కనగల్‌ : భక్తుల పాలిట కొంగుబంగారం దర్వేశిపురం రేణుకా ఎల్లమ్మ దేవాలయాన్ని మరింత అభివృద్ధి చేస్తానని రాష్ట్ర రోడ్లు, భవనాలు, సినిమాటోగ్రఫి శాఖల మంత్రి కోమటిరెడ్డి వెంకటరెడ్డి అన్నారు. దర్వేశిపురం రేణుకా ఎల్లమ్మ దేవాలయ నూతన పాలకమండలి ప్రమాణ స్వీకారోత్సవానికి సోమవారం ఆయన ముఖ్యఅతిథిగా హాజరై మాట్లాడారు. పాలకవర్గం.. దేవుడికి, భక్తులకు అనుసంధానంగా ఉండాలన్నారు. దేవాలయానికి నల్లగొండ నుంచే కాకుండా, హైదరాబాద్‌ తదితర ప్రాంతాల నుంచి కూడా భక్తులు వచ్చే విధంగా అభివృద్ధి చేయాల్సిన అవసరం ఉందన్నారు. కలెక్టర్‌ తన కుమరుడి తలనీలాలు ఈ ఆలయంలో సమర్పించడం గొప్ప విషయమన్నారు. ఆలయ అభివృద్ధిలో భాగంగా 15 రోజుల్లో అంతర్గత రహదారులు మంజూరు చేసి.. పూర్తి చేయిస్తామని తెలిపారు. కార్యక్రమంలో ఏసీ భాస్కర్‌, ఈఓ జయరామయ్య, చైర్మన్‌ చీదేటి వెంకట్‌రెడ్డి, కాంగ్రెస్‌ మండలాధ్యక్షుడు గడ్డం అనూప్‌రెడ్డి, మాజీ జెడ్పీటీసీ నర్సింగ్‌ శ్రీనివాస్‌గౌడ్‌, నాయకులు దేవిరెడ్డి వెంకట్‌రెడ్డి, భారత వెంకటేశం, గోలి జగాల్‌రెడ్డి, గుండెబోయిన భిక్షం, కూసుకుంట్ల రాజిరెడ్డి, దేప కర్ణాకర్‌రెడ్డి, కెసాని వెంకట్‌రెడ్డి తదితరులు పాల్గొన్నారు. ఫ మంత్రి కోమటిరెడ్డి వెంకట్‌రెడ్డి ఫ దర్వేశిపురం ఆలయ పాలకమండలి ప్రమాణ స్వీకారం ఫ్లైఓవర్‌ నిర్మాణం అపోహే.. అర్వపల్లి – తానంచర్ల రహదారిపై అర్వపల్లి వద్ద ఫ్లైఓవర్‌ కోసం భూములు పోతున్నాయని అపోహలను సృష్టిస్తున్నారని, ఇది నిజం కాదన్నారు. అర్వపల్లి వద్ద ప్రమాదాల నివారణకు జంక్షన్‌ అభివృద్ధి పనులు మాత్రమే చేపట్టేందుకు సర్వే నిర్వహిస్తున్నామన్నారు. అక్కడ ఎలాంటి ఫ్లై ఓవర్‌ నిర్మించడం లేదన్నారు. జిల్లా అభివృద్ధిలో భాగంగా త్వరలోనే రూ.900 కోట్లతో ఏఎమ్మార్పీ ప్రధాన కాలువ, డిస్ట్రిబ్యూటరీల లైనింగ్‌ పనులు చేపట్టనున్నట్లు తెలిపారు. ఎంజీ యూనివర్సిటీలో నాలుగు భవనాల నిర్మాణ పనులు నడుస్తున్నాయని తెలిపారు.

సూర్యాపేట గురుకుల పాఠశాల హాస్టల్‌లో ఉరేసుకుని విద్యార్థిని ఆత్మహత్యా యత్నానికి పాల్పడింది. - 8లోరైతు భరోసాకు దరఖాస్తులునల్లగొండ అగ్రికల్చర్‌ : కొత్తగా పాస్‌బుక్కులు వచ్చిన రైతులంతా రైతు భరోసాకు అర్హులని జిల్లా వ్యవసాయ అధికారి పాల్వాయి శ్రవణ్‌కుమార్‌ సోమవారం ఒక ప్రకటనలో తెలిపారు. 31 జనవరి 2025 వరకు పాస్‌బుక్కులు వచ్చిన రైతులు రైతు భరోసాకు దరఖాస్తు చేసుకోవాలని సూచించారు. పట్టాదార్‌ పాస్‌ పుస్తకం, ఆధార్‌ కార్డ్‌, బ్యాంక్‌ అకౌంట్‌ జిరాక్స్‌లను వ్యవసాయ విస్తరణ అధికారులకు అందజేయాలని పేర్కొన్నారు. అదేవిధంగా బ్యాంక్‌ అకౌంట్లను మార్పులు చేసుకునే వారు కూడా దరఖాస్తు చేసుకోవచ్చని తెలిపారు.

యాదగిరిగుట్ట ఆలయంలో హుండీ ఆదాయం రూ.4,17,13,596 వచ్చినట్లు ఈఓ భాస్కర్‌రావు వెల్లడించారు. - 8లో22న నల్లగొండలో జాబ్‌మేళానల్లగొండ : జిల్లాలోని నిరుద్యోగ యువతీ యువకులకు ప్రైవేట్‌ కంపెనీల్లో ఉద్యోగాలు కల్పించేందుకు ఈ నెల 22న ఉదయం 10.30 గంటలకు ఉపాధి కల్పన కార్యాలయంలో జాబ్‌మేళా నిర్వహించనున్నట్లు జిల్లా ఉపాధి కల్పన అధికారి ఎన్‌.పద్మ సోమవారం ఒక ప్రకటనలో తెలిపారు. ఎంపికై న వారికి రూ.10 వేల నుంచి రూ.25 వేల వరకు వేతనాలు ఉంటాయని పేర్కొన్నారు. ఎస్‌ఎస్‌సీ నుంచి డిగ్రీ చదివిన 18 నుంచి 35 సంవత్సరాల వయసు ఉండి, ఆసక్తి గల సీ్త్ర, పురుష అభ్యర్థులు బయోడేటా, విద్యార్హత సర్టిఫికెట్లతో నేరుగా ఉపాధి కల్పన కార్యాలయానికి హాజరుకావాలని పేర్కొన్నారు. మరిన్ని వివరాలకు 7893420435 ఫోన్‌ నంబర్‌ను సంప్రదించాలని సూచించారు.

