ఓఆర్ఆర్ పై ఘోర రోడ్డు ప్రమాదం

రంగారెడ్డి : నార్సింగి పోలీస్ స్టేషన్ పరిధిలో ఓఆర్ఆర్ పై  ఘోర రోడ్డు ప్రమాదం జ‌రిగింది. ఈ ప్ర‌మాదంలో ఇద్ద‌రు అక్క‌డిక‌క్క‌డే మృతి చెందగా ఆరుగురికి తీవ్ర గాయాలయ్యాయి. శంషాబాద్ నుంచి గచ్చిబౌలి కి వెళ్తుండగా నార్సింగి సర్కిల్ వద్ద రెండు కార్లు అతివేగంతో ఢీకొనడంతో ఈ ప్ర‌మాదం జ‌రిగింది.  ఓఆర్ఆర్ కావ‌డంతో భారీగా ట్రాఫిక్ జాం నెల‌కొంది. స్థానికుల సమాచారం మేరకు సంఘటన స్థలానికి చేరుకున్న పోలీసులు క్ష‌త‌గాత్రుల‌ను వెంట‌నే గచ్చిబౌలి ప్రైవేట్ ఆస్పత్రికి తరలించారు. కారు న‌డుపిన ఇద్ద‌రు వ్య‌క్తులే ఈ ప్ర‌మాదంలో అక్క‌డికక్క‌డే ప్రాణాలు విడిచారు. మృత‌దేహాల‌ను ఉస్మానియా ఆసుప‌త్రికి త‌ర‌లించారు. ఇక మ‌ద్యం మ‌త్తులో అతివేగంగా కారు న‌డ‌ప‌డం వ‌ల్లే ప్ర‌మాదం జ‌రిగింద‌ని తెలుస్తోంది. వీరంతా సూర్యాపేటకు చెందినవారుగా  పోలీసులు తెలిపారు. ఘ‌ట‌న‌పై కేసు నమోదు చేసుకొని దర్యాప్తు చేస్తున్నారు.