పొలిటికల్​ థ్రిల్లర్​గా కొత్త చిత్రం.. పూజా కార్యక్రమాలతో ప్రారంభం

చెన్నై సినిమా: రాజకీయ నేపథ్యంలో మరో థ్రిల్లర్‌ రూపొందుతోంది. నటులు ప్రాజన్, అజిత్‌ నాయక్‌ హీరోలుగా నటిస్తున్న ఇందులో నటి ప్రఖ్యా నయన్, రష్మీ నాయికలుగా నటించనున్నారు. శ్రీకృష్ణ ఫిలిం ప్రొడక్షన్స్‌ పతాకంపై ఎస్‌.వి. సూర్యకాంత్‌ నిర్మిస్తున్న ఈ చిత్రానికి సిద్ధార్థ సహ నిర్మాతగా వ్యవహరిస్తున్నారు. శంకర్, కెన్నడీ ద్వయం కథ, కథనం, మాటలు, దర్శకత్వం బాధ్యతలు నిర్వహిస్తున్న ఈ చిత్రం ఆదివారం  ధర్మపురిలో పూజా కార్యక్రమాలతో ప్రారంభమైంది. 

ఈ సినిమాకు వినోద్‌కుమార్‌ ఛాయాగ్రహణం, విజయ్‌ యాట్లీ సంగీతం అందిస్తున్నారు. చిత్ర వివరాలను దర్శకుడు వెల్లడిస్తూ.. దుర్మార్గులైన రాజకీయ నాయకుల వల్ల సామాన్య ప్రజలు ఎదుర్కొనే ఇబ్బందులను కొత్తకోణంలో చూపించబోతున్నట్లు చెప్పారు. షూటింగ్‌ ధర్మపురి, కన్యాకుమారి పరిసర ప్రాంతాల్లో నిర్వహిస్తున్నట్లు పేర్కొన్నారు.