మందుబాబుల హల్‌చల్‌.. పార్కింగ్‌ హడల్‌..! అధికారుల పట్టింపు మాత్రం ఫుల్‌ నిల్‌..!!

ఆదిలాబాద్‌: జిల్లాకేంద్రంలోని పలు వైన్స్‌ షాపుల ఎదుట మందుబాబులు హల్‌చల్‌ చేస్తున్నారు. పర్మిట్‌ రూమ్‌లు ఉన్నప్పటికీ రోడ్డుపైనే మద్యం తాగుతూ మత్తులో తూగుతున్నారు. ప్రధానంగా రోడ్లను ఆనుకొని ఉన్న వైన్స్‌ల వద్ద మహిళలు, విద్యార్థినులకు భద్రత కరువవుతోంది. ఈ దారిగుండా వెళ్లాలంటేనే జంకుతున్నారు.

జిల్లాకేంద్రంలోని దస్నాపూర్‌, కలెక్టర్‌చౌక్‌, వినాయక్‌చౌక్‌, బస్టాండ్‌ ప్రాంతం, తెలంగాణచౌక్‌, పంజాబ్‌చౌక్‌లలో వైన్స్‌లు, బార్‌లు రోడ్డుకు ఆనుకొని ఉండడంతో మందుబాబులు రోడ్లపైనే ఇష్టారాజ్యంగా మందు తాగుతున్నారు. కట్టడి చేయాల్సిన పోలీసులు, ఎక్సైజ్‌ శాఖ అధికారులు ‘మామూలు’గా వ్యవహరిస్తున్నారనే విమర్శలున్నాయి.