చైనా వస్తువులపై అధిక సుంకాలు వేస్తానంటూ అమెరికా అధ్యక్షుడిగా ఎన్నికైన డోనాల్డ్‌ ట్రంప్‌ చేసిన హెచ్చరిక, భారత్‌ ఎగుమతులకు అనుకూలమని ఇండియా ఎగుమతి సంస్థల సమాఖ్య (FIEO) అభిప్రాయపడింది. ఏటా రూ.250 కోట్ల చొప్పున మూడేళ్ల పాటు మొత్తం రూ.750 కోట్ల సాయాన్ని ప్రకటించడం ద్వారా 25 బిలియన్‌ డాలర్ల విలువ మేర ఎగుమతులను (రూ.2.12 లక్షల కోట్లు) అదనంగా పెంచుకోవచ్చంటూ కేంద్ర ఆర్థిక శాఖ దృష్టికి తీసుకెళ్లింది.2025–26 బడ్జెట్‌(Budget)కు సంబంధించి తమ డిమాండ్లను ఆర్థిక శాఖతో భేటీ సందర్భంగా ఎఫ్‌ఐఈవో తెలియజేసింది. ఐదు శాతం ఇంటరెస్ట్‌ ఈక్వలైజేషన్‌ స్కీమ్‌ను (రాయితీ వడ్డీ రేటు) సైతం కొనసాగించాలని ఎఫ్‌ఐఈవో ప్రెసిడెంట్‌ అశ్విని కుమార్‌ డిమాండ్‌ చేశారు. చైనా(China) గతంలో ఆధిపత్యం ఎక్కువగా ఉన్న రంగాల్లో భారత్‌ గణనీయంగా ఎగుమతులు పెంచుకునేందుకు ఆ దేశంపై అమెరికా టారిఫ్‌లు వీలు కల్పిస్తాయని చెప్పారు. ఎల్రక్టానిక్స్, ఎలక్ట్రికల్‌ ఎక్విప్‌మెంట్, టెక్స్‌టైల్స్, గార్మెంట్స్, టోయ్స్, కెమికల్స్, ఆటో విడిభాగాలు, పాదరక్షలు, ఫర్నీచర్‌, హోమ్‌ డెకరేటివ్‌ ఉత్పత్తుల విభాగంలో చైనా స్థానాన్ని భారత్‌ ఆక్రమించగలదని ఎఫ్‌ఐఈవో నిర్వహించిన ఒక అధ్యయనం స్పష్టం చేస్తోంది. వ్యూహాత్మక భాగస్వామ్యంతో యూఎస్‌కు ఎగుమతి(Export) చేయతగిన కీలక రంగాలపై ప్రభుత్వం దృష్టి సారించాలని ఎఫ్‌ఐఈవో ఈ భేటీలో భాగంగా కోరింది.ఇదీ చదవండి: ఆర్థిక దార్శనికుడు.. మన్మోహనుడురుణ వ్యయాలను తగ్గించాలి.. రాయితీ వడ్డీ రేటు పథకం గడువు 2024 డిసెంబర్‌ 31 వరకే ఉందని, అది కూడా రూ.50 లక్షలకు మించిన ఆదాయం ఉన్న ఎంఎస్‌ఎంఈకే వర్తిస్తున్నట్టు కుమార్‌ చెప్పారు. ఇతర దేశాలతో పోల్చితే భారత ఎగుమతిదారులు రుణాలపై అధిక వడ్డీ రేట్లను ఎదుర్కొంటున్నట్టు ఆర్థిక శాఖ దృష్టికి ఎఫ్‌ఐఈవో తీసుకెళ్లింది. దీంతో భారత ఎగుమతిదారులపై రుణ వ్యయాలు అధికంగా ఉంటున్నట్టు తెలిపింది. ఐఈఎస్‌ పథకాన్ని మరికొంత కాలం పాటు కొనసాగించడం వల్ల ఎగుమతి దారులు తక్కువ రేటుకే రుణాలు పొందే వెసులుబాటు లభిస్తుందని, దీంతో అంతర్జాతీయంగా పోటీ పడొచ్చని వివరించింది. పరిశోధన, అభివృద్ధి (ఆర్‌అండ్‌డీ) వ్యయాలపై పన్ను ప్రయోజనాలు, ప్రైవేటు రంగ షిప్పింగ్‌ సామర్థ్యాల పెంపునకు వీలుగా మూలధన వ్యయాలు అధికం చేయాలన్న డిమాండ్లను సైతం ఎఫ్‌ఐఈవో ఆర్థిక శాఖ ముందుంచింది. ఏటా షిప్పింగ్, రవాణా చార్జీలకే 100 బిలియన్‌ డాలర్లు ఖర్చు చేయాల్సి వస్తున్నట్టు తెలిపింది.

డొనాల్డ్ ట్రంప్ అనగానే వెంటనే గుర్తొచ్చేది అమెరికా అధ్యక్షుడిగానే కదా. ఆయన మంచి రచయితని చాలామందికి తెలియకపోవచ్చు. డబ్బు ఎలా సంపాదించాలి.. అందుకు ఎన్ని మార్గాలున్నాయి.. సమకూరిన డబ్బును ఎలా సమర్థంగా నిర్వహించాలి.. అనే చాలా విషయాలను ప్రస్తావిస్తూ కొన్ని పుస్తకాలు రాశారు. ప్రముఖ పుస్తకం ‘రిచ్‌డాడ్‌ పూర్‌డాడ్‌’ రచయిత రాబర్ట్‌ టి కియోసాకీ వంటి వారితో కలిసి సహ రచయితగా కూడా ట్రంప్‌ కొన్ని పుస్తకాలు రాశారు. డబ్బుకు సంబంధించి ట్రంప్‌ రాసిన పుస్తకాల వివరాలు కింది విధంగా ఉన్నాయి.1. 1987: ది ఆర్ట్ ఆఫ్ ది డీల్ అనే పుస్తకాన్ని టోనీ ష్వార్ట్జ్ తో కలిసి రాశారు.2. 2004: హౌటు గెట్‌ రిచ్‌3. 2004: థింక్‌ లైక్‌ బిలియనీర్: ఎవ్రీథింగ్‌ యూ నీడ్‌ టు నో ఎబౌట్‌ సక్సెస్‌, రియల్‌ ఎస్టేట్‌ అండ్‌ లైఫ్‌.4. 2005: సర్వైవింగ్ ఎట్ ది టాప్5. 2006: ట్రంప్ 101: ది వే టు సక్సెస్.6. 2006: వై వి వాంట్ యు టు రిచ్ - రాబర్ట్ టి కియోసాకితో కలిసి రాశారు.7. 2007: థింక్‌ బిగ్‌ అండ్‌ కిక్‌ ఆస్‌ ఇన్‌ బిజినెస్‌ అండ్‌ లైఫ్‌8. 2011: ట్రంప్ నెవర్‌ గివప్‌: హౌ ఐ టర్న్‌డ్‌ మై బిగ్గెస్ట్‌ ఛాలెంజెస్‌ ఇన్‌టు సక్సెస్‌.9. 2012: మిడాస్ టచ్: వై సమ్‌ ఎంటర్‌ప్రెన్యూర్స్‌ గెట్‌ రిచ్‌-అండ్‌ వై మోస్ట్‌ డోన్ట్‌-రాబర్ట్ టి కియోసాకి, మార్క్ బర్నెట్‌లతో కలిసి రాశారు.10. 2015: క్రిపుల్డ్‌ అమెరికా: హౌ టు మేక్‌ అమెరికా గ్రేట్‌ అగేన్‌డొనాల్డ్ ట్రంప్ ఇప్పటికే చాలా వ్యాపారాను స్థాపించి సమర్థంగా నిర్వహిస్తున్నారు. ఆయన దృష్టి సారించిన కొన్ని కీలక వ్యాపారాలు కింది విధంగా ఉన్నాయి.రియల్ ఎస్టేట్ట్రంప్‌ తండ్రికి చెందిన ట్రంప్ మేనేజ్‌మెంట్‌ కంపెనీతో రియల్ ఎస్టేట్‌లో తన వ్యాపార కెరీర్ ప్రారంభించారు. ఆ తర్వాత దానికి ట్రంప్ ఆర్గనైజేషన్‌గా పేరు మార్చారు. న్యూయార్క్ నగరంలోని ట్రంప్ టవర్, మియామిలోని ట్రంప్ నేషనల్ డోరాల్, ఫ్లోరిడాలోని మార్-ఎ-లాగోతో సహా అనేక స్థిరాస్తులను అభివృద్ధి చేశారు.హోటల్స్ అండ్ రిసార్ట్స్వాషింగ్టన్ డీసీలోని ట్రంప్ ఇంటర్నేషనల్ హోటల్, మియామీలోని ట్రంప్ నేషనల్ డోరాల్ సహా పలు హోటళ్లు, రిసార్టులను ట్రంప్ నిర్వహిస్తున్నారు.కాసినోలుఅట్లాంటిక్ సిటీలోని ట్రంప్ ప్లాజా, ట్రంప్ తాజ్ మహల్ వంటి ప్రాపర్టీలతో ట్రంప్ క్యాసినో వ్యాపారంలోకి అడుగుపెట్టారు. అయితే, వీటిలో కొన్ని వెంచర్లు ఆర్థిక ఇబ్బందులను ఎదుర్కొని చివరకు దివాలా పిటిషన్ దాఖలు చేశాయి.గోల్ఫ్ కోర్సులున్యూజెర్సీలోని బెడ్మినిస్టర్‌లోని ట్రంప్ నేషనల్ గోల్ఫ్ క్లబ్, స్కాట్లాంట్‌లోని ట్రంప్ టర్న్‌బెర్రీతో సహా ప్రపంచవ్యాప్తంగా ట్రంప్‌నకు అనేక గోల్ఫ్ కోర్సులు ఉన్నాయి.