బెంగళూరు: దైవ దర్శనానికి వెళ్లి తిరిగి వస్తున్న వారిని రోడ్డు ప్రమాదం రూపంలో మృత్యువు కబళించింది. టెంపో ట్రావెలర్‌ను ఓ పాల వ్యాన్‌ ఢీకొట్టటంతో తొమ‍్మిది మంది అక్కడికక్కడే ప్రాణాలు కోల్పోయారు. ఈ దుర్ఘటన కర్ణాటకలోని హస్సాన్‌ జిల్లాలో ఆదివారం తెల్లవారుజామున జరిగింది. ప్రమాదంలో టెంపో ట్రావెలర్‌ నుజ్జునుజ్జయింది. మరికొంత మంది గాయపడినట్లు సమాచారం. బాధితులంతా ఒకే కుటుంబానికి చెందిన వారిగా తెలుస్తోంది.  జిల్లాలోని అర్సికేరే తాలుకాలోని గాంధీనగర్‌ సమీపంలో ఈ ప్రమాదం జరిగినట్లు పోలీసులు తెలిపారు. బాధితులు ధర్మస్థల, సుబ్రమణ్య, హసనాంబ ఆలయాలను దర్శించుకుని తిరుగు ప్రయాణమైనట్లు చెప్పారు. ‘గాంధీనగర్‌ సమీపంలో టెంపో ట్రావెలర్‌, కేఎంఎఫ్‌ పాల వ్యాన్‌ ఢీకొన్నాయి. ఈ ఘటనలో 9 మంది ప్రాణాలు కోల్పోయారు.’ అని పేర్కొన్నారు. Hassan, Karnataka | 9 people died in an accident involving a head-on collision between a Tempo traveller vehicle and a KMF milk vehicle near Gandhinagar in Arsikere taluka while returning home after visiting Dharmasthala, Subramanya, Hasanamba temples: Police pic.twitter.com/DTbMkbWnWI — ANI (@ANI) October 16, 2022 ఇదీ చదవండి: హాంకాంగ్‌పై నియంత్రణ సాధించాం.. తర్వాత తైవానే.. జిన్‌పింగ్‌ కీలక ప్రకటన

షిమ్లా: హిమాచల్‌ ప్రదేశ్‌లో ఘోర ప్రమాదం చోటుచేసుకుంది. పర్యాటకులతో వెళుతున్న టెంపో ట్రావెలర్‌ కులు జిల్లాలోని బంజార్‌ సబ్‌ డివిజన్‌ సమీపంలో అదుపుతప్పి లోయలో పడిపోయింది. ఘటన ఆదివారం రాత్రి 8.30 గంటల సమయంలో చోటుచేసుకుంది. ఈ ప్రమాదంలో ఏడుగురు టూరిస్టులు మృతి చెందారు. దాదాపు 10 మంది గాయపడ్డారు. సమాచారం అందుకున్న అధికారులు స్థానికులతో కలిసి సహాయక చర్యలు చేపట్టారు. క్షతగాత్రులను ఆసుపత్రికి తరలించి చికిత్స అందిస్తున్నారు.  ‘కులు జిల్లా బంజర్ వ్యాలీలోని ఘియాఘి సమీపంలో టూరిస్ట్‌ వాహనం కొండపై నుంచి బోల్తా పడింది. ఈ ఘటనలో ఏడుగురు మృత్యువాతపడ్డారు. మరో పది మందికి గాయాలయ్యాయి. అయిదుగురిని కుళ్లులోని జోనల్‌ ఆసుపత్రికి తరలించాడం. మరో అయిదుగురికి బంజార్‌ ఆసుపత్రిలో చికిత్స అందిస్తున్నాం’మని కులు ఎస్పీ గురుదేవ్‌ సింగ్‌ తెలిపారు. బాధితులంతా రాజస్థాన్, మధ్యప్రదేశ్, హర్యానా, ఢిల్లీ సహా పలు రాష్ట్రాలకు చెందిన వారుగా గుర్తించారు.  చదవండి: అసోం సీఎం హిమంత, సద్గురుపై కేసు


 తిరుమల : తిరుమలలోని గరుడాద్రి నగర్‌లో తమిళనాడు రాష్ట్రానికి చెందిన ఓ టెంపో ట్రావెలర్ వాహనం శుక్రవారం సాయంత్రం దగ్ధమైంది. 11 మంది తమిళనాడు భక్తులతో వాహనం తిరుమల నుంచి తిరుపతికి బయలుదేరగా.. జీఎంసీ టోల్‌ గేట్ దాటిన వెంటనే అకస్మాత్తుగా వాహనంలో మంటలు లేచాయి. డ్రైవర్ అప్రమత్తమై వెంటనే వాహనాన్ని నిలిపివేయగా, అందులోని వారందరూ దిగిపోయారు. దీంతో పెను ప్రమాదం తప్పింది. అగ్ని మాపక సిబ్బంది అక్కడకు చేరుకుని మంటలను ఆర్పివేశారు.