లండన్‌ మేయర్‌గా మూడోసారి సాదిక్‌ ఖాన్‌

లండన్‌: పాక్‌ సంతతికి చెందిన లేబర్‌ పార్టీ నేత సాదిక్‌ ఖాన్‌(53) లండన్‌ మేయర్‌గా భారీ మెజారిటీతో వరుసగా మూడోసారి గెలుపొందారు. మొత్తం ఓట్లలో 43.8 శాతం అంటే 10,88,225 ఓట్లు సాదిక్‌ ఖాన్‌కు పడగా కన్జర్వేటివ్‌ పారీ్టకి చెందిన ప్రధాన ప్రత్యర్ధి సుసాన్‌ హిల్‌కు 8,11,518 ఓట్లు పడ్డాయి. స్వతంత్ర అభ్యరి్థగా బరిలోకి దిగిన ఢిల్లీలో జన్మించిన వ్యాపారవేత్త తరుణ్‌ గులాటి ఓట్ల వేటలో విఫలమయ్యారు.

 మేయర్‌ పదవికి మొత్తం 13 మంది పోటీ పడ్డారు. లండన్‌ మేయర్‌ 89 లక్షల మంది జనాభాకు ప్రాతినిధ్యం వహిస్తారు. 2000వ సంవత్సరంలో పదవి ఏర్పాటయ్యాక వరుసగా మూడు పర్యాయాలు మేయర్‌గా ఎన్నికైన నేతగా సాదిక్‌ ఖాన్‌ రికార్డు సృష్టించారు. నాలుగేళ్ల పదవీ కాలానికిగాను 2016, 2020 ఎన్నికల్లో ఆయన మేయర్‌గా ఎన్నికయ్యారు.