‘‘మాచర్ల నియోజకవర్గం’ సినిమాని ఆదరిస్తున్న ప్రేక్షకులకు థ్యాంక్స్‌. నా కెరీర్‌లోనే బెస్ట్‌ ఓపెనింగ్స్‌ ఇచ్చారు. మీ ప్రోత్సాహం ఎప్పుడూ ఉంటుందని నమ్మాను.. ఈ సినిమాతో నా నమ్మకం మరోసారి నిజమైంది’’ అని నితిన్‌ అన్నారు. ఎమ్‌ఎస్‌ రాజశేఖర్‌ రెడ్డి దర్శకత్వంలో నితిన్‌ హీరోగా, కృతీ శెట్టి, కేథరిన్‌ హీరోయిన్లుగా నటింన చిత్రం ‘మాచర్ల నియోజకవర్గం’. సుధాకర్‌ రెడ్డి, నిఖితా రెడ్డి నిర్మించిన ఈ సినిమా శుక్రవారం విడుదలయింది. శనివారం థ్యాంక్స్‌ మీట్‌లో నితిన్‌ మాట్లాడుతూ– ‘‘చాలాకాలం తర్వాత నా జోనర్‌ని మార్చి యాక్షన్‌లోకి వెళ్లాను.. ప్రేక్షకులు అద్భుతంగా ఆదరిస్తున్నారు. యాక్షన్, కామెడీ సీన్స్‌కి ప్రేక్షకుల చప్పట్లు, విజిల్స్‌ నాలో ఉత్సాహాన్నిచ్చాయి. ఈ సమయంలో ఇంత మంచి ఓపెనింగ్‌ రావడం చాలా ఆనందంగా ఉంది’’ అన్నారు. ‘‘మా సినిమాని ఇంత గొప్ప సక్సెస్‌ చేసిన ఆడియన్స్‌కి థ్యాంక్స్‌’’ అన్నారు నిఖితా రెడ్డి. ‘‘మా చిత్రాన్ని ప్రేక్షకులు చాలా ఎంజాయ్‌ చేస్తున్నారు’’ అన్నారు రాజశేఖర్‌ రెడ్డి. ‘‘మా చిత్రం తొలి రోజే రూ. 10కోట్లు వసూలు చేయడం మామూలు విషయం కాదు.. ప్రేక్షకులకు కృతజ్ఞతలు’’ అన్నారు కృతీ శెట్టి.   

Udhayanidhi Stalin About Nenjukku Needhi Success: ఉదయనిధి స్టాలిన్‌ కథానాయకుడిగా నటించిన చిత్రం నెంజిక్కు నీతి. తాన్య నాయకిగా నటించిన ఈ చిత్రాన్ని బోనీ కపూర్‌ సమర్పణలో జీ స్టూడియోస్, బేవ్యూ ప్రాజెక్ట్స్, రోమియో పిక్చర్స్‌ సంస్థలు నిర్మించాయి. అరుణ్‌ రాజా  కామరాజ్‌ దర్శకత్వం వహించిన ఈ చిత్రాన్ని రెడ్‌ జెయింట్‌ మూవీస్‌ సంస్థ విడుదల హక్కులను పొందింది. ఇటీవల విడుదలై విజయవంతంగా ప్రదర్శింపబడుతోంది. దీంతో చిత్ర యూనిట్‌ శనివారం సాయంత్రం చెన్నైలో థాంక్స్‌ మీట్‌ కార్యక్రమాన్ని నిర్వహించారు.  ఇందులో పాల్గొన్న ఉదయనిధి స్టాలిన్‌ మాట్లాడుతూ మనసులను టచ్‌ చేసే చిత్రాన్ని అందించామని, అందుకు అభినందించిన మీ అందరికీ ధన్యవాదాలు అని పేర్కొన్నారు.  హిందీ చిత్రం 'ఆర్టికల్​ 15'ను తమిళ్‌కు తగ్గట్టుగా మార్పులు, చేర్పులు చేసి తెరకెక్కించిన దర్శకుడు అరుణ్‌ రాజా కామరాజ్‌నే ఈ చిత్ర విజయానికి ముఖ్య కారణమన్నారు. అందరూ చాలా బాగా నటించారని, నిర్మాతలకు థాంక్స్‌ అని, ఈ చిత్ర విజయాన్ని దర్శకుడు అరుణ్‌ రాజా కామరాజ్‌కు ఆయన సతీమణికి అంకితం ఇస్తున్నట్లు పేర్కొన్నారు. చదవండి: ఆ పాత్ర నాకు నచ్చలేదు.. కానీ ఒప్పుకున్నా: సత్యరాజ్ నీటి అలల మధ్య భర్తకు అనసూయ లిప్‌లాక్‌.. వీడియో వైరల్‌​

