సాక్షి, నెట్‌వర్క్‌:  ప్రతి పనికి, ప్రతి ఆదేశానికి ఇక్కడ ఓ లెక్క, పద్ధతి ఉండాలి. కానీ అర దశబ్దానికి పైగా ఒకే పోస్టులో పాతుకుపోయిన కొందరు ఉన్నతాధికారుల కారణంగా రాష్ట్ర ట్రెజరీస్‌ అండ్‌ అకౌంట్స్‌ విభాగంలో ఎలాంటి లెక్క, పద్ధతి లేకుండా పోయిందని చెపుతున్నారు. సిబ్బంది విన్నపాలు, విజ్ఞాపనలు కనీస పరిశీలన లేకుండానే బుట్టదాఖలవుతున్న తీరు ఉన్నత స్థాయి అధికారుల ఇష్టారాజ్యానికి అద్దం పడుతోందని ఆరోపణలు వస్తున్నాయి. రాష్ట్రంలో భారీ వర్షాల కారణంగా అద్దె భవనాల్లో ఉన్న పలు సబ్‌ట్రెజరీ కార్యాలయాల్లో నీరు కురుస్తోంది. అలాంటి వాటిని వదిలి సొంత భవనాల్లోకి వెళ్లాలన్న విజ్ఞప్తులను పట్టించుకునేవారు కరువయ్యారని అంటున్నారు. అలాగే పదోన్నతులు, బదిలీలు, డిప్యుటేషన్లు, వేధింపులు, మెడికల్‌ రీయింబర్స్‌మెంట్‌ ఫైళ్ల పరిష్కారంలో జాప్యంపై ట్రెజరీస్‌ అండ్‌ అకౌంట్స్‌ ఉద్యోగుల్లో తీవ్ర నిరసన వ్యక్తం అవుతోంది.   సొంతభవనాలు సిద్ధమైనా.. అద్దె ఆఫీసుల్లోనే  రాష్ట్రంలో పలు చోట్ల సొంతంగా నిర్మించిన కొత్త సబ్‌ట్రెజరీ భవనాలు సిద్ధమైనా.. ప్రైవేటు భవనాలపై ఆ శాఖ ఉన్నతాధికారులకు మోజు తీరటం లేదని విమర్శలు వస్తున్నాయి. ఓ వైపు సౌకర్యాల లేమితో పాటు పలు భవనాలు వర్షాలకు నీరు కురుస్తూ, పెచ్చులూడుతూ ఉద్యోగులను భయపెడుతున్నా ఉన్నతాధికారులు వాటిని వీడటం లేదని ఆరోపణలున్నాయి. సొంత భవనాల్లోకి మారకపోవడం ఉద్యోగులకు ఇబ్బందికరంగా మారింది. రాష్ట్రవ్యాప్తంగా సబ్‌ట్రెజరీ భవనాల ఆధునీకరణ కోసం నాలుగేళ్ల క్రితం రూ.23.8 కోట్లను పోలీస్‌ హౌసింగ్‌ కార్పొరేషన్‌కు బదిలీ చేశారు. అయితే ప్రభుత్వం ఉన్న భవనాల ఆధునీకరణ (రీ మోడలింగ్‌) కోసమే నిధులిస్తే.. అన్నీ తానై వ్యవహరిస్తున్న డైరెక్టరేట్‌ అధికారి కనుసన్నల్లో పలు చోట్ల నూతన భవనాలనే కట్టించేశారు. అయితే నూతన భవనాలు పూర్తయి ఆరునెలలు అవుతున్నా.. ప్రభుత్వ అనుమతి లేకుండా నిర్మించారన్న కారణంతో వాటిని ట్రెజరీ డైరెక్టరేట్‌ తిరిగి స్వాధీనం చేసుకోకపోవటంతో ఆయా చోట్ల ఉద్యోగులు అవస్థలు పడాల్సి వస్తోందని విమర్శలు వినిపిస్తున్నాయి. ఆరునెలల క్రితమే మిర్యాలగూడ, హుజూర్‌నగర్, చండూరు, నిడ్మనూరు, కోదాడ, నకిరేకల్, నాంపల్లిలలో నూతన భవనాలు సిద్ధం కాగా, అలంపూర్‌లో నిర్మాణ పనులు మధ్యలోనే నిలిచిపోయాయి. ఇక రామాయంపేట, తూప్రాన్, భద్రాచలం తదితర చోట్ల టెండరు స్థాయిలోనే పనులు నిలిపేశారు.  