Sevadas Movie: సెన్సార్​ పూర్తి చేసుకున్న పాన్​ ఇండియా మూవీ 'సేవదాస్​'

Sevadas Movie Completed Sensor Works: సీనియర్  హీరోలు సుమన్​, భానుచందర్​ కీలక పాత్రలు పోషించిన బహుభాష చిత్రం 'సేవదాస్'​. శ్రీశ్రీ హథీరామ్​ బాలాజీ క్రియేషన్స్​ పతాకంపై నిర్మించిన ఈ సినిమాలో కెపీఎన్​ చౌహాన్​, ప్రీతి అస్రాని, వినోద్​ రైనా, రేఖా నిరోష హీరోహీరోయిన్లుగా నటిస్తున్నారు. కెపీఎన్​ చౌహాన్​ దర్శకత్వం వహిస్తున్న ఈ మూవీ సెన్సార్​ పూర్తి చేసుకుంది. యూ/ఏ సర్టిఫికేట్​ జారీ చేసిన సెన్సార్​ సభ్యులు చిత్రంపై ప్రశంసలు కురిపించారు. బంజారా సంస్కృతిని, ఔన్నత్యాన్ని ప్రపంచానికి చాటిచెప్పే 'సేవదాస్' సినిమాను బంజారా భాషలోనే కాకుండా తెలుగు, హిందీ, ఇంగ్లీష్​ భాషల్లో ప్రేక్షకుల ముందుకు తీసుకురావడం అభినందనీయమన్నారు.


 
64 దేశాల్లో గల 18 కోట్ల బంజారాలతోపాటు తెలుగు, హిందీ ప్రేక్షకుల హృదయాలకు హత్తుకునేలా రూపొందిన సేవాదాస్​ నిర్మాణంలో పాల్గొనడం గర్వంగా ఉందని కార్యనిర్వహక నిర్మాత ఎమ్​ బాలు చౌహాన్​ పేర్కొన్నారు. ఈ చిత్రం తెరకెక్కించడంలో శ్రమించిన ప్రతీ ఒక్కరికీ అభినందనలు తెలిపారు. వీలైనంత త్వరలో సినిమాను ప్రేక్షకుల ముందుకు తీసుకువచ్చేందుకు సన్నాహాలు చేస్తున్నామన్నారు.