మున్సిపాలిటీల్లో పూర్తికాని డిజిటల్‌ డోర్‌ నంబర్ల సర్వే ఆదాయం పెరిగే అవకాశం ఉన్నా.. మున్సిపాలిటీల్లో అనుమతి తీసుకోకుండా భవనాలు నిర్మించుకున్న వారితో పాటు, అనుమతి ఒక అంతస్తుకు తీసుకొని మూడు నాలుగు అంతస్తుల భవనాలు నిర్మించడం, ఇంటి నిర్మాణానికి అనుమతి తీసుకొని వాణిజ్య భవనాలు నిర్మించడం లాంటివి పట్టణాల్లో వందల సంఖ్యలో ఉన్నాయి. ఇలాంటి భవనాలకు మున్సిపల్‌ చట్టం ప్రకారం విధించే పన్నుకు రెట్టింపు వేయాల్సి ఉంటుంది. డిజిటల్‌ డోర్‌ నంబర్‌ సర్వే పూర్తి చేస్తే మున్సిపాలిటీలకు ఆదాయం భారీగా పెరిగే అవకాశం ఉంది. దీనిపై ప్రస్తుత ప్రభుత్వం ఎలాంటి నిర్ణయం తీసుకోకపోవడంతో డిజిటల్‌ డోర్‌ నంబర్ల సర్వే ఇప్పట్లో పూర్తయ్యేది కష్టమని తెలుస్తోంది. రాష్ట్ర ప్రభుత్వం నిర్ణయం తీసుకుంటేనే ముందుకుపోయే అవకాశం ఉన్నట్లు మున్సిపల్‌ అధికారులు చెబుతున్నారు. నల్లగొండ టూటౌన్‌: గత ప్రభుత్వ హయాంలో మున్సిపాలిటీల్లో చేపట్టిన డిజిటల్‌ డోర్‌ నంబర్ల సర్వే అసంపూర్తిగా నిలిచిపోయింది. సర్వే ప్రారంభించి రెండేళ్లు దాటినా సంబంధిత కాంట్రాక్టు సంస్థ పూర్తి చేయకుండా మధ్యలోనే నిలిపివేసింది. అయితే క్షేత్ర స్థాయిలో దాదాపు 80 శాతం పూర్తయినట్లు సర్వే సంస్థ చెబుతున్నా అంతా అసంపూర్తిగానే ఉందని అధికారుల పరిశీలనలో వెల్లడైంది. డిజిటల్‌ సర్వేను ఎందుకు నిలిపివేశారన్న దానిపై మున్సిపల్‌ అధికారులకు వద్ద కూడా ఎలాంటి సమాచారం లేదు. ఫలితంగా ప్రతి ఇంటికి, ఇతర భవనాలకు డిజిటల్‌ నంబర్‌ ఇచ్చి తద్వారా మున్సిపాలిటీలకు ఆదాయం సమకూర్చాలన్న ప్రభుత్వ లక్ష్యం నీరుగారిపోయింది. ఏడాదిన్నర క్రితమే.. జిల్లాలోని నీలగిరి, మిర్యాలగూడతోపాటు ఇతర మున్సిపాలిటీలకు చెందిన ప్రధాన పట్టణాల్లో ముందుగా డిజిటల్‌ డోర్‌ నంబర్లు ఇచ్చి అన్నింటిపై ఆస్తి పన్ను వసూలు చేయాలని గత ప్రభుత్వం భావించి సర్వే చేపట్టింది. కానీ మొదట్లో దీనిని సీరియస్‌గా తీసుకున్న అప్పటి ప్రభుత్వం ఉన్నట్టుండి ఏడాదిన్నర క్రితం సర్వే నిలిపివేయాలని అంతర్గతం ఆదేశాలు ఇచ్చింది. అసెంబ్లీ ఎన్నికల ముందు ఇలాంటి సమస్యను తెచ్చుకోవడం ఎందుకు అనుకున్నారో ఏమో కానీ సర్వేను మాత్రం అప్పటి ప్రభుత్వం నిలిపివేయడంతో అసంపూర్తిగానే ఉంది. ఎన్నికలు జరిగి కొత్త ప్రభుత్వం ఏర్పడినా సర్వేను కొనసాగించలేదు అయితే సర్వే నిక్కచ్చిగా, పారదర్శకంగా చేపడితే పట్టణాల్లోని భవనాలపై 80 నుంచి 90 శాతం వరకు ఆస్తి పన్ను పెరిగే అవకాశం ఉండేది. నంబర్‌ చూస్తేనే పూర్తి వివరాలు తెలిసేలా.. ఏటా ఆస్తి పన్ను వసూళ్ల సమయంలో ప్రధాన పట్టణాల్లో అధికారులను ఇంటి నంబర్ల సమస్య వెంటాడుతుంది. కొన్నిచోట్ల డబుల్‌ ఇంటి నంబర్ల సమస్య ఉంది. పేర్లు, ఇంటి నంబర్లు తప్పు, ఆస్తి పన్నులో తేడాలు తదితర వాటికి స్వస్తి చెప్పాలనే నిర్ణయంతోపాటు ఇంటి నంబర్‌ చూస్తే ఇంటి పూర్తి వివరాలు తెలిపేలా డిజిటల్‌ డోర్‌ నంబర్‌ ఇవ్వాలని ప్రభుత్వం సర్వేకు శ్రీకారం చుట్టింది. ఒక్క నీలగిరి మున్సిపాలిటీలోనే సర్వే చేయడానికి రూ.1.50 కోట్లు వెచ్చించింది. ఇలా జిల్లాలోని అన్ని మున్సిపాలిటీల్లోని ప్రధాన పట్టణాల్లో భారీగా నిధులు వెచ్చించి సర్వే చేపట్టినా పూర్తికాకపోవడంతో ప్రయోజనం లేకుండా పోయింది. ఫ మధ్యలోనే వదిలేసిన కాంట్రాక్టు సంస్థ ఫ సర్వే పూర్తయితేనే డిజిటర్‌ నంబర్లు అమలులోకి.. ఫ అప్పుడే పెరగనున్న మున్సిపాలిటీ ఆదాయం

నల్లగొండ : ఇందిరమ్మ ఇళ్లు, రేషన్‌ కార్డులు, రైతుభరోసా, ఇందిరమ్మ ఆత్మీయ భరోసా అర్హుల జాబితాలో పేర్లు లేనివారు ఆందోళన చెందాల్సిన అవసరం లేదని.. ఈ పథకాలన్నీ నిరంతరం కొనసాగుతాయని.. కలెక్టర్‌ ఇలా త్రిపాఠి పేర్కొన్నారు. సోమవారం గ్రీవెన్స్‌డే సందర్భంగా కలెక్టరేట్‌లో ఆమె ప్రజల నుంచి ఫిర్యాదులు స్వీకరించారు. అనంతరం అధికారులతో సమావేశమై మాట్లాడారు. గ్రామసభల నిర్వహణకు అన్ని ఏర్పాట్లు చేయాలని డీపీఓ వెంకయ్యను ఆదేశించారు. అర్హుల జాబితాకు సంబంధించి ఎంపీడీఓ అన్ని ఏర్పాట్లు పరిశీలించుకోవాలన్నారు. అర్హుల జాబితాను గ్రామసభల్లో చదివి వినిపించి ఆమోదం పొందాలని సూచించారు. రేషన్‌ కార్డుల వివరాలను ఎంపీడీఓ లాగిన్‌ ద్వారా జిల్లాస్థాయికి, తర్వాత రాష్ట్రస్థాయికి పంపాలన్నారు. ఇది వరకే రేషన్‌ కార్డుల్లో కొత్తగా పేర్లు జోడించేందుకు వచ్చిన వాటిని తహసీల్దార్‌ లాగిన్‌ ద్వారా డీఎస్‌ఓ, కలెక్టర్‌ నుంచి రాష్ట్రస్థాయికి పంపాల్సి ఉంటుందన్నారు. పేర్ల జోడింపునకు సంబంధించి జిల్లాలో సుమారు 77 వేల దరఖాస్తులు లాగిన్‌లో ఉన్నాయని, వీటన్నింటినీ గ్రామసభలో చదివి వినిపించాలని చెప్పారు. ఇందిరమ్మ ఇళ్లకు సంబంధించి అర్హత ఉండి జాగా ఉన్న వారి జాబితా, జాగా లేక ఇందిరమ్మ ఇల్లు పొందేందుకు అర్హత గల వారి జాబితాను వేరువేరుగా చదివి వినిపించాలని అధికారులను ఆదేశించారు. ఈ పథకాలకు కొత్తగా వచ్చే దరఖాస్తులను స్వీకరించాలన్నారు. ఇందిరమ్మ ఆత్మీయ భరోసాలో ఎవరికై నా భూమి ఉన్నట్లు అభ్యంతరాలు వస్తే వాటిని 10 రోజుల్లో పరిష్కరించాలన్నారు. ప్రజా వాణి దరఖాస్తులు సకాలంలో పరిష్కరించాలని ఆదేశించారు. కార్యక్రమంలో అదనపు కలెక్టర్‌ శ్రీనివాస్‌, స్పెషల్‌ కలెక్టర్‌ నటరాజన్‌, డీఆర్‌డీఓ శేఖర్‌రెడ్డి, డీఏఓ శ్రవణ్‌కుమార్‌, హౌజింగ్‌ పీడీ రాజ్‌కుమార్‌, డీఎస్‌ఓ వెంకటేశ్వర్లు పాల్గొన్నారు. ఫ పథకాలన్నీ నిరంతరం కొనసాగుతాయి ఫ గ్రామసభల్లోనూ దరఖాస్తులు చేసుకోవచ్చు ఫ కలెక్టర్‌ ఇలా త్రిపాఠి

