బాలీవుడ్ మోస్ట్ అన్ లక్కీ హీరో ఎవరు అంటే వెంటనే గుర్తొచ్చే పేరు రణబీర్ కపూర్. ఫ్యామిలీ బ్యాక్ గ్రౌండ్తో పాటు మంచి యాక్టింగ్ స్కిల్స్ కూడా ఉన్న ఈ యంగ్ హీరో, హిట్ ఇవ్వడంలో మాత్రం వెనకపడుతున్నాడు. వరుసగా ప్రయోగాత్మక చిత్రాలతో పాటు, నటుడిగా ప్రూవ్ చేసుకునే అవకాశం ఉన్న పాత్రలు మాత్రమే చేస్తున్న రణబీర్, ఇంత వరకు ఒక్క బ్లాక్ బస్టర్ హిట్ కూడా ఇవ్వలేకపోయాడు.
 
 అయితే తాజాగా ఈ హీరో ఇంటి మీద ఐటీ రైడ్స్ జరిగిన నేపధ్యంలో ఒక ఆసక్తి కరమైన విషయం బయటికి వచ్చింది. వరుస ఫ్లాప్ల తరువాత రణబీర్ హీరోగా నటించిన తమాషా సినిమాకు, ఈ హీరో ఏకంగా 38 కోట్ల రూపాయల భారీ రెమ్యూనరేషన్ తీసుకున్నాడట. తన మార్కెట్ కన్నా కూడా రణబీర్ తీసుకున్న రెమ్యూనరేషనే ఎక్కువ అన్న టాక్ వినిపిస్తోంది. ఈ యంగ్ హీరో నటించిన గత చిత్రం బాంబే వెల్వేట్ కేవలం 24 కోట్లు మాత్రమే వసూలు చేసింది. ఈ నేపథ్యంలో రణబీర్కు 38 కోట్లు ఇవ్వటంతో ఇండస్ట్రీ వర్గాలు కూడా షాక్ అయ్యాయి.
 
 ఇంతియాజ్ అలీ దర్శకత్వంలో తెరకెక్కిన తమాషా సినిమాను 75 కోట్ల బడ్జెట్తో రూపొందించారు. అయితే తొలి రోజు నుంచే డివైడ్ టాక్ తెచ్చుకున్న ఈ సినిమా, ఇప్పటివరకు కేవలం 61 కోట్లు మాత్రమే వసూళు చేసింది. ఇలాంటి పరిస్థితుల్లో రణబీర్ రెమ్యూనరేషన్ బయటకు రావటంతో యూనిట్ సభ్యులు షాక్ అవుతున్నారు.


 బాలీవుడ్‌ భామ దీపికా పదుకొనే టాలీవుడ్‌ సూపర్‌స్టార్‌ మహేశ్‌బాబుకు థాంక్స్ చెప్పింది. తన తాజా సినిమా 'తమాషా' హిట్టవ్వడంతో ఆనందంగా ఉన్న దీపిక.. మహేశ్‌బాబుతో కలిసి నటించేందుకు గతంలో ఆసక్తి కనబర్చింది. తెలుగు హీరోల్లో తన ఫేవరెట్‌ స్టార్ మహేశ్‌బాబు అని ఆమె ఓసారి చెప్పింది కూడా. ఈ నేపథ్యంలో ఓ ఆంగ్ల పేపర్‌కు ఇంటర్వ్యూ ఇచ్చిన మహేశ్‌బాబు ' ఒకప్పుడు నా ఆల్‌టైమ్‌ ఫేవరెట్‌ హీరోయిన్‌ శ్రీదేవి. ఇప్పుడు మాత్రం దీపికా పదుకొనే. ఆమె అద్భుతమైన నటి.
 
 'పీకూ'లో ఆమె నటన చూసి ముగ్ధుడిన్నయాను. ఆమె చాలా అందంగా ఉంటుంది. దానికితోడు అలాంటి నటన కూడా ప్రదర్శించడం చాలా గొప్ప విషయం' అని చెప్పారు. దీంతో మహేశ్‌ ప్రశంసలతో కదిలిపోయిన దీపిక ఆయనకు ట్విట్టర్‌లో కృతజ్ఞతలు తెలిపింది. 'తమాషా' చిత్రంలో దీపిక అద్భుతమైన నటనను ప్రశంసిస్తూ ఆమెకు వ్యక్తిగతంలో మహేశ్‌ కాల్‌ చేసినట్టు తెలిసింది. దీపిక ప్రస్తుతం సంజయ్‌లీలా భన్సాలీ 'బాజీరావు మస్తానీ'లో నటిస్తుండగా.. మహేశ్‌బాబు 'బ్రహ్మోత్సవం' వచ్చే ఏడాది ప్రేక్షకులను పలుకరించనుంది.


