పీరియాడికల్‌ యాక్షన్‌ డ్రామాలో...

‘విరూపాక్ష’ (2023) వంటి హిట్‌ మూవీ తర్వాత సాయి దుర్గ తేజ్‌ నటిస్తున్న తాజా పాన్‌ ఇండియా మూవీ ‘ఎస్‌డీటీ 18’ (వర్కింగ్‌ టైటిల్‌). ఈ చిత్రంతో రోహిత్‌ కేపీ దర్శకుడిగా పరిచయమవుతున్నారు. ‘హను–మాన్‌’ వంటి బ్లాక్‌బస్టర్‌ మూవీ నిర్మించిన కె. నిరంజన్‌ రెడ్డి, చైతన్య రెడ్డి ‘ఎస్‌డీటీ 18’ నిర్మిస్తున్నారు.

ఈ చిత్రం అనౌన్స్‌మెంట్‌ పోస్టర్‌ను రిలీజ్‌ చేశారు. ఈ సందర్భంగా నిర్మాతలు మాట్లాడుతూ – ‘‘పీరియాడికల్‌ హై యాక్షన్‌ డ్రామాగా తెరకెక్కుతున్న చిత్రం ‘ఎస్‌డీటీ 18’. ఇందులో సాయి దుర్గ తేజ్‌ పాత్ర చాలా పవర్‌ఫుల్‌గా ఉంటుంది. ఈ చిత్రం కోసం నిర్మించిన ఓ భారీ సెట్‌లో ప్రస్తుతం తొలి షెడ్యూల్‌ జరుగుతోంది. తెలుగు, తమిళ, హిందీ, కన్నడ, మలయాళ భాషల్లో ఈ చిత్రం రూపొందుతోంది’’ అని చిత్రబృందం పేర్కొంది.