TV
నాగచైతన్య అక్కినేని హీరోగా తాజాగా నటించిన చిత్రం 'థ్యాంక్‌ యూ'. మనం’ తర్వాత హీరో నాగచైతన్య, దర్శకుడు విక్రమ్‌ కె.కుమార్‌ కాంబినేషన్లో రూపొందిన ఈ సినిమా చై విభిన్న లుక్‌లో అలరించనున్నాడు. రాశీఖన్నా, మళవిక నాయర్‌ హీరోయిన్లుగా నటిస్తున్న ఈ చిత్రంలో అవిక గోర్‌ ఓ కీ రోల్‌ పోషిస్తోంది. ప్రస్తుతం పోస్ట్‌ ప్రొడక్షన్‌ పనులను జరుపుకుంటున్న ఈ చిత్రం నుంచి ఇప్పటికే విడదులై టీజర్‌, పోస్టర్స్‌ విశేషంగా ఆకట్టుకున్నాయి.
ఇక జూలై 8న ప్రేక్షకుల ముందుకు రానున్న ఈ చిత్రం నుంచి తాజాగా ఓ సాంగ్‌ను రిలీజ్‌ చేసింది చిత్ర యూనిట్‌. ఏంటో ఏంటేంటో అంటూ సాగే ఈ పాటను సోషల్‌ మీడియా వేదికగా విడుదల చేశారు. నాగ చైతన్య, మాళవిక నాయర్‌ల మధ్య తెరకెక్కిన ఈ పాటకు ఆనంత్‌ శ్రీరామ్‌ లిరిక్స్‌ అందించగా.. జొనితా గాంధీ ఆలపించారు. తమన్‌ స్వరాలను సమకూర్చారు. కాగా శ్రీవెంకేటేశ్వర క్రియేషన్స్‌ పతాకంపై దిల్‌ రాజ్‌ ఈ సినిమాను నిర్మిస్తున్నాడు.
Comments
Please login to add a commentAdd a comment