TV
రామ్‌చరణ్‌ హీరోగా శంకర్‌ దర్శకత్వంలో రూపొందుతున్న పొలిటికల్‌ యాక్షన్‌ డ్రామా ‘గేమ్‌ చేంజర్‌’. కియారా అద్వానీ హీరోయిన్‌గా నటిస్తున్న ఈ చిత్రంలో అంజలి, సునీల్, నవీన్‌ చంద్ర, ఎస్‌జే సూర్య, జయరాం కీలక పాత్రలు పోషిస్తున్నారు. కాగా ‘గేమ్‌చేంజర్‌’ తాజా షెడ్యూల్‌ చిత్రీకరణ ఈ నెల 20 నుంచి ప్లాన్‌ చేశారు. అయితే ఈ షెడ్యూల్‌ రద్దు అయ్యింది.
‘‘గేమ్‌చేంజర్‌’లోని కొందరు ఆర్టిస్టులు షూటింగ్‌కు అందుబాటులో లేని కారణంగానే ఈ నెలలో జరగాల్సిన షూటింగ్‌ రద్దు అయింది. అక్టోబర్‌ రెండోవారంలో తిరిగి షూటింగ్‌ను స్టార్ట్‌ చేస్తాం’’ అని చిత్రయూనిట్‌ సోషల్‌ మీడియా వేదికగా వెల్లడించింది. అయితే రెండు రోజుల క్రితం రామ్‌చరణ్‌కు షూటింగ్‌లో చిన్న గాయమైందని ఓ వార్త వైరలవుతోంది. గాయం కారణంగా డాక్టర్‌ పది రోజుల వరకు విశ్రాంతి తీసుకోమన్నారని తెలుస్తోంది. ఈ కారణం వల్ల కూడా షూటింగ్‌ రద్దైనట్లు సమాచారం. ‘దిల్‌’ రాజు, శిరీష్‌ నిర్మిస్తున్న ఈ చిత్రం వచ్చే ఏడాది విడుదల కానుంది. ఈ సినిమాకు సంగీతం: తమన్‌.
Comments
Please login to add a commentAdd a comment