 ఓ సినిమా థియేటర్లో జాతీయ గీతం వినిపించినపుడు గౌరవ సూచకంగా లేచి నిలబడలేదనే కారణంతో ఓ మతానికి చెందిన కుటుంబాన్ని ఆ థియేటర్ నుంచి బయటకు పంపేశారు. ఈ వీడియో సోషల్ మీడియాలో హల్చల్ చేస్తోంది.
 
 గత శుక్రవారం విడుదలయిన హిందీ చిత్రం 'తమాషా'ను ప్రదర్శిస్తున్న ఓ మల్టీప్లెక్స్లో ఈ సంఘటన జరిగింది. తమాషా చిత్రం ప్రారంభకాకముందు జాతీయ గీతాన్ని ప్లే చేశారు. థియేటర్లోని ప్రేక్షకులు లేచి నిలబడగా, ఆ సమయంలో ఓ కుటుంబ సభ్యులు మాత్రం సీట్లలోనే కూర్చున్నారు. ఇది గమనించిన ప్రేక్షకులు వారితో వాగ్వాదానికి దిగారు. పరిస్థితి ఉద్రిక్తంగా మారడంతో థియేటర్  సిబ్బంది జోక్యం చేసుకుని ఆ కుటుంబాన్ని బయటకు పంపారు. ఆ కుటుంబం వెళ్లడంతో ఇతర ప్రేక్షకులు కేరింతలు కొట్టారు.  అయితే ఈ ఘటన ఎక్కడ జరిగిందన్న విషయం కచ్చితంగా తెలియరాలేదు. బెంగళూరులోని అని కొన్ని, ముంబై కుర్లా ప్రాంతంలో అని మరికొన్ని కథనాలు వినిపిస్తున్నాయి. మల్టీప్లెక్స్ థియేటర్ యాజమాన్యం ఈ ఘటనపై స్పందించలేదు. కొందరు నెటిజన్లు మాత్రం వెంటనే స్పందించి ప్రేక్షకుల చర్యను సమర్థించారు.


 ముంబై: బాక్సాఫీసు వద్ద కలెక్షన్ల 'తమాషా' జోరుగానే కొనసాగుతున్నది. రణ్‌బీర్ కపూర్, దీపికా పదుకొణే జంటగా తీసిన 'తమాషా' చిత్రం దేశంలో తొలిరోజే రూ. 10.87 కోట్లు వసూలు చేసింది. రణ్‌బీర్ కపూర్ కెరీర్‌లో తొలిరోజు అత్యధిక కలెక్షన్‌ ఇదే. ఇంతియాజ్ అలీ తెరకెక్కించిన ఈ చిత్రం గత శుక్రవారం విడుదలైంది.
 
 'తమాషా'లో రణ్‌బీర్, దీపికా అభినయానికి మంచి మార్కులే పడుతున్నాయి. దీనికి తోడు ప్రేక్షకుల 'మౌత్‌ పబ్లిసిటీ' కూడా సినిమాకు బాగా కలిసి వస్తున్నది చిత్రబృందం ఓ ప్రకటనలో తెలిపింది. గత శుక్రవారం భారీ సినిమాలు ఏవీ  విడుదల కాకపోవడం 'తమాషా'కు కలిసి వచ్చింది. పెద్ద సినిమాలు ఏవీ ప్రస్తుతం బరిలో లేకపోవడంతో మొదటి వారాంతంలో భారీగా వసూళ్లు ఉంటాయని చిత్రబృందం ఆశిస్తున్నది. యూటీవీ మోషన్ పిక్చర్స్, నదియావాలా గ్రాండ్‌సన్‌ ఎంటర్‌టైన్‌మెంట్ సంయుక్త సమర్పణలో సాజిద్ నదియావాలా ఈ సినిమాను రూపొందించారు.


 ఇప్పుడు బాలీవుడ్‌లో ప్రచార కార్యక్రమాలతో సందడి చేస్తున్న జంటల్లో రణ్‌బీర్ కపూర్, దీపికా పదుకొనేల జంట ఒకటి. ఈ మాజీ లవర్స్ నటించిన తాజా చిత్రం ‘తమాషా’ ఈ నెల 27న విడుదల కానుంది. ఈ చిత్రం ప్రచార కార్యక్రమాల్లో భాగంగా చిత్రబృందం ఢిల్లీ వెళ్లాలనుకున్నారు. ఫ్లయిట్ టికెట్స్ బుక్ అయిపోయాయి. దీపికా మాత్రం ముంబయ్ నుంచి ఢిల్లీ వరకు ట్రైన్‌లో వెళితే బాగుండు అనుకున్నారట.
 