నల్లగొండ : పోలీస్‌ గ్రీవెన్స్‌డే సందర్భంగా సోమవారం జిల్లా పోలీస్‌ కార్యాలయంలో ఎస్పీ శరత్‌ చంద్రపవార్‌ బాధితుల నుంచి ఫిర్యాదు స్వీకరించారు. వారి సమస్యలను తెలుసుకొని సంబంధిత అధికారులతో ఫోన్‌లో మాట్లాడి బాధితులకు సత్వర న్యాయం జరిగే విధంగా చూడాలని ఆదేశించారు. ఈ సందర్భంగా ఆయన మాట్లాడుతూ ప్రజలకు పోలీస్‌ శాఖను మరింత చేరువ చేయడమే లక్ష్యంగా పని చేస్తున్నామన్నారు. పోలీస్‌స్టేషన్‌కి వచ్చే ఫిర్యాదుదారులతో మర్యాదగా మాట్లాడి ఫిర్యాదులు స్వీకరించి.. క్షేత్రస్థాయిలో పరిశీలించి బాధితులకు న్యాయం జరిగే విధంగా చూడాలన్నారు. బాధితుల ప్రతి ఫిర్యాదును ఆన్‌లైన్‌లో పొందుపరుస్తూ నిత్యం పర్యవేక్షిస్తున్నామని తెలిపారు. ముగిసిన రైతు భరోసా భూ సర్వేనల్గొండ అగ్రికల్చర్‌ : రైతు భరోసా పథకానికి సంబంధించి క్షేత్రస్థాయిలో ఈ నెల 16 నుంచి నిర్వహిస్తున్న భూ సర్వే సోమవారం ముగిసింది. క్షేత్రస్థాయిలో వ్యవసాయ, రెవెన్యూ అధికారులు సర్వే నంబర్లు ఆధారంగా సర్వే నిర్వహించారు. 140 రెవెన్యూ గ్రామాల పరిధిలో భూములు సాగుకు యోగ్యమైనవా.. లేదా అనే విషయాన్ని నిర్ధారించారు. సర్వే నివేదికను ఆన్‌లైన్‌లో నమోదు చేస్తున్నప్పటికీ ఈనెల 21 నుంచి గ్రామాల్లో నిర్వహించే గ్రామసభలో రైతుభరోసాకు అర్హుల జాబితాను ప్రకటించనున్నారు. ప్రవేశపరీక్ష షెడ్యూల్‌ విడుదలరామగిరి(నల్లగొండ) : తెలంగాణ ఎస్సీ, ఎస్టీ, బీసీ, జనరల్‌ గురుకులాల్లో 2025–2026 విద్యా సంవత్సరానికి 5వ తరగతి ప్రవేశపరీక్ష షెడ్యూల్‌ విడుదలైనట్లు యాదాద్రి జోన్‌ అధికారి ఎస్‌.సంధ్యారాణి సోమవారం ఒక ప్రకటనలో తెలిపారు. అదే విధంగా ఎస్సీ, ఎస్టీ గురుకులాల్లో 6 నుంచి 9వ తరగతిలో మిగిలిన సీట్లకు, గౌలిదొడ్డి ఎస్సీ సీఓఈ గురుకులంలో 9వ తరగతి, పరిగి ఎస్‌ఓఈలో 8వ తరగతి ప్రవేశాలకు దరఖాస్తు చేసుకోవాలని పేర్కొన్నారు. ఎస్సీ గురుకులం రుక్మాపూర్‌ సైనిక్‌ స్కూల్‌, మల్కాజ్‌గిరి ఫైన్‌ ఆర్ట్స్‌ స్కూల్‌లో 6వ తరగతిలో ప్రవేశానికి దరఖాస్తు స్వీకరిస్తున్నామని తెలిపారు. ఫిబ్రవరి 1 నుంచి 23 వరకు tgcet.cgg.gov.in వెబ్‌సైట్‌ ద్వారా ఆన్‌లైన్‌లో రూ.100 రుసుం చెల్లించి దరఖాస్తు చేసుకోవాలని సూచించారు. 24న పానగల్లులో వేలం పాటరామగిరి(నల్లగొండ) : నల్లగొండ పట్టణంలోని పానగల్లు ఛాయా సోమేశ్వరాలయంలో ఈ నెల 24న కొబ్బరికాయలు, పూజా సామగ్రి అమ్మకానికి బహిరంగ వేలం నిర్వహిస్తున్నట్లు ఆలయ ఈఓ రాపోలు బాలకృష్ణ సోమవారం ఒక ప్రకటనలో తెలిపారు. ఆసక్తి గల వారు 24న ఉదయం 10.30 గంటల వరకు ఆలయం వద్దకు రావాలని పేర్కొన్నారు.

చివ్వెంల(సూర్యాపేట) : తెలంగాణ రాష్ట్ర పౌరసరఫరాల శాఖ మంత్రి ఎన్‌.ఉత్తమ్‌కుమార్‌ రెడ్డి, రాష్ట్ర రవాణా, బీసీ సంక్షేమ శాఖ మంత్రి పొన్నం ప్రభాకర్‌ను సోమవారం రాత్రి హైదరాబాద్‌లోని సచివాలయంలో శ్రీ లింగమంతులస్వామి (పెద్దగట్టు) ఆలయ కమిటీ సభ్యులు మర్యాద పూర్వకంగా కలిశారు. ఈ సందర్భంగా వారికి పుష్పగుచ్ఛం అందజేసి, ఫిబ్రవరిలో జరిగే జాతరకు రావాలని మంత్రులను కోరారు. జాతర అభివృద్ధికి నిధులు మంజూరు చేయాలని విజ్ఞప్తి చేశారు. ఈ కార్యక్రమంలో పీసీసీ సభ్యుడు కొప్పుల వేణారెడ్డి, పెద్దగట్టు ఆలయ కమిటీ చైర్మన్‌ పోలేబోయిన నర్సయ్య యాదవ్‌, పోలేబోయిన నరేష్‌ యాదవ్‌, కుర్ర సైదులు, వీరబోయిన సైదులు యాదవ్‌, మెంతబోయిన లింగస్వామి, మెంతబోయిన చిన్న మల్లయ్య, సిరపంగి సైదమ్మ తదితరులు పాల్గొన్నారు.

