెళ్లిన సందర్భాల్లో హారిక ఫోన్ బిజీగా ఉండడానికి కారణం ఆమెకు అక్రమ సంబంధం ఉందనే ఆరోపణలు చేస్తూ ఉమాకాంత్ పలుమార్లు వే ధింపులకు గురిచేశాడు. 2010, నవంబర్ 9న ఉదయం 10 గంటల ప్రాంతంలో హారికతో గొడవపడి పథకం ప్రకారం హారికను బెడ్‌పైకి తోసి మెత్తను ముక్కుపై, నోటిపై గట్టిగా అది మిపట్టి చంపేశాడు. ఇంట్లో దొంగలుపడి తన భార్యను హత్యచేసి, నగలు దోచుకెళ్లారని ఉ మాకాంత్ చిత్రీకరించాడు.
  
  హారిక మెడపై ఉ న్న బంగారు పుస్తెలతాడు, చెవికమ్మలను తీసి తన స్టీల్ షాపులో పెట్టి సాక్ష్యాలను తారుమా రు చేశాడు. తమ కూతురును అల్లుడే చంపాడని హారిక తల్లిదండ్రులు పోలీసులకు ఫిర్యాదుచేశాడు. అప్పటి ఎస్సై శంకరయ్య కేసు నమోదు చేయగా, అప్పటి డీఎస్పీ ఉదయ్‌కుమార్‌రెడ్డి విచారణ జరిపి ఆమె భర్త ఉమాకాంత్ హత్యచేశాడని, సాక్ష్యాలు సేకరించి నిందితుడిని అరెస్టు చేశారు. దుకాణంలో దాచిఉంచిన బంగారం నగలను స్వాధీనం చేసుకుని కోర్టుకు సమర్పించారు. ఈ కేసులో కామారెడ్డి 9వ అదనపు జిల్లా న్యాయమూర్తి టి.వెంకటేశ్వర్‌రెడ్డి ప్రధాన సాక్షులు 18 మందిని విచారించి వారు చెప్పిన సాక్ష్యాల ఆధారంగా నిందితుడికి శిక్ష విధిస్తూ తీర్పునిచ్చారు. ప్రాసిక్యూషన్ తరపున పబ్లిక ప్రాసిక్యూటర్ టి.రాజగోపాల్‌గౌడ్ వాదించారు. 


 ఖమ్మం ఖిల్లా, న్యూస్‌లైన్: ‘ఇందిరమ్మ రాజ్యం.. ఇంటిం టా సౌభాగ్యం..’ నినాదంతో పేద, మధ్య తరగతి ప్రజలకు సొంత ఇల్లు ఉండాలనే లక్ష్యంతో దివంగత నేత వైఎస్ రాజశేఖర రెడ్డి ప్రవేశపెట్టిన ఇందిరమ్మ పథకం జిల్లాలో నత్తనడకన కొనసాగుతోంది. జిల్లాలో మూడు విడతల్లో 3 లక్షల 829 ఇళ్లు మంజూరయ్యాయి. వీటిలో ఇప్పటి వరకు 1,88,142 ఇళ్ల నిర్మాణం మాత్రమే పూర్తయింది. ఇంకా 1,12,687 ఇళ్లు పూర్తి కావాల్సి ంది. పథకం అమల్లోకి వచ్చి తొమ్మిదేళ్లు గడుస్తున్నా.. మొదటి దశలో మంజూరయిన ఇళ్ల నిర్మాణం కూడా పూర్తికాకపోవడం భాధాకరం. కాగా, జిల్లాలో కొన్ని ప్రాంతాల్లో అసలు ఇంతవరకు నిర్మాణమే ప్రారంభం కాలేదు. ఇళ్లు మంజూరయినప్పటికీ ధ్రువీకరణ పత్రాలు సక్రమంగా లేవంటూ అధికారులు లబ్ధిదారులను ఇబ్బంది పెట్టడం వల్లే ఇంకా నిర్మాణం ప్రారంభించలేదనే ఆరోపణలు వినిపిస్తున్నాయి. 
  
 ఆన్‌లైన్‌లో పొందుపరచిన వివరాల ప్రకారం.. మొదటి దశలో 13, 644 ఇళ్లు ఇంకా మొదలు పెట్టనేలేదు. రెండో  దశలో 24,079, మూడో దశలో 29,589 ఇళ్లు మంజూరుకే పరిమితమయ్యాయి. కొన్ని ప్రాం తాల్లో పునాదిలోనే ఇళ్ల నిర్మాణం ఆగిపోగా, మరికొన్ని ఇళ్లు సన్‌సైడ్, స్లాబ్ లెవెల్లో నిలిచిపోయాయి. అధికారుల నిర్లక్ష్యమే దీనికి కారణమనే ఆరోపణలున్నాయి.   జిల్లాలో అన్ని ప్రాం తాల్లో ఏఈలతో పాటు అవసరమైన చోట్ల డీఈలు ఉన్నారు. వీరిద్దరూ కలిసి ఆయా ప్రాం తాల్లో ఉన్న వర్క్ ఇన్‌స్పెక్టర్‌లకు ఇళ్ల నిర్మాణం పూర్తి చేయించే బాధ్యతలు అప్పగించాలి. కానీ ఆయా అధికారుల్లో సరైన కమాండింగ్ లేకపోవడంతో వర్క్ ఇన్‌స్పెక్టర్లు ఆడిందే  ఆట, పాడిందే పాటగా సాగుతోంది.
  
 జిల్లాలో వర్క్ ఇన్‌స్పెక్టర్లు ఉండాల్సిన దాని కన్నా 22 మంది ఎక్కువగానే ఉన్నారు. అయినా ఇళ్ల నిర్మాణం ముందుకు సాగకపోవడం ఏమిటని పలువురు ప్రశ్నిస్తున్నారు. ఉదాహరణకు గుండాల మండలంలో పరిశీలిస్తే.. ఒక ఏఈ నెలలో 32 ఇళ్ల నిర్మాణం పూర్తి చేయించాలనే లక్ష్యం ఉంటే.. ఆయన ఐదు ఇళ్లు మాత్రమే పూర్తి చేయించారు. నిర్మాణానికి అవసరమైన సిమెంట్, ఇటుక, స్టీల్ సకాలంలో సరఫరా కావడం లేదని, అందుకే ఆలస్యమవుతోందని మండల స్థాయి అధికారులు చెపుతున్నప్పటికీ.. తొమ్మిదేళ్ల క్రితం మంజూరైన ఇళ్లకు కూడా ఇంకా సరఫరా కాలేదా అనే అనుమానాలు వ్యక్తమవుతున్నాయి.
  
 రచ్చబండ రెండో విడతలోనూ అంతంతమాత్రమే... 
 రచ్చబండ రెండో విడతలో మంజూరయిన 19, 273 ఇళ్లలో ఇప్పటివరకు 3,454 ఇళ్లు మాత్రమే పూర్తయ్యాయి. ఇంకా 15,819 ఇళ్లు పూర్తి కావాల్సి ఉంది. ఇప్పటికైనా అధికారులు చొరవ తీసుకుని ఇందిరమ్మ మూడు విడతలతో పాటు రచ్చబండలో మంజూరైన ఇళ్ల నిర్మాణం త్వరగా పూర్తయ్యేలా చూడాలని లబ్ధిదారులు కోరుతున్నారు.