వ్యవసాయ ఆధారిత ఉత్పత్తులు ప్రోత్సహించాలి

వ్యవసాయ ఆధారిత ఉత్పత్తులు ప్రోత్సహించాలి

మామునూరు: వ్యవసాయ ఆధారిత ఉత్పత్తులను ప్రతి ఒక్కరూ ప్రోత్సహించాల్సిన అవసరం ఉందని రాష్ట్ర పశువైద్య విశ్వవిద్యాలయ వీసీ జ్ఞాన ప్రకాశ్‌ అన్నారు. ఈమేరకు మంగళవారం ఖిలా వరంగల్‌ మండలం మామునూరు కృషి విజ్ఞాన కేంద్రంలో సీనియర్‌ శాస్త్రవేత్త, కోఆర్డినేటర్‌ రాజన్న ఆధ్వర్యంలో శాసీ్త్రయ సలహా మండలి సమావేశం నిర్వహించారు. ఈ కార్యక్రమానికి ఆయన ముఖ్యఅతిథిగా హాజరై లబ్ధిదారులకు మేకలు, పవర్‌ వీడర్స్‌ పంపిణీ చేసి మాట్లాడారు. వేసవిలో పశువుల మేత నిమిత్తం పాతర గడ్డి తయారీ విధానంపై రైతులు అవగాహన పెంచుకోవాలని సూచించారు. విస్తరణ అధికారి కిషన్‌ కుమార్‌, అటారీ ప్రతినిధి ఎఆర్‌. రెడ్డి, ఉమారెడ్డి, దిలీప్‌కుమార్‌, బాలాజీ, బ్యాంకు మేనేజర్‌ రాజు, జిల్లా మత్స్యశాఖ అధికారి నాగమణి, ఉద్యానశాఖ అధికారి సంగీత లక్ష్మి, డాక్టర్‌ అమ్రేశ్వరి, శాస్త్రవేత్తలు అరుణ్‌, సౌమ్య, రాజు తదితరులు పాల్గొన్నారు.

రాష్ట్ర పశువైద్య విశ్వవిద్యాలయ

వీసీ జ్ఞానప్రకాశ్‌