కొత్త దరఖాస్తుల స్వీకరణ నాలుగు పథకాలకు సంబంధించి సిద్ధం చేసిన అర్హుల జాబితాలో పేర్లు లేని.. అర్హత కలిగిన వారు ఎవరైనా ఉంటే తిరిగి మళ్లీ దరఖాస్తులు చేసుకునేందుకు అవకాశం కల్పించారు. అంతేగాకుండా ఇతర సమస్యలకు సంబంధించి దరఖాస్తులు ఇచ్చినా గ్రామసభల్లో తీసుకోవాలని కలెక్టర్‌ సంబంధిత అధికారులను ఆదేశించారు. నల్లగొండ : ఇందిరమ్మ ఇళ్లు, రైతు భరోసా, ఇందిరమ్మ ఆత్మీయ భరోసా, రేషన్‌ కార్డుల అర్హుల జాబితాలపై మంగవారం నుంచి గ్రామ, వార్డు సభలు నిర్వహిస్తున్నారు. ఈ నాలుగు పథకాలపై ఈ నెల 16 నుంచి 20వ తేదీ వరకు గ్రామాల్లో సర్వే నిర్వహించి అర్హుల జాబితాను తయారు చేశారు. మంగళవారం నుంచి నాలుగు రోజుల పాటు గ్రామసభలు నిర్వహించి ఇప్పటికే తయారు చేసిన అర్హుల జాబితాను గ్రామసభలో ప్రదర్శించి గ్రామసభ ఆమోదం తీసుకోనున్నారు. ఈ నెల 26న జరగనున్న గణతంత్ర వేడుకల సందర్భంగా ఈ పథకాలను కలెక్టర్‌, ప్రజాప్రతినిధులు అట్టహాసంగా ప్రారంభించనున్నారు. నాలుగు రోజుల పాటు గ్రామసభలు.. మంగళవారం నుంచి 24వ తేదీ వరకు గ్రామ, వార్డు సభలు నిర్వహించనున్నారు. ఈ పథకాల అర్హుల జాబితాలను గ్రామసభల్లో ఒక్కోటిగా చదివి వినిపిస్తారు. అందులో ఎలాంటి అభ్యంతరాలు వచ్చినా పరిగణనలోకి తీసుకుంటారు. వాటన్నింటిని లిఖిత పూర్వకంగా రికార్డుల్లో పొందుపరుస్తారు. వాటి పరిష్కారానికి చర్చలు తీసుకుంటారు. ఎలాంటి అభ్యంతరాలు లేకపోతే సంబంధిత పథకం అర్హుల జాబితాను గ్రామసభ ఏకగ్రీవంగా ఆమోదించినట్లు ప్రకటిస్తారు. మండలానికి 6 నుంచి 8 బృందాలు.. గ్రామసభల నిర్వహణ కోసం ప్రతి మండలానికి 6 నుంచి 8 బృందాలను ఇప్పటికే ఎంపిక చేశారు. ఎంపీడీఓ, తహసీల్దార్‌, ఎంపీఈఓ, డిప్యూటీ తహసీల్దార్‌తో పాటు మండల స్థాయి ఆర్‌డబ్ల్యూఎస్‌ ఏఈలు, ఇతర అధికారుల ఆధ్వర్యంలో నాలుగు రోజుల పాటు అన్ని గ్రామాల్లో రోజుకో చోట గ్రామసభ నిర్వహించనున్నారు. గ్రామసభలో ప్రజలు లేవనెత్తిన ప్రతి సమస్యనూ రికార్డు చేయాల్సి ఉంటుంది. గ్రామసభల నిర్వహణపై సంబంధిత బృందాలకు ఇప్పటికే శిక్షణ ఇచ్చారు. ఫ రేషన్‌కార్డులు, ఇందిరమ్మ ఇళ్లు, రైతు భరోసా, ఇందిరమ్మ ఆత్మీయ భరోసా అర్హుల జాబితాలు సిద్ధం ఫ నేటి నుంచి గ్రామసభల నిర్వహణ ఫ గ్రామసభ ఆమోదంతో లబ్ధిదారుల ఎంపిక ఫ కొత్త దరఖాస్తులూ స్వీకరణ

అర్వపల్లి: వచ్చే వేసవిలో విద్యుత్‌ సమస్య తలెత్తకుండా తగు చర్యలు తీసుకుంటున్నట్లు టీజీఎస్‌పీడీసీఎల్‌ రాష్ట్ర చీఫ్‌ ఇంజనీర్‌ అట్లూరి కామేష్‌ తెలిపారు. రబీ సీజన్‌లో విద్యుత్‌ సమస్య తలెత్తకుండా ముందస్తు చర్యలు తీసుకోవడానికై అడివెంల విద్యుత్‌సబ్‌ స్టేషన్‌ను సోమవారం ఎస్‌ఈ బి. ఫ్రాంక్లిన్‌, డీఈ ఎల్‌. ఎ. శ్రీనివాస్‌లతో కలిసి ఆయన పరిశీలించారు. ఈ సందర్భంగా ఆయన మాట్లాడారు. పెరుగుతున్న లోడ్‌, డిమాండ్‌ను తీర్చడానికి జిల్లాకు తనను ప్రత్యేక అధికారిగా నియమించారని చెప్పారు. అడివెంలలోని విద్యుత్‌ సబ్‌స్టేషన్‌లో 5ఎంవీఏ పవర్‌ ట్రాన్స్‌ఫార్మర్‌పై ఓవర్‌లోడ్‌ సమస్య ఉన్నందున వెంటనే సుమారు రూ. 1.20 కోట్లతో 8ఎంవీఏ ట్రాన్స్‌ఫార్మర్‌ను మంజూరు చేస్తున్నట్లు చెప్పారు. దీనిని మంగళవారం బిగించనున్నట్లు తెలిపారు. ఈ కార్యక్రమంలో నాగారం ఏడీఈ రాములునాయక్‌, ఏఈ వాస శ్రీకాంత్‌, కాంట్రాక్టర్‌ వి. జానకిరెడ్డి, విద్యుత్‌ అధికారులు, సిబ్బంది పాల్గొన్నారు.

రామగిరి(నల్లగొండ) : ఆటలతో మానసిక ఆనందం కలుగుతుందని జిల్లా ప్రధాన ప్రధాన న్యాయమూర్తి ఎం.నాగరాజు అన్నారు. గణతంత్ర దినోత్సవం సందర్భంగా బార్‌ అసోసియేషన్‌ ఆధ్వర్యంలో నిర్వహించిన క్రీడలను సోమవారం ఆయన ప్రారంభించారు. కార్యక్రమంలో న్యాయమూర్తులు సంపూర్ణానంద్‌, దుర్గాప్రసాద్‌, విశ్వనాథ్‌ కులకర్ణి, బార్‌ అసోసియేషన్‌ అధ్యక్ష, కార్యదర్శులు సిరిగిరి వెంకట్‌రెడ్డి, గిరి లింగయ్యగౌడ్‌, క్రీడల కార్యదర్శి సూర్యచంద్రశేఖర్‌రావు, మహిళా కార్యదర్శి నాంపల్లి భాగ్య, న్యాయవాదులు నూకల నర్సింహారెడ్డి, ఎస్‌ఆర్‌.ఠాగూర్‌, ఎన్‌.భీమార్జున్‌రెడ్డి, జి.శ్రీనివాస్‌చక్రవర్తి, నజీజ్‌ఫాతిమా, సుమనశ్రీ పాల్గొన్నారు.

