TV
బాలీవుడ్‌ కపుల్స్‌ రణ్‌బీర్‌ కపూర్‌, ఆలియా భట్‌ తొలిసారి నటించిన బ్రహ్మాస్త్ర మూవీ సెప్టెంబర్‌ 12న థియేటర్లో విడుదల కానుంది. ఈ మూవీకి విడుదలకు ఇంకా 100 రోజుల మిగిలి ఉండటంతో ప్రమోషన్లో భాగంగా మంగళవారం హీరో రణ్‌బీర్‌, దర్శకుడు ఆయాన్‌ ముఖర్జీ, దర్శక ధీరుడు ఎస్‌ఎస్‌ రాజమౌళి విశాకపట్నంలో పర్యటించిన సంగతి తెలిసిందే. ఈ సందర్భంగా మూవీకి సంబంధించిన కొత్త టీజర్ను సోషల్ మీడియా వేదికగా విడుదల చేశారు మేకర్స్‌.
చదవండి: ఆ హీరో ‘మై డార్లింగ్‌’.. తన ఫేవరెట్‌ తెలుగు యాక్టర్‌ ఎవరో చెప్పిన రణ్‌బీర్‌
అంతేకాదు ఈ సందర్భంగా మూవీ ట్రైలర్‌ను జూన్ 15వ తేదీన రిలీజ్ చేయ‌న్నట్లు ప్రకటించారు. ‘ఇవాళ ప్ర‌త్యేక‌మైన రోజు. 15 రోజుల్లో ట్రైలర్‌, 100 రోజుల్లో సినిమా రిలీజ్. అందుకే ఈ రోజు(మంగళవారం మే 31) టీజర్ను రిలీజ్ చేస్తున్నాం’ అని డైరెక్ట‌ర్ అయాన్ తెలిపాడు. ఇక టీజర్‌ విషయానికి వస్తే.. పూర్తి విజువల్‌ ఫీస్ట్‌గా రూపొందించిన ఈ టీజర్‌ బాగా ఆకట్టుకుంటుంది. ఇందులోని సన్నివేశాలు నటీనటుల లుక్‌ సినిమాపై మరింత ఆసక్తిని పెంచుతున్నాయి.
చదవండి: జనవరిలో పెళ్లి ప్రకటన, తాజాగా మగబిడ్డకు జన్మనిచ్చిన హీరోయిన్‌
ఈ టీజర్‌లో హీరోహీరోయిన్ల పలు సీన్స్‌తో పాటు టాలీవుడ్‌ హీరో నాగార్జున, బాలీవుడ్‌ బిగ్‌బీ అమితాబ్‌ బచ్చన్‌, మౌనీ రాయ్‌లకు సంబంధించిన సీన్స్‌ను కూడా చూపించారు. కాగా ఈ చిత్రంలో ప్రొఫెసర్‌ అరవింద్‌ చతుర్వేది పాత్రను అమితాబ్‌ బచ్చన్‌ పోషిస్తుండగా.. పురావాస్తూశాఖ నిపుణుడు అజయ్‌ విశిష్ఠ్‌ పాత్రలో నాగార్జున కనిపించనున్నాడు. ఇక మౌనీ రాయ్‌ దమయంతీ పాత్రలో నటిస్తున్నట్లు తెలుస్తోంది. ఈ మూవీ హిందీతో పాటు తెలుగు, తమిళం, కన్నడ, మలయాళం భాషల్లో కూడా విడుదల కానుంది.
Comments
Please login to add a commentAdd a comment