లైసెన్సింగ్, బ్రాండింగ్ట్రంప్ వోడ్కా, ట్రంప్ స్టీక్స్, ట్రంప్ బ్రాండెడ్ దుస్తులు, ఇతర ఉపకరణాలతో సహా వివిధ ఉత్పత్తులు, సర్వీసులకు ట్రంప్ తన పేరుతో లైసెన్స్‌ తీసుకున్నారు.టీవీ షో2004-2015 వరకు అమెరికాలో ప్రసారమైన రియాలిటీ టీవీ షో ‘ది అప్రెంటిస్’కు వ్యాఖ్యాతగా వ్యవహరించారు.ఇదీ చదవండి: తులం బంగారం ధర ఎలా ఉందంటే..ఇదిలాఉండగా, హైదరాబాద్‌లోని ఎన్టీఆర్‌ స్టేడియంలో జరుగుతున్న నేషనల్‌ బుక్‌ ఫెస్టివల్‌కు నగరంలోని చాలా ప్రాంతాల నుంచి పాఠకులు వస్తున్నారు. ఈ పుస్తక ప్రదర్శన గడువు డిసెంబర్‌ 19 నుంచి 29 వరకు ఉందని నిర్వాహకులు తెలిపారు.

లగ్జరీ బజార్ సీఈఓ రోమన్ షార్ఫ్ ఇటీవల జరిగిన వేలంలో అమెరికా మాజీ అధ్యక్షుడు డొనాల్డ్‌ ట్రంప్‌ సంతకం చేసిన షూస్‌ను గెలుచుకున్నారు. ఈ సందర్భంగా ఏర్పాటు చేసిన కార్యక్రమంలో తాజాగా డొనాల్డ్ ట్రంప్ సంతకం చేసిన స్నీకర్లను ప్రదర్శించారు. మాజీ అమెరికా ప్రెసిడెంట్ ఈ ఈవెంట్‌లో కనిపించి అలరించడం ఆశ్చర్యానికి గురిచేసింది. ఈ వేడుకలో స్నీకర్‌కాన్‌ సంస్థ​ బంగారంతో తయారుచేసిన ‘నెవర్ సరెండర్ హై-టాప్స్’ షూస్‌పై ట్రంప్‌ ఆటోగ్రాఫ్ చేశారు. తరువాత వాటిని వేలానికి ఉంచారు. కార్యక్రమంలో పాల్గొన్న లగ్జరీ బజార్ సీఈఓ రోమన్ షార్ఫ్ వాటిని రూ.7.5లక్షలకు బిడ్‌ వేసి గెలుపొందినట్లు తెలిసింది. మెరిసే బంగారు హై-టాప్స్ వెనుక భాగంలో అమెరికన్ జెండా, ప్రక్కన ‘T’ (ట్రంప్ కోసం) అనే ఇంగ్లిష్‌ అక్షరంతో తయారుచేశారు. ఈ ప్రత్యేక ఎడిషన్ స్నీకర్లలో కేవలం 1,000 మాత్రమే తయారు చేసినట్లు కంపెనీ వర్గాలు తెలిపాయి. అందులో కొన్నింటిపై డొనాల్డ్ ట్రంప్ ఆటోగ్రాఫ్ ఉంటుందని నిర్వాహకులు చెప్పారు. Donald Trump walking out to the stage at #SneakerCon Has Joe Biden ever received a welcoming like this? Seems like Philadelphia is going to be voting for Trump.#SneakerCon #Trump2024NowMorethanEver pic.twitter.com/0Ohe6ZGkfc — Rob Coates 🇺🇸 (@LuckyHippie926) February 17, 2024 ఇదీ చదవండి: సెమీ కండక్టర్ల కొరత తీరనుందా..? కేంద్రం కీలక నిర్ణయం సోవియట్ యూనియన్‌లో జన్మించిన షార్ఫ్ ప్రస్తుతం ఫిలడెల్ఫియాలో నివసిస్తున్నారు. ప్రపంచంలోని అతిపెద్ద గ్రే మార్కెట్ వాచ్ డీలర్‌లలో ఒకరిగా పేరుగాంచిన లగ్జరీ బజార్‌కు సీఈవోగా ఉన్నారు. బ్రాండ్‌లు తమ ఉత్పత్తులను నేరుగా లగ్జరీ బజార్‌ ద్వారా విక్రయించడానికి అధికారం పొందనప్పటికీ, అతని కంపెనీ మంచి అమ్మకాలను నమోదు చేస్తుంది. ఏటా సుమారు రూ.1100 కోట్లు సంపాదిస్తుంది.