సాక్షి ప్రతినిధి, నల్లగొండ: నల్లగొండ పట్టణంలోని క్లాక్‌టవర్‌ సెంటర్‌లో ఈనెల 21వ తేదీన బీఆర్‌ఎస్‌ నిర్వహించ తలపెట్టిన రైతు మహాధర్నా వాయిదా పడింది. ధర్నాకు పోలీసులు అనుమతి నిరాకరించడం, దానిపై బీఆర్‌ఎస్‌ హైకోర్టును ఆశ్రయించినా అనుమతి లభించకపోవడంతో ధర్నాను వాయిదా వేసుకుంది. దాంతో ఆ కార్యక్రమానికి హాజరుకావాల్సిన మాజీ మంత్రి కె.తారకరామారావు పర్యటన రద్దయింది. ధర్నాపై ఉదయం నుంచి ఉత్కంఠ రాష్ట్ర ప్రభుత్వం రైతులకు ఇచ్చిన హామీలు అమలు చేయకుండా మభ్యపెడుతోందని ఆరోపిస్తూ బీఆర్‌ఎస్‌ నల్లగొండ పట్టణంలో మహా ధర్నా చేపట్టాలని నిర్ణయించింది. రైతు భరోసాను రూ.15 వేల నుంచి రూ.12 వేలకు కుదించడం, రూ.4 వేల పింఛన్‌, మహిళలకు రూ.2500, విద్యార్థినులకు స్కూటీలు వంటి పథకాలను అమలు చేయడం లేదని, వాటిపై ప్రభుత్వ తీరును ఎండగడతామంటూ బీఆర్‌ఎస్‌ ఈ మహాధర్నాను తలపెట్టింది. ఈ కార్యక్రమంలో బీఆర్‌ఎస్‌ వర్కింగ్‌ ప్రెసిడెంట్‌, మాజీ మంత్రి కేటీఆర్‌ పాల్గొనేలా ప్రణాళిక రూపొందించింది. ఇందులో భాగంగా మహాధర్నాకు అనుమతి కోసం ఈ నెల 17వ తేదీన బీఆర్‌ఎస్‌ పట్టణ అధ్యక్షుడు దేవేందర్‌ పోలీసులకు దరఖాస్తు చేశారు. దాని విషయంలో పోలీసులు వెంటనే నిర్ణయం ప్రకటించలేదు. ధర్నాకు ముందు రోజైన సోమవారం ఉదయం అనుమతి ఇవ్వడం లేదని లేఖ ఇచ్చారు. అన్ని ఏర్పాట్లు చేసుకున్నాక ధర్నాకు ఒకరోజు ముందు అనుమతి నిరాకరించడం ఏంటని బీఆర్‌ఎస్‌ శ్రేణులు మండిపడ్డాయి. ఈ విషయంపై మాజీ మంత్రి, సూర్యాపేట ఎమ్మెల్యే గుంటకండ్ల జగదీశ్‌రెడ్డి, మాజీ ఎమ్మెల్యే కంచర్ల భూపాల్‌రెడ్డి తీవ్రంగా విమర్శించారు. రాజకీయ కోణంలోనే పోలీసులు అనుమతి నిరాకరించారని మండిపడ్డారు. గ్రామసభలు ఉన్నందునే అనుమతి నిరాకరణ బీఆర్‌ఎస్‌ తలపెట్టిన రైతు మహాధర్నాకు అనుమతి నిరాకరణకు పోలీసులు పలు కారణాలను వెల్లడించారు. నల్లగొండ డీఎస్పీ పేరుతో లేఖను అందజేశారు. గడియారం సెంటర్‌లో తలపెట్టిన మహా ధర్నాకు ఉమ్మడి జిల్లా నుంచి బీఆర్‌ఎస్‌ శ్రేణులు పెద్ద ఎత్తున తరలి వస్తారన్న సమాచారం తమకు ఉందని అందులో పేర్కొన్నారు. అయితే గడియారం సెంటర్‌లో అందుకు సరిపడా స్థలం లేదని, అన్ని రోడ్లకు జంక్షన్‌ అయిన గడియారం సెంటర్‌లో తీవ్ర ట్రాఫిక్‌ సమస్య ఏర్పడే అవకాశం ఉందని పేర్కొన్నారు. పైగా అటునుంచి రాకపోకలు సాగించే వాహనాలను మళ్లించేందుకు ప్రత్యామ్నాయ మార్గాలు కూడా లేవని, పార్కింగ్‌ సమస్య ఉంటుందని పేర్కొన్నారు. మరోవైపు కొత్త రేషన్‌ కార్డులు, ఇందిరమ్మ ఇళ్లకు లబ్ధిదారుల ఎంపిక, ఇతర పథకాలకు లబ్ధిదారులు గుర్తింపు కోసం ఈ నెల 21 నుంచి 24వ తేదీ వరకు జిల్లా వ్యాప్తంగా గ్రామ సభలు జరుగుతున్నాయని, పోలీస్‌ యంత్రాంగం అంతా ఆ బందోబస్తులో ఉంటుందని వివరించారు. మరోవైపు సంక్రాంతికి వెళ్లిన ఆంధ్రా ప్రాంతానికి వెళ్లిన వారంతా హైదరాబాద్‌ వస్తున్నందున జాతీయ రహదారిపై కూడా రద్దీగా ఉంటోందని, ఈ పరిస్థితిలో మహాధర్నాకు వచ్చే జనాలతో ట్రాఫిక్‌ సమస్య ఏర్పడే అవకాశం ఉన్నందున అనుమతి ఇవ్వలేకపోతున్నట్లు లేఖలో వివరించారు. అనుమతి నిరాకరించిన పోలీసులు ఫ కోర్టును ఆశ్రయించిన గులాబీ పార్టీ ఫ తీర్పు ఈ నెల 27కు వాయిదా ఫ మాజీ మంత్రి కేటీఆర్‌ పర్యటన రద్దుహైకోర్టులో పిటిషన్‌ ధర్నాకు అనుమతి నిరాకరణ అంశంపై బీఆర్‌ఎస్‌ పార్టీ పెద్దలతో చర్చించారు. అనుమతి నిరాకరణపై బీఆర్‌ఎస్‌ నేతలు సోమవారం మధ్యాహ్నం సమయంలో హైకోర్టును ఆశ్రయించారు. ఈ నేపథ్యంలో ధర్నా ఉంటుందా లేదా? అన్న చర్చ జోరుగా సాగింది. అయితే.. పోలీసులు అనుమతి నిరాకరించిన విషయంలో ఇప్పుడే జోక్యం చేసుకోలేమని పేర్కొన్న హైకోర్టు.. ఈ కేసును ఈనెల 27వ తేదీకి వాయిదా వేసింది. దీంతో బీఆర్‌ఎస్‌ ధర్నాను వాయిదా వేసుకోవాల్సి వచ్చింది. ఈనెల 27 తరువాత కోర్టు అనుమతితో నల్లగొండ గడియారం సెంటర్‌లో మహాధర్నా నిర్వహిస్తామని మాజీ ఎమ్మెల్యే భూపాల్‌రెడ్డి ప్రకటించారు.