Aadi Sai Kumar Athithi Devo Bhava Movie Thank You Meet: ‘‘మంచి చిత్రాలకు ప్రేక్షకుల ఆదరణ ఎప్పుడూ ఉంటుంది. ‘అతిథి దేవోభవ’ సినిమా విడుదలైన మొదటి ఆట నుంచే నాకు అభినందలు వస్తున్నాయి. కోవిడ్‌ పరిస్థితులు ఉన్నా కూడా మా సినిమాను ఆదరిస్తున్న ప్రేక్షకులకు ధన్యవాదాలు’’ అని ఆది సాయికుమార్‌ అన్నారు. పొలిమేర నాగేశ్వర్‌ దర్శకత్వంలో ఆది సాయికుమార్, సువేక్ష జంటగా తెరకెక్కిన చిత్రం ‘అతిథి దేవోభవ’. రాం సత్య నారాయణ రెడ్డి సమర్పణలో రాజాబాబు మిర్యాల, అశోక్‌ రెడ్డి మిర్యాల నిర్మించిన ఈ చిత్రం ఈ నెల 7న విడుదలైంది. ఈ సందర్భంగా నిర్వహించిన థ్యాంక్స్‌ మీట్‌లో ఆది సాయికుమార్‌ మాట్లాడుతూ– ‘‘మా సినిమాకి కలెక్షన్లు బాగున్నాయని రిపోర్ట్‌ వచ్చింది. సెంటిమెంట్‌తో పాటు యాక్షన్, కామెడీ సన్నివేశాలను నాగేశ్వర్‌గారు బాగా తీశారు’’ అన్నారు. ‘‘మా సినిమా బాగుందని ప్రేక్షకులు చక్కని తీర్పు ఇచ్చారు’’ అన్నారు నాగేశ్వర్‌. ‘‘మా తొలి ప్రయత్నాన్ని ఆదరిస్తున్న ప్రేక్షకులకు థ్యాంక్స్‌’’ అన్నారు నిర్మాతలు రాజాబాబు, అశోక్‌. 

