Mahesh Babu: చేతిలో సిగరెట్‌తో సూపర్‌స్టార్‌.. ఫ్యాన్స్‌ దిల్‌ఖుష్‌..

సూపర్‌స్టార్‌ మహేశ్‌బాబు- త్రివిక్రమ్‌ కాంబినేషన్‌లో సినిమా పడితే అభిమానులకు పూనకాలు రావాల్సిందే! వీరి కాంబినేషన్‌లో ఇప్పటికే అతడు, ఖలేజా సినిమాలు రాగా ముచ్చటగా మూడోసారి జతకట్టారిద్దరూ. ఈ చిత్రంలో పూజా హెగ్డే కథానాయికగా నటిస్తోంది. హారిక అండ్‌ హాసినీ క్రియేషన్స్‌ పతాకంపై ఎస్‌.రాధాకృష్ణ నిర్మిస్తున్న ఈ సినిమా గురించి అదిరిపోయే అప్‌డేట్‌ ఇచ్చింది చిత్రయూనిట్‌. సంక్రాంతి కానుకగా వచ్చే ఏడాది జనవరి 13న విడుదల చేస్తున్నట్లు ప్రకటించింది. ఈ మేరకు స్పెషల్‌ పోస్టర్‌ రిలీజ్‌ చేసింది. ఇందులో సూపర్‌ స్టార్‌ చేతిలో సిగరెట్‌ పట్టుకుని స్టైలిష్‌గా నడుస్తున్నాడు.

ప్రస్తుతం షూటింగ్‌ జరుపుకుంటున్న ఈ మూవీకి తమన్‌ సంగీతం అందిస్తున్నాడు. కాగా ఈ సినిమాకి ‘అడవిలో అర్జునుడు’, ‘ఆమె కథ’, ‘అమ్మ కథ’ అనే టైటిల్స్‌ ప్రచారంలో ఉన్నాయి. అయితే ఉగాది పండుగ సందర్భంగా ఈ నెల 22న ఈ మూవీ టైటిల్‌ను అధికారికంగా రిలీజ్‌ చేయనున్నారంటూ జోరుగా ప్రచారం నడిచింది. కానీ అది నిజం కాలేదు. మరి ఈ చిత్ర టైటిల్‌ ఎప్పుడు ప్రకటిస్తారో చూడాలి!

The Reigning Superstar @urstrulymahesh in an all new MASS avatar is all set to meet you with #SSMB28 in theatres from 13th January 2024 worldwide! 🤩#SSMB28FromJAN13 🎬🍿#Trivikram @hegdepooja @sreeleela14 @MusicThaman @vamsi84 #PSVinod @NavinNooli #ASPrakash @haarikahassine pic.twitter.com/qqXjnJphqH

— Haarika & Hassine Creations (@haarikahassine) March 26, 2023