వరుణ్‌ తేజ్‌ పెళ్లి.. మెగా ఫోటో షేర్‌ చేసిన చిరు.. ఎవరెవరు ఉన్నారంటే

మెగా ప్రిన్స్ వ‌రుణ్ తేజ్‌, హీరోయిన్ లావ‌ణ్య త్రిపాఠి వేద‌మంత్రాల సాక్షిగా వైవాహిక బంధంలో అడుగుపెట్టారు. న‌వంబ‌ర్ 1వ తేదీన ఇటలీలోని టస్కనీలో వీరి వివాహం ఘ‌నంగా జ‌రిగింది. ఈ వేడుకలో మెగా- అల్లు కుటుంబాలు సందడి చేశాయి. వారి పెళ్లికి ముందు జరిగిన కాక్‌టైల్‌, మెహందీ, హ‌ల్దీ వేడుక‌ల‌కు సంబంధించిన ఫోటోలు సోష‌ల్ మీడియాలో తెగ వైరల్‌ అయ్యాయి. ఆ వేడుకల్లో మెగా కుటుంబానికి చెందిన స్నేహితులు, సినీ సెలట్రిటీలే ఎక్కువగా ఉన్నారు.

(ఇదీ చదవండి: నేడు రెండు క్రేజీ సినిమాలు ఓటీటీలోకి వచ్చేశాయ్‌)

కొత్త దంపతులు అయిన వరుణ్‌- లావణ్యలకు శుభాకాంక్షలు చెబుతూ తాజాగా మెగాస్టార్‌ చిరంజీవి ఒక ఫోటో షేర్‌ చేశారు. అందులో మెగా- అల్లు ఫ్యామిలీ హీరోలు ఉన్నారు. చిరంజీవితో పాటు పవన్‌ కల్యాణ్‌, నాగబాబు, రామ్‌ చరణ్‌, అల్లు అర్జున్‌తో పాటు యంగ్‌ హీరోలు ఉన్నారు. అభిమానుల కోసం మెగాస్టార్‌ షేర్‌ చేసిన ఈ ఫోటోకు భారీగా లైకులు పడుతున్నాయి.

చిరు పోస్ట్‌ చేసిన ఫోటోను కొన్ని క్షణాల్లోనే పవన్‌, రామ్‌ చరణ్‌లతో పాటు మెగా హీరోలు అందరూ షేర్‌ చేస్తున్నారు.  కొత్త దంపతులకు మెగా అభిమానులు శుభాకాంక్షలు తెలుపుతున్నారు. ఈ పెళ్లిలో రామ్‌చ‌ర‌ణ్‌, అల్లు అర్జున్‌, నితిన్ త‌దిత‌ర సెల‌బ్రిటీ క‌పుల్స్‌ స్పెష‌ల్ అట్రాక్ష‌న్‌గా నిలిచారు. నేడు హైదరాబాద్‌కు ఈ కొత్త జంట రానుంది.  సినీ ఇండస్ట్రీ, ప్రముఖుల కోసం నవంబర్‌ 5న హైదరాబాద్‌లోని మాదాపూర్‌ ఎన్‌- కన్వెన్షన్‌లో వరుణ్‌- లావణ్యల రిసెప్షన్‌ జరగనుంది.

View this post on Instagram

A post shared by Chiranjeevi Konidela (@chiranjeevikonidela)