ఐకానిక్‌ స్టార్‌ అల్లు అర్జున్‌, క్రియేటివ్ డైరెక్టర్‌ సుకుమార్‌ కాంబినేషనల్‌లో వచ్చిన క్రేజీ హ్యాట‍్రిక్‌ చిత్రం 'పుష్ప: ది రైజ్‌'. ఈ చిత‍్రం బాక్సాఫీస్ వద్ద వసూళ్లను కొల్లగొడుతూ తగ్గేదే లే అంటోంది. డిసెంబర్ 17న విడుదలైన పుష్ప ఇప్పటికే రూ.100 కోట్లకుపైగా రాబట్టింది. ఈ చిత్రంలో స్టార్‌ హీరోయిన్‌ సమంత ఐటమ్‌ సాంగ్‌ స్పెషల్ అట్రాక్షన్‌గా నిలిచింది. ఈ మూవీ భారీ విజయం సాధించడంతో చిత్ర యూనిట్‌ థ్యాంక్యూ మీట్‌ను నిర్వహించింది. ఈ కార్యక్రమంలో పాటల రచయిత చంద్రబోస్‌పై పొగడ్తల వర్షం కురిపించాడు డైరెక్టర్ సుకుమార్‌. ఈ క్రమంలోనే చంద్రబోస్‌ గురించి చెబుతూ ఎమోషనల్‌ అయిన సుకుమార్‌ చంద్రబోస్‌ కాళ్లు మొక్కేందుకు ప్రయత్నించారు. దాన్ని వద్దని చంద్రబోస్‌ వారిస్తూ తాను కూడా సుకుమార్‌ పాదాలను తాకేందుకు ప్రయత్నించారు.  అలాగే 'చంద్రబోస్‌ ప్రతిభ ఏంటో నాకు తెలుసు. ఊ  అంటావా అని చంద్రబోస్‌ గారు నాలుగేళ్ల క్రితం అన్నారు. మీరు ఉఉ అనండి.. దాన్ని అలానే దాచేయండి అని చెప్పాను. నాకోసం నాలుగేళ్ల దాచిన ఆ పాట ప్రపంచం మొత్తాన్ని ఊ కొట్టిస్తుంది. చంద్రబోస్‌ స్పాంటేనిటీ అద్భుతం. ఆయన శక్తికి పాదాభివందనం. నాకు పాట కావాలంటే ఐదు నిమిషాల్లో ఈజీగా పాట, పల్లవి చెబుతుంటారు.  అది చూసి నేను ఆశ్చర్యపోతుంటా. చంద్రబోస్‌ నవ్వుతూ ఉంటే మామలు వ్యక్తిగానే ఉంటారు. పాట రాసినప్పుడు మాత్రం ఆయన శక్తి ఏంటో తెలుస్తుంది. ఆయన గురించి అందరికి తెలియాలనే ఇలా స్టేజ్‌పైకి పిలిపించాను.' అని సుకుమార్‌ తెలిపారు.  ఇదీ చదవండి: బన్నీ స్టార్‌డమ్‌పై కరణ్‌ జోహర్‌ షాకింగ్‌ కామెంట్స్‌.. ఏమన్నాడంటే ?


 ఖైదీ నంబర్ 150 సినిమాతో బిగ్ హిట్ అందుకున్న మెగాస్టార్ చిరంజీవి, తనకు ఇంతటి ఘనవిజయాన్ని అంధించిన అభిమానులకు కృతజ్ఞతలు తెలియజేయనున్నాడు. ఈ సినిమా థ్యాంక్స్ మీట్ను గ్రాండ్గా సెలబ్రేట్ చేసుందుకు ప్లాన్ చేస్తున్నారు. వివి వినాయక్ దర్శకత్వంలో కాజల్ హీరోయిన్గా తెరకెక్కిన ఖైదీ నంబర్ 150, సంక్రాంతి కానుకగా రిలీజ్ వందకోట్ల కలెక్షన్లతో సత్తాచాటింది.
 
 ఈ సందర్భంగా చిత్రయూనిట్ థ్యాంక్స్ మీట్ ను ఏర్పాటు చేస్తున్నారు. అయితే ముందుగా ఈ థ్యాంక్స్ మీట్ను వైజాగ్లో నిర్వహించాలని భావించినా.. తాజా పరిస్థితుల నేపథ్యంలో హైదరాబాద్లో ఏర్పాటు చేయాలని భావిస్తున్నారట. జనవరి 28న హైదరాబాద్ వేదికగా భారీ ఈవెంట్ ను నిర్వహించేందుకు చిత్రయూనిట్ రెడీ అవుతోంది. ప్రస్తుతానికి అఫీషియల్ ఎనౌన్స్మెంట్ లేకపోయినా దాదాపు ఇదే డేట్ ఫిక్స్ అన్న టాక్ వినిపిస్తోంది.