డాన్‌ ప్రేయసి 

డాన్‌తో లవ్‌లో పడ్డారు హీరోయిన్‌ కియారా అద్వానీ. బాలీవుడ్‌ ‘డాన్‌’ ఫ్రాంచైజీలో రూపొందనున్న తాజా సినిమా ‘డాన్‌ 3’. రణ్‌వీర్‌ సింగ్‌ హీరోగా నటించనున్న ఈ సినిమాను దర్శక–నిర్మాత – నటుడు–రైటర్‌ ఫర్హాన్‌ అక్తర్‌ తెరకెక్కిస్తారు.

ఈ సినిమాలో హీరోయిన్‌గా కియారా అద్వానీ నటించనున్నట్లు చిత్ర యూనిట్‌ అధికారికంగా ప్రకటించింది. ‘‘కొత్త శకం మొదలైంది. ‘డాన్‌’ యూనివర్స్‌లోకి కియారాకు స్వాగతం’’ అని ‘డాన్‌ 3’ మేకర్స్‌ పేర్కొన్నారు. ఈ చిత్రంలో  కియారాకు కొన్ని యాక్షన్‌ సీక్వెన్స్‌లు కూడా ఉంటాయట. ‘‘ఐకానిక్‌ ‘డాన్‌ 3’ ఫ్రాంచైజీలో భాగం కావడం థ్రిల్‌గా ఉంది’’ అన్నారు కియారా అద్వానీ.