విన్నపాలు వినరు..   ‘ట్రెజరీ కార్యాలయానికి వచ్చే బిల్లులను నిబంధన మేరకు ఐదు రోజుల్లో ఆమోదించాలి.. లేదా తిరస్కరించాలి. లేదంటే మాకు మెమో తప్పదు. కానీ మేము ట్రెజరీస్‌ డైరెక్టరేట్‌కు చేసే విన్నపాలకు మాత్రం దిక్కులేదు. పరిష్కారానికి ఎన్ని నెలలైనా పట్టొచ్చు’అని ఉద్యోగులు అంటున్నారు. సమస్య తీవ్రతను చెప్పేందుకు డైరెక్టర్‌ను కలవడానికి వెళితే ఎవరికీ అనుమతి ఉండదంటూ రాష్ట్ర ట్రెజరీస్‌ అండ్‌ అకౌంట్స్‌ ఉద్యోగులు ఆందోళన వ్యక్తం చేస్తున్నా రు. తీవ్ర అనారోగ్యానికి గురై, కోలుకునేందుకు రూ.50 లక్షల ఆస్పత్రి బిల్లు చెల్లించిన ఒక ట్రెజరీ ఉ ద్యోగికి చెందిన మెడికల్‌ రీయింబర్స్‌మెంట్‌ ఫైల్‌ ను డైరెక్టరేట్‌లో 3 నెలలు తొక్కిపెట్టిన వైనం.. డైరెక్టరేట్‌లో ఉద్యోగుల దుస్థితికి నిదర్శనమని సబ్‌ట్రెజరీ స్థాయి అధికారి ఒకరు ‘సాక్షి’వద్ద ఆవేదన వ్యక్తం చేశారు. డిప్యుటేషన్లు, పదోన్నతుల విషయ ంలో సీనియర్‌ ఐఏఎస్‌ పూర్తి మద్దతు తమకుందన్న ధీమాతో ఏకంగా ఆర్థిక మంత్రి సూచనలను సైతం డైరెక్టరేట్‌ ఉన్నతాధికారులు పట్టించుకోవటం లేదని ఉద్యోగులు ఆవేదన వ్యక్తం చేస్తున్నారు.  కోట్లు పోసి కొన్నా.. తప్పని మొరాయింపు   ట్రెజరీ కార్యాలయాలకోసం ఇటీవల రూ.6 కోట్ల వ్యయంతో కొనుగోలు చేసిన కంప్యూటర్లు ఉద్యోగులకు చుక్కలు చూపెడుతున్నాయి. సిస్టమ్‌ ఆన్‌చేసిన అనంతరం బూట్‌ అయ్యేందుకే ఐదు నుంచి పది నిమిషాల సమయం పడుతోందని చెబుతున్నా రు. మధ్య, మధ్యలో సాఫ్ట్‌వేర్‌ సపోర్ట్‌ చేయక షట్‌డౌన్‌ అవుతుండటంతో సమయమంతా వృథా అవు తోందని ఉద్యోగులు ఆవేదన వ్యక్తం చేస్తున్నారు. కొత్తగా కొన్న వాటికంటే ఆరేళ్ల క్రితంనాటి కంప్యూటర్లే మెరుగ్గా పనిచేస్తున్నాయని చెపుతున్నారు.  ఆఫీసుకు వెళ్లాలంటే భయం..   ఆఫీసుకు వెళ్లాలంటేనే భయం వేస్తోంది. పూర్తి శిథిలావస్థకు చేరిన అద్దె భవనంలో ఇప్పుడు విధు­లు నిర్వహిస్తున్నాం. భవ­నం స్లాబ్‌ పెచ్చులూడిపడుతోంది. వర్షం నీళ్లు వచ్చి అనేక ఫైళ్లు తడిచిపోతున్నాయి. కొత్త భవనం సిద్ధమైనా ఇంకా ప్రారంభించటం లేదు.      – ఎం.సతీశ్, సీనియర్‌ అకౌంటెంట్, చండూరు, నల్లగొండ జిల్లా  

