హైదరాబాద్: నాగోలులోని ఫతుల్‌గూడ ప్రాంతంలో పోలీసులు ఆదివారం తెల్లవారుజామున కార్డన్ సెర్చ్ నిర్వహించారు. ఎల్బీనగర్ డీసీపీ ఇక్బాల్ ఆధ్వర్యంలో సుమారు 250 మంది పోలీసులు ఆ ప్రాంతంలో విస్తృత సోదాలు నిర్వహించారు. ఈ సందర్భంగా సుమారు 10 మంది అనుమానితులను అదుపులోకి తీసుకున్నారు. వారిలో రౌడీషీటర్లు కూడా ఉన్నారని సమాచారం. సరైన పత్రాలు లేని 15 ద్విచక్ర వాహనాలు, రెండు ఆటోలతోపాటు గ్యాస్ సిలిండర్లు స్వాధీనం చేసుకున్నారు.


 హైదరాబాద్: టప్పచబుత్ర జోషివాడలో వెస్ట్ జోన్ డీసీపీ వెంకటేశ్వరరావు ఆధ్వర్యంలో పోలీసులు కార్డన్ సెర్చ్ నిర్వహిస్తున్నారు. సుమారు 150 మంది పోలీసులు ఆదివారం వేకువజాము నుంచే ఈ తనిఖీలు మొదలుపెట్టారు. తమ తనిఖీలలో భాగంగా 40 మంది అనుమానితులను అదుపులోకి తీసుకున్నట్లు పోలీసులు వెల్లడించారు. ఐదుగురు రౌడీ షీటర్లను అరెస్ట్ చేశారు. సరైన పత్రాలు చూపించని కారణంగా 20 వాహనాలను స్వాధీనం చేసుకున్నారు. మరిన్ని వివరాలు తెలియాల్సి ఉంది.