ఫిబ్రవరిలో లాల్‌ సలామ్‌లోకి...

‘లాల్‌ సలామ్‌’ గ్రౌండ్‌లోకి రజనీకాంత్‌ ఎంట్రీ ఫిబ్రవరిలో అని సమాచారం. విష్ణు విశాల్, విక్రాంత్‌ హీరోలుగా రజనీకాంత్‌ ప్రధాన పాత్రలో నటిస్తున్న చిత్రం ‘లాల్‌సలామ్‌’. క్రికెట్‌ నేపథ్యంలో రూపొందుతున్న ఈ సినిమాకు రజనీకాంత్‌ కుమార్తె ఐశ్వర్యా రజనీకాంత్‌ దర్శకత్వం వహిస్తున్నారు.

ఆ మధ్య ఓ పది రోజులు షూటింగ్‌ చేశారు. అయితే రజనీ లేని సీన్స్‌ని చిత్రీకరించారు. ఫిబ్రవరి మొదటివారంలో ఈ సినిమా సెట్స్‌లోకి రజనీ అడుగుపెడతారట. ఇక ‘3’ (2012) చిత్రం ద్వారా దర్శకురాలిగా పరిచయమైన ఐశ్వర్య ఆ తర్వాత ‘వై రాజా వై’ (2015), ‘రాజా రాణి’ (2017) చిత్రాలకు దర్శకత్వం వహించారు. ఐదేళ్ల గ్యాప్‌ తర్వాత ఆమె తెరకెక్కిస్తున్న చిత్రం ‘లాల్‌ సలామ్‌’.