చౌటుప్పల్‌ : హైదరాబాద్‌ మలక్‌పేటలోని హైదరాబాద్‌ కిడ్నీ సెంటర్‌ ఆస్పత్రి వైద్యుడు డాక్టర్‌ ఎర్రబోతు విష్ణువర్ధన్‌రెడ్డి(68) సోమవారం మృతి చెందారు. యాదాద్రి భువనగిరి జిల్లా చౌటుప్పల్‌ మున్సిపాలిటీ పరిధి లోని తంగడపల్లి గ్రామానికి చెందిన ఆయన ప్రాథమిక విద్యాభ్యాసం స్థానికంగానే జరిగింది. వైద్య వృత్తిలోకి వచ్చాక సొంతంగా ఆస్పత్రి ఏర్పాటు చేసుకున్నారు. ఎంతో మంది కిడ్నీ రోగులకు వైద్య సేవలందించారు. ఆయనకు భార్య, కుమారుడు, కుమార్తె ఉన్నారు. కొంతకాలంగా అనారోగ్యంతో బాధపడుతున్న డాక్టర్‌ విష్ణువర్దన్‌రెడ్డి హైదరాబాద్‌ జూబ్లీహిల్స్‌లోని తన నివాసంలో సోమవారం ఉదయం మృతిచెందారు. గ్రామస్తులు పెద్ద సంఖ్యలో తరలివెళ్లి విష్ణువర్దన్‌రెడ్డికి నివాళులు అర్పించారు.లారీ ఢీకొట్టడంతో విరిగిన విద్యుత్‌ స్తంభం చౌటుప్పల్‌: చౌటుప్పల్‌ మున్సిపాలిటీ పరిధిలోని తంగడపల్లి గ్రామ చౌరస్తాలో ఆదివారం అర్ధరాత్రి గుర్తుతెలియని లారీ వేగంగా వచ్చి విద్యుత్‌ స్తంభాన్ని ఢీకొట్టింది. దీంతో విద్యుత్‌ స్తంభం కిందిభాగంలో విరిగిపోయింది. లారీ బలంగా ఢీకొట్టడంతో స్తంబానికి ఉన్న సర్వీస్‌ వైర్లు, కేబుల్‌ వైర్లతో పాటు ఇతర స్తంభాల నుంచి ఉన్న విద్యుత్‌ లైన్‌ తెగిపోయింది. సోమవారం ఉదయం వరకు విద్యుత్‌కు అంతరాయం ఏర్పడింది. ట్రాన్స్‌కో అధికారులు స్పందించి ప్రత్యామ్నాయంగా మరో స్తంభం ఏర్పాటు చేసి వెంటనే విద్యుత్‌ సరఫరాను పునరుద్ధరించారు. యువకుడి ఆత్మహత్యాయత్నం ● కాపాడిన పోలీసులురామన్నపేట : రామన్నపేట మండలం ఇస్కిళ్ల గ్రామానికి చెందిన ఓ యువకుడు సోమవారం రామన్నపేట నుంచి చిట్యాల రైలు మార్గంలో రైలు పట్టాలపై ఆత్మహత్య చేసుకునేందుకు వెళ్లగా.. స్థానికులు గమనించి డయల్‌ 100కు ఫోన్‌చేసి పోలీసులకు సమాచారం ఇచ్చారు. వెంటనే పెట్రోలింగ్‌ వాహనంలో పోలీసులు అక్కడికి వెళ్లి ఆ యువకుడిని అదుపులోకి తీసుకొని కౌన్సిలింగ్‌ ఇచ్చారు. గ్రామానికి తీసుకెళ్లి కుటుంబ సభ్యులకు అప్పగించారు. రోడ్డు ప్రమాదంలో తీవ్ర గాయాలుమునగాల: మునగాల మండల పరిధిలోని కృష్ణానగర్‌–బరాఖత్‌గూడెం గ్రామాల మధ్య నడిగూడెం రోడ్డుపై సోమవారం రాత్రి జరిగిన రోడ్డు ప్రమాదంలో ఓ యువకుడు తీవ్రంగా గాయపడ్డాడు. ప్రత్యక్ష సాక్షులు తెలిపిన వివరాల ప్రకారం.. బరాఖత్‌గూడెం గ్రామానికి చెందిన కర్నె నగేష్‌ జేసీబీ డ్రైవర్‌గా పనిచేస్తున్నాడు. సోమవారం రాత్రి బైక్‌పై కృష్ణానగర్‌ నుంచి స్వగ్రామం వస్తుండగా.. మార్గమధ్యలో బైక్‌ అదుపుతప్పడంతో కిందపడి తీవ్రంగా గాయపడ్డాడు. సమాచారం అందుకున్న నగేష్‌ కుటుంబ సభ్యులు హుటాహుటిన ఘటనా స్థలానికి చేరుకుని అతడిని చికిత్స నిమిత్తం 108 వాహనంలో కోదాడ ప్రభుత్వ ఆస్పత్రికి తరలించారు.

మోత్కూరు: గ్రామ పంచాయతీ వాటర్‌ ట్యాంకర్‌ అదుపుతప్పి బోల్తాపడడంతో యువకుడు మృతిచెందాడు. ఈ ఘటన మోత్కూరు మండలం రాగిబావి గ్రామంలో సోమవారం రాత్రి జరిగింది. గ్రామస్తులు తెలిపిన వివరాల ప్రకారం.. రాగిబావి గ్రామానికి చెందిన రాంపాక సోమయ్య, లక్ష్మి దంపతుల కుమారుడు ఉపేందర్‌(26)కు వివాహం కాలేదు. సోమవారం గ్రామంలో ఓ వ్యక్తి మృతిచెందగా.. అతడి అంత్యక్రియల కోసం శ్మశానవాటిక వద్దకు గ్రామ పంచాయతీ వాటర్‌ ట్యాంకర్‌ను తీసుకెళ్లారు. అంత్యక్రియల అనంతరం ఆ వాటర్‌ ట్యాంకర్‌ను ఉపేందర్‌ గ్రామంలోకి తీసుకొస్తుండగా.. మార్గమధ్యలో అదుపుతప్పి బోల్తాపడడంతో మృతిచెందాడు. ఘటనా స్థలాన్ని పోలీసులు పరిశీలించారు.