 ఈ విషయం రణ్‌బీర్‌కి తెలిసిపోయింది. అంతే.. ఫ్లయిట్ టికెట్స్ క్యాన్సిల్ చేయించేసి, ట్రైన్ టికెట్స్ బుక్ చేయించేశారు. దీపికా హ్యాపీగా ట్రైన్ ఎక్కి, ‘అండ్ ది జర్నీ బిగిన్స్’ అని ట్వీట్ చేశారు. అంతా బాగానే ఉంది. దీపికా ఇష్టపడితే రణ్‌బీర్ ఎందుకు తీర్చాలి? ఈ విషయంలో ఆయన తాజా ప్రేయసి కత్రినా కైఫ్‌కి కోపం వచ్చే అవకాశం ఉందేమో అని పరిశీలకులు అంటున్నారు. పాయింటే కదా!


 ముంబై: రణబీర్ కపూర్ యాక్టింగ్పై ప్రముఖ దర్శకుడు ఇంతియాజ్ ఆలీ ప్రశంసలతో ముంచెత్తాడు. వీరి కాంబినేషన్లో తెరకెక్కిన తమాషా చిత్రం ఈ నెల 27న ప్రేక్షకుల ముందుకు వస్తుంది. ఈ మూవీలో రణబీర్ సరసన దీపికా పదుకునే నటిస్తున్న విషయం తెలిసిందే.
 
 ఈ సందర్భంగా నిర్మాత ఆలీ చిత్ర విశేషాలను వివరించారు. రణబీర్ రిథమ్ వెరైటీగా ఉంటుందని, ఇండస్ట్రీలో అతని రికార్డులు ప్రత్యేకంగా
 ఉంటాయన్నారు. రేసులో రణబీర్ లేకపోయినా అభిమానులు ఫాలో అవుతారని, రణబీర్ నిజమైన నటుడని కితాబిచ్చారు. తమాషాలో
 రణబీర్.. వేద అనే పాత్రలో, దీపికా.. తార అనే పాత్రలలో మెరవనున్నారు. వీరివురి పాత్రలను పోల్చడం సరికాదని, ఈ జంట అద్భుతంగా నటించారని చెప్పాడు.  
 
 2011లో వీళ్లిద్దరీ కాంబినేషన్లో వచ్చిన రాక్స్టార్ అవార్డుల పంట పండించిన విషయం తెలిసిందే. ఈ రెండు సినిమాల్లో రణబీర్ యాక్టింగ్పై తన అనుభవాలను ఆలీ చెప్పుకోచ్చాడు. రాక్స్టార్ మూవీ కంటే ఈ చిత్రంలో రణబీర్ బాగా ఎక్కువ కష్టపడ్డాడని, భిన్న పాత్రలలో ఆకట్టుకుంటాడని అన్నాడు. తమాషాలో రణబీర్ అభిమానులను కచ్చితంగా మెప్పిస్తాడని నిర్మాత ఆలీ విశ్వాసం వ్యక్తం చేశాడు.
  


 ఓ వ్యక్తి మీద అతి ప్రేమ ‘పొసెసివ్‌నెస్’కి దారి తీస్తుంది. ఆ వ్యక్తి ఎవరితో కాస్తంత క్లోజ్‌గా మూవ్ అయినా భరించలేరు. ఈ మధ్య కత్రినా కైఫ్ స్థితి అదేనని బాలీవుడ్‌లో ఓ వార్త షికారు చేస్తోంది. చాక్లెట్‌బోయ్ రణ్‌బీర్ కపూర్‌తో కత్రినా ప్రేమలో ఉన్నారని వస్తున్న వార్తలు విదితమే. రేపో మాపో పెళ్లి చేసుకునే మూడ్‌లో ఈ జంట ఉన్నట్లు బోగట్టా. అంతా సజావుగా సాగితే మజాగానే ఉంటుంది.. కానీ, ఈ మధ్య తన మాజీ ప్రేయసి దీపికా పదుకొనేతో రణ్‌బీర్ చనువుగా ఉంటున్నారట. ఈ ఇద్దరూ ఇటీవల ‘తమాషా’ చిత్రంలో జంటగా నటించిన విషయం తెలిసిందే. ఆ షూటింగ్ లొకేషన్లో ఇద్దరూ మునుపటిలా ముచ్చట్లు చెప్పుకున్నారని ఎవరో కత్రినా చెవిలో పడేశారట.
 
