సాక్షి, ముంబై:   చైనా మొబైల్‌ తయారీ సంస్థ వీవో  కొత్త స్మార్ట్‌ఫోన్‌ను లాంచ్‌ చేసింది. తన వి సీరిస్‌లో భాగంగా  వివో వి 17 స్మార్ట్‌ఫోన్‌ను  వివో సోమవారం భారత్‌లో విడుదల చేసింది, క్వాడ్  రియర్ కెమెరా, సూపర్ అమోలెడ్ స్క్రీన్‌  "ఐవ్యూ" డిస్‌ప్లేతో వస్తున్న ఈ  స్మార్ట్‌ఫోన్‌ రేటును  రూ .22,990 గా నిర్ణయించింది. వివో ఇండియా ఇ-స్టోర్, అమెజాన్,  ఫ్లిప్‌కార్ట్, పేటీఎం మాల్, టాటాక్లిక్, బజాజ్ ఫిన్‌సర్వ్ స్టోర్లతోపాటు అన్ని రిటైల్ దుకాణాల్లో డిసెంబర్ 17 నుండి అందుబాటులో ఉంటుంది. హెచ్‌డీఎఫ్‌సీ, ఐసీఐసీఐ బ్యాంక్, బజాజ్ ఫిన్‌సర్వ్ ద్వారా జరిపై కొనగోళ్లపై క్యాష్‌బ్యాక్‌ సౌకర‍్యం అందించనుంది. అలాగే సులభ వాయిదాల ద్వారా కూడా ఈ స్మార్ట్‌ఫోన్‌ను కొనుగోలు చేయవచ్చు. డ్యూయల్ ఇంజిన్ ఫాస్ట్ ఛార్జింగ్ టెక్నాలజీ కారణంగా ఇంటెన్సివ్‌గా రోజంతా వాడినా తమ లేటెస్ట్‌స్మార్ట్‌ఫోన్‌లో చార్జింగ్‌ సమస్య వుండదని వివో ప్రకటించింది. అలాగే తక్కువ లైట్లో కూడా మెరుగైన ఫోటోగ్రఫీ కోసం వెనుక కెమెరాలో సూపర్ నైట్ కెమెరాను అమర్చినట్టు తెలిపింది. వివో వి 17 ఫీచర్లు 6.4 ఫుల్‌హెచ్‌డీ డిస్‌ప్లే క్వాల్కమ్ స్నాప్‌డ్రాగన్ 675 48+8+2+2 ఎంపీ క్వాడ్‌ రియర్‌ కెమెరా  32 ఎంపీ ఫ్రంట్ కెమెరా 8 జీబీ ర్యామ్, 128 జీబీ స్టోరేజ్  4500 ఎంఏహెచ్‌ బ్యాటరీ


 • ‘వి’ సిరీస్‌లో రెండో మోడల్‌
 • ఎక్స్‌షోరూం ధర రూ.57,375
 హైదరాబాద్, బిజినెస్‌ బ్యూరో: వాహన తయారీ దిగ్గజం బజాజ్‌ ఆటో ‘వి’ సిరీస్‌లో మరో బైక్‌ను ప్రవేశపెట్టింది. వి–12 పేరుతో 125 సీసీ సామర్థ్యంతో దీనిని రూపొందించారు. విశ్రాంత విమాన వాహక నౌక ఐఎన్‌ఎస్‌ విక్రాంత్‌ విడిభాగాలతో ‘వి’ బైక్స్‌ తయారవుతున్నాయి. అధికారికంగా ఆవిష్కరణ కార్యక్రమం చేయకుండానే షోరూంలలో వి–12 అమ్మకాలను కంపెనీ ప్రారంభించింది. హైదరాబాద్‌ ఎక్స్‌షోరూంలో ధర రూ.57,375 ఉంది. డిజైన్‌ పరంగా చూస్తే కొత్త బైక్‌ వి–15ను పోలి ఉంటుంది. సింగిల్‌ సిలిండర్, 4 స్ట్రోక్‌ ఎయిర్‌కూల్డ్‌ డీటీఎస్‌–ఐ 124.5 సీసీ ఇంజన్, 13 లీటర్ల ట్యాంకు పొందుపరిచారు. వాహనం పొడవు 2,040 ఎంఎం, ఎత్తు 1,066 ఎంఎం, అయిదు గేర్లు, 5 స్పోక్‌ అలాయ్‌ వీల్స్, డ్రమ్‌ బ్రేక్స్, బరువు 133 కిలోలు ఉంది. ఫ్రంట్‌ టెలిస్కోపిక్, వెనుక వైపు ట్విన్‌ షాక్స్, నైట్రాక్స్‌ సస్పెన్షన్‌ ఏర్పాటు చేశారు. ప్రస్తుతానికి వైన్‌ రెడ్, ఎబోనీ బ్లాక్‌ రంగుల్లో లభిస్తోంది.
 
 ఇప్పటికే 2 లక్షలకుపైగా..: ‘వి’ సిరీస్‌లో తొలి బైక్‌ అయిన వి–15కు దేశవ్యాప్తంగా మంచి ఆదరణ లభిస్తోంది. 150 సీసీ సామర్థ్యంతో దీనిని తయారు చేశారు. విడుదలైన ఎనిమిది నెలల్లో 2 లక్షలకుపైగా బైక్‌లు రోడ్డెక్కాయి. తెలుగు రాష్ట్రాల్లోనూ మంచి డిమాండ్‌ ఉందని బజాజ్‌ ఆటో డీలర్‌ శ్రీ వినాయక బజాజ్‌ గ్రూప్‌ ఎండీ కె.వి.బాబుల్‌రెడ్డి సాక్షి బిజినెస్‌ బ్యూరోకు తెలిపారు. 125 సీసీలో హోండా సీబీ షైన్‌ ఎస్‌పీ, హీరో గ్లామర్‌ 125, యమహా సాల్యూటో మోడళ్లతో బజాజ్‌ కొత్త బైక్‌ పోటీపడనుంది.