‘పస్కా’ అనే పులియని రొట్టెల పండుగను యెరూషలేములో ఎంతో ఘనంగా ప్రతి ఏడాదీ జరుపుతారు. ప్రపంచంలోని యూదులంతా ఇప్పటికీ ఈ పండుగ చేసుకోవడానికి యెరూషలేముకొచ్చి అక్కడి మహా దేవాలయంలో దేవుని ఆరాధిస్తారు. యేసు ఆయన శిష్యులు కూడా పస్కా పండుగ కోసమే ఒకసారి యెరూషలేము కొచ్చారు. ఐగుప్తు దాస్య విముక్తికి సూచనగా కొన్ని వందల ఏళ్ళ క్రితం ఇశ్రాయేలీయులు ఆ పండుగను దేవుని ఆదేశాల మేరకు వాగ్దానదేశానికి వెళ్తున్న అరణ్యంలో తొలిసారిగా ఆచరించారు. అప్పటి నుండీ దేవుని ప్రజలు కొన్ని వందల ఏళ్లుగా పస్కా పండుగను ఆచరిస్తూనే ఉన్నారు. ఈసారి పస్కా పండుగ లో యేసే సిలువలో తనను తాను పస్కా పశువుగా బలియాగం చెయ్యబోతున్నాడు. యేసు ఆ విషయాన్ని తన శిష్యులకు ఎంతగా బోధించినా వారికర్థం కావడం లేదు. ప్రభువు శిష్యుల్లో ఒకడైన యూదా ఇస్కరియోతైతే, ఏకంగా యేసును అమ్మి డబ్బు సంపాదించుకునేందుకు అదొక మంచి అవకాశమని నమ్మాడు. యెరూషలేములో  ప్రధాన యాజకులను, యూదుల పెద్దలను కలుసుకొని, యేసు చుట్టూ ఎప్పుడు చూసినా వేలాది మంది ప్రజలుంటారు. కాబట్టి ఎవరూ లేని చోట ఆయన్ని అప్పగిస్తానని ఒప్పందపడి అందుకు ప్రతిఫలంగా ముప్పై వెండి నాణేలు యూదా తీసుకున్నాడు.యూదా లోకి దేవుని శత్రువైన సాతాను ప్రవేశించాడని, తమతో చేతులు కలిపిన యూదాను చూసి యేసు శత్రువులైన యాజకులు, అధిపతులు ఎంతో సంతోషించారని బైబిల్‌ చెబుతోంది( లూకా 22:3–6).యేసుప్రభువును సంతోషపెట్టాల్సిన యూదా ఆయన శత్రువులను సంతోషపెట్టడం ఆశ్చర్యంగా ఉంది కదూ?? దేవుని రాజ్యం డబ్బుకు, ఈ లోకప్రలోభాలకు సంబంధించినది కాదని, అది పూర్తిగా పరలోక సంబంధమైన విలువలకు, అత్యున్నతమైన సాక్ష్యపు ప్రమాణాలకు సంబంధించిన అంశమని యేసు ప్రభువు పదే పదే తన శిష్యులకు, ప్రజలకు కూడా తన బోధల్లో స్పష్టం చేశాడు. డబ్బుకు విలువ లేదని, దాని విలువ ప్రభువుకు తెలియదనీ కాదు. యేసు, ఆయన శిష్యులు కూడా తమ ఆహారం తదితర అవసరాల కోసం తప్పకుండా డబ్బు వెచ్చించారు. ఎప్పటికప్పుడు యేసు అభిమానులే ఆ డబ్బు సమకూర్చారు, ప్రభువు ఆ డబ్బు సంచిని యూదా వద్దనే పెట్టాడు కూడా. అయితే డబ్బే సర్వం కాదని యేసు నమ్మాడు, అలాగే జీవించాడు, తన శిష్యులకు అదే బోధించాడు కూడా. లోకం డబ్బుతోనే నడుస్తుంది. కాని డబ్బు కోసమే లోకం నడవకూడ దని ప్రభువు బోధించాడు, తన జీవనశైలితో అదే అంశాన్ని యేసు చాటాడు కూడా. డబ్బుతో కొనలేని, వెలకట్టలేని కుటుంబ ప్రేమలు, స్నేహబంధాలు, శాంతి, సమాధానం, తృప్తి, జీవన సాఫల్యం, ప్రేమ, క్షమాపణ, ప్రజల ఆదరాభిమానాలు, ఇవన్నీ ప్రభువు మాత్రమే ఇవ్వగలిగిన దేవుని రాజ్యసంబంధమైన మూలధనాలు, అమూల్య సిరులు. ఇల్లు, తిండి, డబ్బు లేనోళ్ళు పేదోళ్ళని లోకం నిర్వచిస్తుంది. అన్నమున్నా అది తినేందుకు ఆకలి, అవకాశం లేని వాళ్ళు, మెత్తటి పాన్పు, గొప్ప బంగాళా ఉన్నా హాయిగా నిద్రపోయి, అందులో ఆనందించే వీలు లేని వాళ్ళు. దేవుని కోసం, దేవుని ప్రేమను పొరుగువాడికి చాటేందుకు కాక, ధనార్జనే ధ్యేయంగా జీవితమంతా స్వార్థం కోసం బతికే వాళ్ళే నిరుపేదలని, దారిద్య్రరేఖకు దిగువన జీవించేవాళ్ళని యేసుప్రభువు బోధలు, ఆయన జీవితమూ నిర్వచించాయి. ఈ ‘బాలశిక్ష’ స్థాయిలోనే యూదా ఇస్కరియోతు ఫెయిల్‌ అయ్యాడు. ‘కామాతురత’ కన్నా భయంకరమైనది ‘ధనప్రలోభం’!! దైవిక రాజ్య విస్తరణలో తనకు సాయం చేసేందుకు దేవుడు పిలిస్తే, మధ్యలో దారి తప్పి ధనప్రలోభానికి గురై, పరిచర్యల్లో నిర్వీర్యులై, భ్రష్టులైన మహామహులెంతో మంది ఉన్నారు. వాస్తవమేమిటంటే, నశించిపోతున్న ఆత్మల్ని రక్షించే అతి ప్రాముఖ్యమైన పని కోసం దేవుడు లోకంలోని అత్యుత్తమ శ్రేణికి చెందిన వ్యక్తులనెన్నుకొని వారిని తనకు పరిచారకులుగా నియమించుకున్నాడు. పోతే, ధనార్జన లాంటి చిన్నపనుల కోసం దేవుడు లోకంలోని కుబేరులనెన్నుకున్నాడు. ఈ తేడా తెలియకనే, యూదా ఇస్కరియోతు దేవుడు తనకిచ్చిన వెలలేని భాగ్యానికి ముప్పై వెండి నాణేల విలువ కట్టి, చరిత్రహీనుడయ్యాడు. – రెవ.డా.టి.ఎ.ప్రభుకిరణ్‌

కశ్యప ప్రజాపతి, అదితి దంపతులకు విష్ణుమూర్తి అనుగ్రహంతో జన్మించినవాడే సూర్యుడు. ఈయన రవి, మిత్రుడు, భాను, అర్క, భాస్కర, సవిత, వివస్వత, సర్వాత్మక, సహస్రకిరణ, పూష, గభస్తిమాన్, ఆదిత్యుడు అనే ఇతర నామాలతో కూడా ప్రసిద్ధుడు. ఛాయాదేవి, సంజ్ఞాదేవి ఈయన పత్నులు. శనీశ్వరుడు, యముడు, యమున మున్నగువారు వీరి సంతానం. సూర్యభగవానుడు అన్ని జీవులపట్ల సమదృష్టి కలిగిన వాడు. ఆరోగ్య ప్రదాత.  సూర్యుడు లేనిదే చెట్లు, మొక్కలు మున్నగు వృక్షజాతులు మనలేవు.  