రామగిరి(నల్లగొండ): గంజాయి విక్రయంతో పాటు చోరీలకు పాల్పడుతున్న నలుగురు యువకులను పోలీసులు అరెస్ట్‌ చేశారు. ఈ కేసు వివరాలను నల్లగొండ డీఎస్పీ శివరాంరెడ్డి సోమవారం విలేకరులకు వెల్లడించారు. డీఎస్పీ తెలిపిన వివరాల ప్రకారం.. నల్లగొండ జిల్లా నాంపల్లి మండలం నామనాయక్‌ తండాకు చెందిన కొడావత్‌ విక్రమ్‌, కొండమల్లేపల్లి మండలం దంజిరాల్‌తండాకు చెందిన వడ్త్య నాగరాజు, మిర్యాలగూడ మండలం కాల్వలపల్లికి చెందిన ధనావత్‌ సందీప్‌నాయక్‌, యాదాద్రి భువనగిరి జిల్లా సంస్థాన్‌ నారాయణపురం తుంబాయితండాకు చెందిన జరుప్లా నవీన్‌కుమార్‌ కలిసి రంగారెడ్డి జిల్లా హయత్‌నగర్‌లోని బంజారా కాలనీలో ఉంటున్నారు. గంజాయికి అలవాటు పడిన వీరు నలుగురు తాళం వేసిన ఇళ్లతో పాటు వాహనాలు చోరీ చేస్తున్నారు. సోమవారం ఉదయం నార్కట్‌పల్లి సమీపంలోని మద్రాస్‌ ఫిల్టర్‌ కాఫీ సమీపంలో గంజాయి అమ్మేందుకు వచ్చారు. సమాచారం అందుకున్న నార్కట్‌పల్లి ఎస్‌ఐ క్రాంతికుమార్‌ తన సిబ్బందితో అక్కడకు వెళ్లి అనుమానాస్పదంగా కనిపించిన వీరి నలుగురిని అదుపులోకి తీసుకుని విచారించగా.. హైదరాబాద్‌లోని ధూల్‌పేటలో గంజాయి కొనుగోలు చేసి దొంగిలించిన వాహనాల్లో వచ్చి మహాత్మాగాంధీ యూనివర్సిటీ, కామినేని మెడికల్‌ కాలేజీ విద్యార్థులకు విక్రయిస్తున్నట్లు ఒప్పుకున్నారు. కొడావత్‌ విక్రమ్‌పై 20 కేసులు, వడ్త్య నాగరాజుపై 11 కేసులు, ధనావత్‌ సందీప్‌నాయక్‌పై 23 కేసులు, జరుప్లా నవీన్‌కుమార్‌పై 9 కేసులు ఉన్నట్లు డీఎస్పీ తెలిపారు. నిందితులపై నార్కట్‌పల్లి పోలీస్‌ స్టేషన్‌లో 4 కేసులు, చౌటుప్పల్‌ పీఎస్‌లో 3 కేసులు, వనస్థలిపురం పీఏస్‌లో 1 కేసు, సరూర్‌నగర్‌ పీఎస్‌లో 1 కేసులు ఉన్నాయని, వారిని అరెస్ట్‌ చేసి కోర్టులో హాజరుపర్చినట్లు డీఎస్పీ పేర్కొన్నారు. డీఎస్పీ శివరాంరెడ్డి, నార్కట్‌పల్లి సీఐ కె. నాగరాజు, ఎస్‌ఐ క్రాంతికుమార్‌, ఏఎస్‌ఐ ఆంజనేయులు, హెడ్‌ కానిస్టేబుల్‌ రాము, కానిస్టేబుళ్లు సత్యనారాయణ, అఖిల్‌, గిరిబాబు, తిరుమల్‌, శివశంకర్‌, మహేష్‌, హరిప్రసాద్‌, సాయికుమార్‌ను నల్లగొండ ఎస్పీ శరత్‌చంద్ర పవార్‌ అభినందించారు. గంజాయి కూడా విక్రయిస్తున్న నిందితులు వివరాలు వెల్లడించిన నల్లగొండ డీఎస్పీ శివరాంరెడ్డి

ఎరువులు వేసుకునే విధానంఒక్కో బొప్పాయి మొక్కకు ఒక ఏడాదికి 10 కిలోల పశువుల ఎరువు, 12 కిలోల వేపపిండి, లేదా ఆముదం పిండి, అరకిలో యూరియా, 1.6 కిలోల సింగిల్‌ సూపర్‌ఫాస్పెట్‌, 850 గ్రాముల మ్యూరేట్‌ ఆఫ్‌ పొటాష్‌ ఎరువులను రెండు నెలలకోసారి ఏడాదంతా ఆరుసార్లు వేసుకోవాలి. డ్రిప్‌ ద్వారా ఎరువులను అందించాలంటే 13.5 గ్రాముల యూరియా, 10.5 గ్రాముల మ్యూరేట్‌ ఆఫ్‌ పొటాష్‌లను వారం వ్యవధిలో 48 వారాల పాటు అందించాలి. తేలికపాటి నేలల్లో జింక్‌, ధాతు లోపాలు ఎక్కువ కనిపిస్తుంటాయి. వీటి నివారణకు లీటర్‌ నీటికి ఒక గ్రాము బోరాక్స్‌, 2 గ్రాముల జింక్‌ సల్ఫేట్‌ను కలిపి పిచికారీ చేయాలి. పెద్దవూర: సరైన నీటి వసతి ఉంటే అన్ని కాలాలు బొప్పాయి సాగు అనుకూలమని, బొప్పాయి సాగుతో మంచి ఆదాయం ఆర్జించవచ్చని ఉద్యానవన శాఖ అధికారి మురళి పేర్కొన్నారు. బొప్పాయి సాగు గురించిన సలహాలు, సూచనలు ఆయన మాటల్లోనే.. ● అనుకూలమైన నేలలు : నీటి నిల్వ సారవంతమైన తేలికపాటి నల్లరేగడి నేలలు, ఎర్రగరప నేలలు బొప్పాయి సాగుకు అనుకూలంగా ఉంటాయి. నీరు నిలిచే నేలలు, చౌడు, ఆమ్ల నేలలు పనికిరావు. ● బొప్పాయి రకాలు : ఏక లింగాశ్రయ, ద్విలింగాశ్రయ జాతి. వీటిలో ఆడ, మగ పుష్పాలు వేర్వేరుగా పూసే మొక్కలు ఉంటాయి. వీటిలో వాషింగ్టన్‌, సోలో, పూసా డెలీషియస్‌, పూసా జెయింట్‌, రైజ్‌ సోలో, సూర్య, కో–రకంలో 1,2,3,4,5,6,7 అనే రకాలు ఉన్నాయి. ● విత్తనాల ప్రవర్థనం(అభివృద్ధి) : బొప్పాయి పండు నుంచి తీసి ఆరబెట్టిన విత్తనాలను 45 రోజుల్లోగా విత్తుకోవాలి. హైబ్రీడ్‌ రకాల నుంచి తీసిన విత్తనాలను ప్రవర్థనానికి వినియోగించరాదు. ● విత్తుకునే విధానం : ఎకరానికి 200 గ్రాముల వరకు విత్తనాలు సరిపోతాయి. విత్తనాలను తగినంత 150 గేజ్‌ మందం కలిగిన పాలిథిన్‌ సంచుల్లో పశువుల ఎరువు, ఇసుక కలిపిన మట్టితో కలిపి నాటాలి. ● నీటిని అందించే విధానం : మొక్కల మొదళ్ల వద్ద నీరు తగలకుండా, నీరు నిల్వ ఉండకుండా పిల్ల పాదులు తయారు చేసి నీటిని పారించాలి. డ్రిప్‌ ద్వారా అయితే చిన్న మొక్కలకు రెండ్రోజులకు ఒకసారి ఎనిమిది లీటర్ల నీటిని, పెద్ద మొక్కలకు వేసవిలో ప్రతిరోజు 20 నుంచి 25 లీటర్ల నీటిని అందించే విధంగా ఏర్పాట్లు చేసుకోవాలి. వర్షాకాలంలో అయితే అవసరాన్ని బట్టి నీటి తడులు అందించాలి. ● నాటుకునే విధానం : భూమిని తగినంత తడి ఉన్నప్పుడు 30–40 సెంటీమీటర్ల లోతుగా మెత్తగా దున్నుకోవాలి. మొక్కల మధ్య ఎటుచూసినా 1.8 మీటర్ల దూరం ఉండేలా తగినంత గుంతలు తీసి సిద్ధం చేసుకోవాలి. ప్రతీ గుంతలో 5 కిలోల పశువుల ఎరువు, కిలో వేపపిండి, 20 గ్రాముల అజోస్పెరిల్లం, 20 గ్రాముల ఫాస్పో బాక్టీరియా వేసి బాగా కలిపి గుంతలను నింపాలి. అనంతరం 45 నుంచి 60 రోజులు కలిగిన బొప్పాయి మొక్కలను సాయంత్రం పూట మాత్రమే గుంతల్లో నాటుకోవాలి. ● తెగుళ్లు – నివారణ చర్యలు1. కాండం మొదలు కుళ్లు తెగులు : బొప్పాయి చెట్లకు ఈ తెగులు సోకితే వేర్లు, మొదలు మెత్తగా మారి కుళ్లిపోతాయి. ఈ తెగులు కాయలు కలిగిన బొప్పాయి చెట్లను ఆశించి తీవ్ర నష్టాన్ని కలిగిస్తాయి. ఈ తెగులు నివారణకు మొక్కల మొదళ్ల వద్ద నీరు నిల్వ ఉండకుండా జాగ్రత్తలు పాటించాలి. లీటర్‌ నీటికి 2 గ్రాములు అలియేట్‌ కలిపి మొదలు తడపాలి. వారం వ్యవధిలో రెండు నుంచి మూడసార్లు తడపాలి. 2. బూడిద తెగులు : బొప్పాయి ఆకులపై, లేత చిగుళ్లపై కాండంపైన తెల్లటి బూడిదలాంటి శిలీంధ్రం ఏర్పడుతుంది. దీని నివారణకు లీటర్‌ నీటికి 2 మి.లీ. నీటిని కలిపి పిచికారీ చేయాలి. 3. ఆకుమచ్చ తెగులు : బొప్పాయి ఆకులపై గోధుమ వర్ణపు మచ్చలు ఏర్పడి ఆకులు పసుపురంగుకు మారి ఎండిపోతాయి. వీని నివారణకు క్లోరోథాలోనిన్‌ 2 గ్రాములు కలిపి పక్షం రోజుల వ్యవధిలో రెండుసార్లు పిచికారీ చేయాలి. 4. కాండం కుళ్లు తెగులు : బొప్పాయి చెట్ల కాండం మొదలు కుళ్లిపోయి జిగురు లాంటి ద్రవం కారుతుంది. దీంతో చెట్లు వాలిపోతాయి. దీని నివారణకు కిలో ట్రైకోడెర్మా విరిడి శిలీంధ్రంతో పాటు 90 కిలోల పశువుల ఎరువు, 10 కిలోల వేపపిండి, ఒక కిలో బెల్లం నీటిని 10 రోజుల పాటు మండె కట్టి చెట్ల పాదుల్లో వేసుకోవాలి. 5. ఆకుముడత తెగులు : ఈ తెగులు కారణంగా ఆకులన్నీ ముడుచుకుపోతాయి. కాయల ఆకారం వంకరటింకరగా మారుతాయి. దీంతో సాగుబడి తగ్గిపోతుంది. అంతర్వాహిక కీటక నాశనులను ఉపయోగించి వైరస్‌ ద్వారా సంభవించు తెగుళ్లను అరికట్టవచ్చు. 6. పండు ఈగ తెగులు : పక్వానికి వచ్చిన కాయలను ఆశించి తీవ్ర నష్టాన్ని కలిగిస్తాయి. కాయలోని గుజ్జును తినివేయడం వలన కాయలు మెత్తబడి కుళ్లిపోతాయి. దీని నివారణకు బొప్పాయి తోటలను ఎప్పటికప్పుడు శుభ్రంగా ఉంచుకోవాలి. చెట్లకింద పడిపోయిన పండ్లను ఏరి నాశనం చేయాలి. లీటర్‌ నీటికి ఒక మిల్లీలీటర్‌ మిథైల్‌యూజినాల్‌, 2 గ్రాముల కార్బోప్యూరాన్‌లను కలిపి పొలంలో అక్కడక్కడా వేసుకోవాలి. ● కోత విధానం : బొప్పాయి మొక్కలను నాటిన 9వ నెల నుంచి రెండున్నరేళ్లలో కాపుకు వస్తుంది. ఎకరానికి సుమారు 25 నుంచి 30 టన్నుల వరకు దిగుబడి వస్తుంది. బాగున్న కాయలను చెట్లపై మాగనీయరాదు. భారీ పరిమాణం గల బొప్పాయి కాయలను కోసి న్యూస్‌ పేపర్లలో చుట్టి మార్కెట్‌కు తరలించాలి.

