రాజ్యాంగ నిర్మాణంలో అంబేడ్కర్‌ కృషి ఎనలేనిది

రాజ్యాంగ నిర్మాణంలో అంబేడ్కర్‌ కృషి ఎనలేనిది

రామగిరి(నల్లగొండ): దేశంలో సామాజిక అసమానతల నిర్మూలనతోపాటు రాజ్యాంగ నిర్మాణంలో డాక్టర్‌ బాబాసాహెబ్‌ అంబేడ్కర్‌ కృషి ఎనలేనిదని హైదరాబాద్‌ సెంట్రల్‌ యూనివర్సిటీ పొలిటికల్‌ సైన్స్‌ ప్రొఫెసర్‌ ఇ.వెంకటేసు అన్నారు. అంబేడ్కర్‌ జయంతి సందర్భంగా ప్రపంచీకరణ తర్వాత ప్రపంచంలో సామాజిక న్యాయం ఔచిత్యం అనే అంశంపై బుధవారం నల్లగొండలోని ఎన్జీ కళాశాలలో ఏర్పాటు చేసిన సమావేశంలో ఆయన పాల్గొని ప్రసంగించారు. రాజ్యాంగంలో పొందుపరిచిన అనేక కీలక అంశాల్లో అంబేడ్కర్‌ పాత్ర ఉందన్నారు. కళాశాల ప్రిన్సిపాల్‌ డాక్టర్‌ సముద్రాల ఉపేందర్‌ మాట్లాడుతూ యువత సమాజ ఉన్నతికి పాటుప డాలని కోరారు. ముందుగా అంబేడ్కర్‌ చిత్రపటానికి పూలమాలలు వేసి ఘనంగా నివాళులర్పించారు. కార్యక్రమంలో అకడమిక్‌ కోఆర్డినేటర్‌ డాక్టర్‌ రవికుమార్‌, వైస్‌ ప్రిన్సిపాల్‌ డాక్టర్‌ అంతటి శ్రీనివాస్‌, ఐక్యూసి కోఆర్డినేటర్‌ వైవీఆర్‌.ప్రసన్నకుమార్‌, పరీక్ష నియంత్రణ అధికారి బి.నాగరాజు, డాక్టర్‌ మునిస్వామి తదితరులు పాల్గొన్నారు.

ఫ హెచ్‌సీయూ ప్రొఫెసర్‌ ఇ.వెంకటేసు