అందుకే ఆయనకు మిత్రుడని పేరు. మహాశక్తిమంతుడు. సకల శాస్త్రపారంగతుడు. ఆంజనేయునికి గురువు. సువర్చలాదేవి ఈయన మానస పుత్రిక. ఎన్ని ప్రయత్నాలు చేసినా, ఎంత ధనం వ్యయం చేసినా, విద్యాబుద్ధులు ఒంటబట్టక నిరాశలో ఉన్నవారు సూర్యుని ప్రసన్నం చేసుకుంటే విద్యాభివృద్ధి కలుగుతుందని నవగ్రహ పురాణం చెబుతోంది. నేత్ర వ్యాధులు, శత్రు బాధలు, ఆరోగ్య సమస్యలు ఉన్నవారు శుచిగా ఉండి, నియమాలు పాఠిస్తూ, మండలం రోజులపాటు నిష్ఠగా ఆదిత్య హృదయాన్ని పారాయణ చేస్తే ఆయా బాధలు పటాపంచలవుతాయని ప్రతీతి. రామరావణ సంగ్రామంలో రాముని బలం క్షీణించి, నిరాశానిస్పృహలలో కూరుకుపోయి ఉన్న సమయంలో... అగస్త్య మహర్షి శ్రీరామునికి వారి వంశ మూలపురుషుడైన సూర్యుని శక్తిని వివరించి, ఆదిత్యహృదయాన్ని ఉపదేశించాడు. ఆ దివ్య శ్లోకాలను పఠించిన శ్రీరాముడు నూతన శక్తిని పుంజుకుని యుద్ధంలో విజయం సాధించినట్లు రామాయణ మహాకావ్యం పేర్కొంటోంది. దీనిని బట్టి సూర్యారాధనెంతటి శ్రేష్ఠమో తెలుస్తోంది.   రథసప్తమినాడు స్నానం చేసేటప్పుడు సూర్యభగవానుని మనసారా స్మరిస్తూ తలపై జిల్లేడు, రేగు, చిక్కుడు ఆకులు పెట్టుకుని స్నానం చేయాలని ధర్మశాస్త్రం చెబుతోంది. రథసప్తమి సూర్యగ్రహణంతో సమానమైనది. అందువల్ల గురువు నుంచి మంత్రదీక్ష తీసుకోవడానికి, నోములు పట్టడానికి అనుకూలమైన రోజు. ఉపదేశం ఉన్న మంత్రాలను జపం చేయడం సత్ఫలితాలను ప్రాప్తింప చేస్తుంది. రథసప్తమినాడు సూర్యాష్టకం లేదా ఆదిత్యహృదయాన్ని 9 మార్లు పఠించి, ఆవుపేడ పిడకలను కాల్చిన నిప్పు సెగపై ఆవుపాలతో పరమాన్నం వండి, దానిని చిక్కుడు ఆకులలో ఉంచి నివేదించడం వల్ల సమస్త వ్యాధులు, శోకాలు నశించి, సుఖ సంపదలు చేకూరతాయని శాస్త్రోక్తి. జిల్లేడు, రేగు, దూర్వాలు, అక్షతలు, చందనం కలిపిన నీటిని లేదా పాలను రాగిపాత్రలో ఉంచి సూర్యునికి అర్ఘ్యం సమర్పించడం వల్ల ఇహలోకంలో సకల సంపదలు, పరంలో మోక్ష ప్రాప్తి కలుగుతుందని ప్రతీతి. శ్రీకాకుళం జిల్లా అరసవిల్లి, కోణార్క సూర్యదేవాలయం తదితర సూర్యక్షేత్రాలలో ఈవేళ విశేషపూజలు జరుగుతాయి. అంతేకాదు, తిరుమల శ్రీవేంకటేశ్వరుని ఆలయంలో రథసప్తమి సందర్భంగా స్వామికి ప్రత్యేక పూజలు జరుపుతారు. కొందరు ఈవేళ రథసప్తమీ వ్రతం చేయడం ఆనవాయితీ.  12, మంగళవారం రథసప్తమి – కృష్ణకార్తీక 


 మారుతున్న పరిధులు
  
 ఇంతవరకూ విద్యాశాఖలో అమలు చేసిన రేషనలైజేషన్ ఇప్పుడు ట్రెజరీల పరమైంది. దీంతో సబ్‌ ట్రెజరీల పరిధిలోని మండలాలను మార్పు చేశారు. దీనివల్ల సిబ్బందిపై పనిభారం తగ్గుతుందని, ప్రజలకు మరింత అందుబాటులోకి ట్రెజరీ సేవలు వస్తాయని అధికారులు చెబుతున్నారు.
