కోలీవుడ్‌లో లక్‌ పరీక్షించుకోనున్న మంచు విష్ణు

కురళ్‌ 388 చిత్రంతో తెలుగుస్టార్‌ నటుడు మంచువిష్ణు కోలీవుడ్‌కు ఎంట్రీ ఇస్తున్నారు. నటుడు మోహన్‌బాబు పెద్దకొడుకే మంచువిష్ణు. ఈయన కథానాయకుడిగా నటించిన చిత్రం కురళ్‌ 388. రామా రీల్స్‌ పతాకంపై జాన్‌ సుధీర్, కిరన్‌ ధనబాలా కలిసి నిర్మించిన ఈ చిత్రంలో నటి సురభి హీరోయిన్‌గా, సంపత్‌కుమార్, నాజర్, మునీష్‌కాంత్, రామదాస్, జయప్రకాష్, పంజు సుబ్బు తలైవాసల్‌ విజయ్, ప్రగతి, సురేఖవాణి తదితరులు ముఖ్య పాత్రలను పోషించారు.

జీఎస్‌ కార్తీక్‌ దర్శకుడిగా పరిచయం అవుతున్న ఈ చిత్రం నిర్మాణ కార్యక్రమాలు పూర్తి చేసుకుని త్వరలో విడుదలకు ముస్తాబవుతోంది. దీనికి ఎస్‌ఎస్‌ తమన్‌ సంగీతం, రాజేష్‌ యాదవ్‌ ఛాయాగ్రహణం అందించినట్లు దర్శకుడు తెలిపారు.

చదవండి: Mahesh Babu: ‘ఆర్‌ఆర్‌ఆర్‌’ ట్రైలర్‌పై ఆసక్తిగా స్పందించిన మహేశ్‌ బాబు