హీరోగా ఎంట్రీ ఇస్తున్న విజయనిర్మల మనవడు

దివంగత ప్రముఖ నటి–దర్శకురాలు విజయనిర్మల మనవడు శరణ్‌ కుమార్‌ (నరేశ్‌ కజిన్ రాజ్‌కుమార్‌ కొడుకు) హీరోగా రూపొందిన చిత్రం ‘మిస్టర్‌ కింగ్‌’. శశిధర్‌ చావలి దర్శకత్వంలో బీఎన్‌ రావు నిర్మించారు. యశ్విక నిష్కల, ఊర్వీ సింగ్‌ కథానాయికలు. ఈ నెల 24న ఈ చిత్రం రిలీజ్‌ కానుంది.

ఈ సందర్భంగా శనివారం ట్రైలర్‌ లాంచ్‌ ఈవెంట్‌లో అతిథిగాపాల్గొన్న దర్శక–నిర్మాత ఎంఎస్‌ రాజు మాట్లాడుతూ – ‘‘ట్రైలర్‌ ప్రామిసింగ్‌గా వుంది. కొత్త కాన్సెప్ట్‌తో సినిమాని రూపొందించారనిపిస్తోంది’’ అన్నారు. ‘‘మా అల్లుడు శరణ్‌ హీరోగా పరిచయమవుతున్నాడు. సూపర్‌స్టార్‌ కృష్ణ, విజయ నిర్మలగార్ల ఆశీస్సులు ఉంటాయి’’ అన్నారు నరేష్‌. ‘‘ఈ చిత్రంలో బలమైన పాత్ర చేశాను’’ అన్నారు శరణ్‌. ‘‘ఆత్మాభిమానం వున్న  ఓ అబ్బాయి కథ ఇది’’ అన్నారు శశిధర్‌. ‘‘సినిమా అద్భుతంగా వచ్చింది’’ అన్నారు బీఎన్‌ రావు.