ప్రతిపాదనలు సిద్ధం చేయండి

ప్రతిపాదనలు సిద్ధం చేయండి

కామారెడ్డి క్రైం: సదరం శిబిరాల నిర్వహణకు అవసరమైన మౌలిక సదుపాయాలు, పరికరాలకు ప్రతిపాదనలు సిద్ధం చేయాలని కలెక్టర్‌ ఆశిష్‌ సంగ్వాన్‌ అధికారులకు సూచించారు. బుధవారం కలెక్టరేట్‌లోని తన చాంబర్‌లో వైద్య ఆరోగ్య శాఖ, గ్రామీణాభివృద్ధి శాఖల అధికారులతో సమావేశం నిర్వహించారు. ఈ సందర్భంగా కలెక్టర్‌ మాట్లాడుతూ జిల్లాలో సదరం క్యాంపుల నిర్వహణకు వెంటనే ప్రతిపాదనలు సమర్పించాలన్నారు. సమావేశంలో స్థానిక సంస్థల అదనపు కలెక్టర్‌ శ్రీనివాస్‌రెడ్డి, డీఆర్‌డీవో సురేందర్‌, ప్రభుత్వ ఆస్పత్రి సూపరింటెండెంట్‌ ఫరీదా బేగం, జిల్లా ఆస్పత్రి కోఆర్డినేటర్‌ విజయలక్ష్మి తదితరులు పాల్గొన్నారు.