  
 రాయవరం (మండపేట): ఖజానా శాఖలో రేషనలైజేషన్ ప్రక్రియకు ప్రభుత్వం శ్రీకారం చుట్టింది. దీనికోసం జీఓ-65ను ప్రభుత్వం గత నెల 25న విడుదల చేసింది. దీని ప్రకారం జిల్లాలో ఉన్న సబ్‌ట్రెజరీల పరిధిలో ఉండే మండలాలను మార్పు చేశారు. కొన్ని సబ్‌ట్రెజరీల పరిధిలోని మండలాలను యధాతథంగా ఉంచగా, మరికొన్నింటిలోని మండలాలను సమీపంలోని సబ్‌ట్రెజరీలకు బదిలీ చేశారు. దీని వల్ల ఖజానా సేవలు ప్రజలకు మరింత అందుబాటులోకి వస్తాయని, సిబ్బందిపై పని ఒత్తిడి తగ్గుతుందని ఆ శాఖ అధికారులు చెబుతున్నారు. ఈ కొత్త జీఓ ప్రకారం  డ్రాయింగ్‌ డిస్బర్స్‌మెంట్‌ ఆఫీసర్‌ (డీడీవో)లు, గ్రామ పంచాయతీలు ఒక సబ్‌ట్రెజరీ పరిధిలోకి వస్తారు. జిల్లాలో కాకినాడ  కేంద్ర సబ్‌ట్రెజరీతో కలిపి 20 సబ్‌ట్రెజరీలు ఉన్నాయి.............. సబ్‌ట్రెజరీల పరిధిలోని మండలాలను యధాతథంగా ఉంచి, మిగిలిన సబ్‌ట్రెజరీల పరిధిలోని మండలాలను మార్పు చేశారు. రేషనలైజేషన్‌ కారణంగా రాయవరం సబ్‌ట్రెజరీ కార్యాలయం రామచంద్రపురంలో కలుస్తుంది. ఇక్కడి సిబ్బందిని రావులపాలెం సబ్‌ట్రెజరీకి బదిలీ చేస్తున్నట్లు సమాచారం. ప్రస్తుతం రాయవరం సబ్‌ట్రెజరీలో కేవలం రాయవరం మండలం మాత్రమే ఉంది. రాయవరం సబ్‌ట్రెజరీలో రాయవరం, అనపర్తి, బిక్కవోలు మండలాలు ఉండగా గతంలోనే అనపర్తి, బిక్కవోలు మండలాలకు అనపర్తిలో సబ్‌ట్రెజరీని ఏర్పాటు చేశారు. 
 పరిపాలనా సౌలభ్యం కోసమే..
 పరిపాలనా సౌలభ్యం కోసమే సబ్‌ట్రెజరీల రేషనలైజేషన్‌ జరుగుతోంది. ఈ ప్రక్రియ త్వరలో పూర్తి స్థాయిలో అందుబాటులోకి వస్తుంది. మారుతున్న సబ్‌ట్రెజరీల స్వరూపంపై డీడీవోలు, గ్రామ పంచాయతీలకు సమాచారం ఇస్తున్నాం. వారి వద్ద నుంచి అవసరమైన సమాచారాన్ని సేకరిస్తున్నాం. 
 -పీవీ భోగారావు, జిల్లా ట్రెజరీ అధికారి, కాకినాడ


 సంక్రాంతి పండుగను జిల్లా అంతటా ప్రజలు ఆనందోత్సహాల మధ్య జరుపుకున్నారు. సంప్రదాయాన్ని ప్రతిబింబిస్తూ రంగవళ్లులు వీధివీధిన వేశారు. గొబ్బెమ్మలు, రేగుపళ్లతో పూజించారు.అందరూ బాగుండాలని నువ్వులు, బెల్లం పంచి పెట్టారు.a
 
 ఆలయాల్లో ప్రత్యేక పూజలు చేశారు. సకల సంపదలు, అన్నిశుభాలే కలగాలని కోరుకుంటూ మహిళలు నోములు నోచుకున్నారు. చిన్నారులు మొదలుకొని యువకులు, నడివయస్కులు గాలిపటాలను ఎగురవేశారు.    – నిజామాబాద్‌ కల్చరల్‌