TV
సికందర్‌తో జోడీ కట్టారు హీరోయిన్‌ రష్మికా మందన్నా. బాలీవుడ్‌ స్టార్‌ హీరో సల్మాన్‌ ఖాన్, ఏఆర్‌ మురుగదాస్‌ కాంబినేషన్‌లో రూపొందనున్న యాక్షన్‌ థ్రిల్లర్‌ మూవీ ‘సికందర్‌’. సాజిద్‌ నడియాడ్‌ వాలా ఈ సినిమాను నిర్మించనున్నారు. ఈ సినిమాలో హీరోయిన్‌గా రష్మికా మందన్నా నటించనున్నట్లు చిత్ర యూనిట్‌ వెల్లడించింది.
‘‘కొంతకాలంగా నా నెక్ట్స్‌ మూవీ ఏంటని అడుగుతున్నారు. ‘సికందర్‌’లో నటించనున్నాను. ఈ విషయాన్ని సర్‌ప్రైజ్‌గా ఫీలవుతారని అనుకుంటున్నాను. ‘సికందర్‌’లో భాగం కావడం గౌరవంగా భావిస్తున్నాను’’ అని రష్మికా మందన్నా పేర్కొన్నారు. ఇది ఆమె కెరీర్‌లో 25వ చిత్రమని తెలుస్తోంది. ఇక ‘సికందర్‌’ వచ్చే ఏడాది రంజాన్‌కి రిలీజ్‌ కానుంది.