 కర్బన్ ఉద్గారాల విడుదలను నియంత్రించడానికి కుదుర్చుకున్న పారిస్ ఒప్పందం నుంచి అగ్రరాజ్యం అమెరికా వైదొలుగుతున్నట్టు అధ్యక్షుడు డొనాల్డ్ ట్రంప్ ప్రకటించడంతో, పెద్ద ఎత్తున్న నిరసనలు వ్యక్తమవుతున్నాయి. దేశాధినేతలు, బిజినెస్ లీడర్లు ట్రంప్ నిర్ణయాన్ని తీవ్రంగా వ్యతిరేకిస్తున్నారు. అమెరికాలోని అతిపెద్ద బిజినెస్ లీడర్లు టెస్లా వ్యవస్థాపకుడు ఎలోన్ మస్క్, డిస్నీ రాబర్ట్  ఇగెర్ లు ట్రంప్ బిజినెస్ అడ్వైజరీ  ప్యానల్ నుంచి తప్పుకుంటున్నట్టు ప్రకటించారు. పారిస్ ఒప్పందం నుంచి ట్రంప్ వైదొలగితే తాను బిజినెస్ అడ్వయిజరీ ప్యానెల్ కు రాజీనామా చేస్తామని ఎలోన్ మస్క్ ముందుగానే హెచ్చరించారు. ''అధ్యక్షుడి కౌన్సిల్ నుంచి నేను వైదొలుగుతున్నాను. వాతావరణ మార్పు అనేది నిజం. పారిస్ ఒప్పందం నుంచి వైదొలగడం ఇటు అమెరికాకు అటు ప్రపంచానికి మంచిదికాదు'' అని ఎలోన్ మస్క్ ట్వీట్ చేశారు.
  
 పారిస్ అగ్రిమెంట్ నుంచి తప్పుకోవడంతో తాను కూడా అధ్యక్షుడి కౌన్సిల్ కు రాజీనామా చేస్తున్నట్టు రాబర్ట్ ఇగెర్ ట్వీట్ చేశారు. ఇప్పటికే వలసవాదులు, శరణార్థులపై ట్రంప్ వివాదాస్పద నిర్ణయం తీసుకోవడంతో ఆయన కౌన్సిల్ నుంచి ప్రముఖ ట్యాక్సీ సంస్థ ఉబర్‌ సీఈఓ ట్రావిస్‌ కలానిక్‌ తప్పుకొన్నారు. తాజాగా టెస్లా వ్యవస్థాపకుడు, డీస్నీ అధినేతలు కూడా ట్రంప్ కు గుడ్ బై చెప్పారు. నేడు తీసుకున్న ఈ నిర్ణయం పర్యావరణానికి, ప్రపంచంలో ఆధిపత్య స్థానంలో ఉన్న అమెరికాకు భారీ ఎదురుదెబ్బ అని గోల్డ్ మాన్ సాచ్స్ చీఫ్ ఎగ్జిక్యూటివ్ లాయిడ్ బ్లాంక్ఫీన్ కూడా అన్నారు. ట్రంప్ నిర్ణయాన్ని ఆయన తీవ్రంగా ఖండించారు.. అధ్యక్షుడిగా ట్రంప్ ఎన్నికైన తర్వాత గతేడాది బిజినెస్ అడ్వైజరీ గ్రూప్ ను ఆయన ఏర్పాటుచేశారు.