ఐఫోన్‌ 16 సిరీస్‌ సేల్స్‌ నేటి నుంచే..

న్యూఢిల్లీ: ఐఫోన్‌ 16 సిరీస్‌ స్మార్ట్‌ఫోన్ల విక్రయాలు భారత్‌లో నేటి నుంచి (సెప్టెంబర్‌ 20) ప్రారంభం కానున్నట్లు యాపిల్‌ వర్గాలు తెలిపాయి. ప్రో సిరీస్‌ను భారత్‌లో తెలిసారిగా అసెంబ్లింగ్‌ చేసే యోచనలో కంపెనీ ఉందని సమాచారం.

ఇటీవలి బడ్జెట్‌లో దిగుమతి సుంకం తగ్గిన నేపథ్యంలో తొలిసారిగా గత సిరీస్‌ కన్నా కొత్త ప్రో సిరీస్‌ ఫోన్లను యాపిల్‌ తక్కువ రేటుకు విక్రయించనుంది. దేశీయంగా ఐఫోన్‌ 16 ప్రో ధర రూ. 1,19,000 నుంచి, ప్రో మ్యాక్స్‌ రేటు రూ. 1,44,900 నుంచి ప్రారంభమవుతుందని కంపెనీ తెలిపింది.

గతేడాది ఐఫోన్‌ 15 ప్రో ధర రూ. 1,34,900 నుంచి, ప్రో మ్యాక్స్‌ రేటు రూ. 1,59,900 నుంచి మొదలైంది. మరోవైపు, తాజా ఐఫోన్‌ 16 రేటు రూ. 79,900 నుంచి, 16 ప్లస్‌ ధర రూ. 89,900 నుంచి ప్రారంభమవుతుంది. యాపిల్‌ ఐఫోన్‌ 16 సిరీస్‌ ఫోన్లు 128 జీబీ నుంచి 1 టీబీ వరకు స్టోరేజీతో లభిస్తాయి.