Prabhas: ప్రభాస్ ఆతిథ్యానికి మాళవిక ఉక్కిరిబిక్కిరి.. డార్లింగా మజాకా

ప్రభాస్ పేరు చెప్పగానే పాన్ ఇండియా సినిమాలు, వేల కోట్ల రూపాయల వసూళ్లు ఎలా గుర్తొస్తాయో.. అతడి అతిథ‍్యం, పెట్టే ఫుడ్ కూడా అలానే గుర్తొస్తుంది. ఎందుకంటే ఒకరి తర్వాత ఒకరు అన్నట్లు స్టార్ హీరోయిన్లు డార్లింగ్ హీరో ఇచ్చే ఫుడ్ గురించి చాలాసార్లు చెప్పారు. వీళ్లలో శ్రద్ధా కపూర్, పూజా హెగ్డే, శ్రుతి హాసన్, కృతి సనన్, దీపికా పదుకొణె ఉన్నారు. ఇప్పుడు ఈ లిస్టులో ఆరో హీరోయిన్ చేరిపోయింది. ఆమెనే మాళవిక మోహనన్.

(ఇదీ చదవండి: యాంకర్‌ సుమకు స్టేజీపై ముద్దు పెట్టిన నటుడు)

కేరళకు చెందిన ఈ బ్యూటీ.. ఇప్పటివరకు తమిళ, మలయాళ సినిమాలు చేసింది. ఇన్ స్టాలో గ్లామర్ ఫొటోల వల్ల తెలుగోళ్లకు కాస్త పరిచయమే. ఈమె లీడ్ రోల్ చేసిన 'తంగలాన్'.. ఆగస్టు 15న థియేటర్లలోకి రానుంది. ఈ సందర్భంగా హైదరాబాద్‌లో ప్రెస్ మీట్ ఏర్పాటు చేశారు. ఇందులోనే ప్రభాస్ ఫుడ్ గురించి మాళవిక ఇంట్రెస్టింగ్ కామెంట్స్ చేసింది.

'హైదరాబాద్‌లోనే బెస్ట్ ఫుడ్ ప్రభాస్ నాకు పంపించారు. మా అమ్మ ఫుడ్ తర్వాత నేను ఇప్పటివరకు తిన్న వాటిలో బెస్ట్ అంటే ప్రభాస్ సర్ పంపించిందే. దాదాపు మా అమ్మ వండిన వంటలానే అనిపించింది' అని మాళవిక చెప్పింది. 'రాజాసాబ్' సినిమా గురించి మాట్లాడుతూ.. ప్రభాస్ సినిమాలో అలాంటి క్యారెక్టర్ రావడం చాలా గ్రేట్. ఆ పాత్ర అంత అద్భుతంగా ఉంటుంది. మీరంతా రాజా సాబ్ చూడటం కోసం ఎదురుచూస్తున్నానని తన ఆనందాన్ని బయటపెట్టింది.

(ఇదీ చదవండి: ఈ వారం ఓటీటీలో 21 సినిమాలు/ సిరీస్‌లు రిలీజ్‌)