తెలంగాణ ఉద్యమంలో పాల్గొన్నవారిపై సమైక్య రాష్ట్రంలో నమోదైన కేసులను ఎత్తివేయాలని తెలంగాణ ప్రభుత్వం నిర్ణయించింది. మొత్తం పది జిల్లాల్లో 500కు పైగా కేసులు అప్పట్లో నమోదయ్యాయి. వీటిని జిల్లాల వారీగా మాఫీ చేయాలని నిర్ణయించారు. ఈ మేరకు అధికారులు ఒక ఫైలు సిద్ధం చేశారు.
 
 న్యాయశాఖకు పంపాల్సిన ఈ ఫైలు మీద ఇప్పటికే ముఖ్యమంత్రి కె. చంద్రశేఖరరావు సంతకం చేశారు. దీంతో ఒకటి లేదా రెండు రోజుల్లోనే తెలంగాణ ఉద్యమకారులపై కేసులు ఎత్తివేస్తూ ఉత్తర్వులు వెలువడే అవకాశం కనిపిస్తోంది.