 అది విన్న కత్రినా తెగ ఫీలైపోయారట. ఈ విషయం గురించి ఇటీవల ఓ కార్యక్రమంలో కత్రినాను పాత్రికేయులు అడిగితే.. ‘‘అవునా.. నేను ఫీలయ్యానా?’’ అన్నట్లు మొహం పెట్టారు. దీపికాతో రణ్‌బీర్ క్లోజ్ ఉంటే నాకేంటి? అని కత్రినా చెబుతూ- ‘‘రణ్‌బీర్ కపూర్ ఏ హీరోయిన్‌తోనైనా వర్క్ చేయచ్చు. అతనికా స్వేచ్ఛ  ఉంది.
 
 వాళ్లతో వర్క్ చేయి, వీళ్లతో వర్క్ చేయి.. ఆ హీరోయిన్ సరసన నటిస్తే ఊరుకునేది లేదు అని చెప్పడానికి నేనెవరిని? నేనేం డెరైక్టర్‌ను కాను కదా? అయినా ఓ సినిమాలో  హీరో, హీరోయిన్‌గా నటిస్తున్న వాళ్ల మధ్య ఏదో ఉందని అనుకోవడం మూర్ఖత్వమే అవుతుంది. నేను కూడా సినిమా నటినే. నేనూ ఎంతోమంది హీరోల సరసన నటిస్తున్నాను. ఎవరితో నటిస్తే వాళ్లతో ఎఫైర్ ఉన్నట్లా? అలా అనుకోవడం ఎంతవరకూ సమంజసం’’ అన్నారు.


 ‘ఈరోజుల్లో’ ఫేం శ్రీ, నీలం ఉపాధ్యాయ, సునీత మార్షియా ప్రధాన పాత్రధారులుగా శ్రీనివాస్ బల్లా దర్శకత్వంలో రూపొందుతోన్న చిత్రం ‘తమాషా’. ఎం.విజయవర్దన్‌రావు, శివారెడ్డి నీలపు కలిసి నిర్మిస్తున్న ఈ చిత్రం హైదరాబాద్‌లో మొదలైంది. ముహూర్తపు దృశ్యానికి రమణ గోగుల కెమెరా స్విచాన్ చేయగా, శ్రీకాంత్ అడ్డాల క్లాప్ ఇచ్చారు. అనిల్‌కుమార్ యాదవ్ గౌరవ దర్శకత్వం వహించారు.


  ‘ఈరోజుల్లో’ ఫేం శ్రీ, నీలం ఉపాధ్యాయ, సునీత మార్షియా ప్రధాన పాత్రధారులుగా శ్రీనివాస్ బల్లా దర్శకత్వంలో రూపొందుతోన్న చిత్రం ‘తమాషా’. ఎం.విజయవర్దన్‌రావు, శివారెడ్డి నీలపు కలిసి నిర్మిస్తున్న ఈ చిత్రం హైదరాబాద్‌లో మొదలైంది. ముహూర్తపు దృశ్యానికి రమణ గోగుల కెమెరా స్విచాన్ చేయగా, శ్రీకాంత్ అడ్డాల క్లాప్ ఇచ్చారు. అనిల్‌కుమార్ యాదవ్ గౌరవ దర్శకత్వం వహించారు. నిర్మాతలు మాట్లాడుతూ -‘‘శ్రీనివాస్ బల్లా అద్భుతమైన కథ తయారు చేశారు. మలయాళ దర్శకుడు సిద్దిక్ శిష్యుడైన శ్రీనివాస్ ఈ చిత్రాన్ని జనరంజకంగా తీస్తారనే నమ్మకం మాకుంది’’ అని చెప్పారు.
  
   నిర్మాతలు తనపై ఉంచిన నమ్మకాన్ని తప్పకుండా నిలబెట్టుకుంటానని దర్శకుడు చెప్పారు. మంచి నిర్మాతలు దొరికితేనే ఈ సినిమా చేయాలని డిసైడ్ అయ్యానని, అనుకున్నట్లే మంచి నిర్మాతలు దొరికారని శ్రీ అన్నారు. సంగీతానికి మంచి ఆస్కారం ఉన్న సినిమా ఇదని సంగీత దర్శకుడు రఘురాం అన్నారు. సయాజీ షిండే, ఎమ్మెస్ నారాయణ, దువ్వాసి మోహన్, రవిప్రకాష్, ప్రవీణ్ తదితరులు ఇతర పాత్రలు పోషిస్తున్న ఈ చిత్రానికి మాటలు: జి.సందీప్, సంగీతం: రఘురామ్, ప్రొడక్షన్ ఎగ్జిక్యూటివ్: కె.వి.రావు, నిర్మాణ సారథ్యం: ఎస్.ముకుందరావు.