భువనగిరిటౌన్‌: సేవాలాల్‌ జయంతిని సెలవురోజుగా ప్రకటించాలని లంబాడీ హక్కుల పోరాట సమితి రాష్ట్ర కార్యదర్శి ధీరావత్‌ రాజేష్‌నాయక్‌ డిమాండ్‌ చేశారు. లంబాడీ హక్కుల పోరాట సమితి ఆధ్వర్యంలో రూపొందించిన నూతన సంవత్సర క్యాలెండర్‌ను సోమవారం భువనగిరి పట్టణంలో ఆవిష్కరించారు. ఈ సందర్భంగా ఆయన మాట్లాడుతూ.. ‘గోర్‌ బోలి’ని లంబాడీ భాషగా గుర్తించాలన్నారు. లంబాడీల భాష ‘గోర్‌ బోలి’ని రాజ్యాంగంలోని 8వ షెడ్యూల్‌ లో చేర్చాలన్నారు. ఈ కార్యక్రమంలో సంఘం జిల్లా అధ్యక్షుడు ధరావత్‌ రాజునాయక్‌, రాష్ట్ర ఉపాధ్యక్షుడు రాములునాయక్‌, పట్టణ అధ్యక్షుడు మోహన్‌నాయక్‌, ఉద్యోగాల సంఘం జిల్లా నాయకులు నరసింహనాయక్‌, జిల్లా నాయకులు, దేవేందర్‌నాయక్‌, గుగులోత్‌ హచ్చునాయక్‌, నాగేశ్వర్‌నాయక్‌ పాల్గొన్నారు.

యాదగిరిగుట్ట: యాదగిరి శ్రీలక్ష్మీనరసింహస్వామి ఆలయంలో హుండీ ఆదాయం రూ.4,17,13,596 వచ్చినట్లు ఆలయ ఈవో భాస్కర్‌రావు వెల్లడించారు. హుండీల్లోని నగదు, నగలును సోమవారం కొండకు దిగువన శ్రీసత్యనారాయణస్వామి వ్రత మండపంలో అధికారులు, సిబ్బంది లెక్కించారు. ఇందులో నగదు రూ.4,17,13,596 రాగా, మిశ్రమ బంగారం 228 గ్రాములు, మిశ్రమ వెండి 7కిలోల 50 గ్రాములు వచ్చినట్లు ఈవో పేర్కొన్నారు. అంతేకాకుండా అమెరికా, ఆస్ట్రేలియా, ఇంగ్లాండ్‌, యూఏఈ, నేపాల్‌, సౌదీ అరేబియా, సింగపూర్‌, ఖతార్‌, ఒమాన్‌, కెనడా, మలేషియా, బంగ్లాదేశ్‌, ఫిలిప్పీన్స్‌, శ్రీలంక, జార్జియా, థాయిలాండ్‌, ఇండోనేషియా తదితర దేశాలకు చెందిన కరెన్సీ వచ్చినట్లు తెలిపారు. ఈ ఆదాయం 47 రోజులదని చెప్పారు. 47 రోజులకు రూ.4.17కోట్లు

సూర్యాపేటటౌన్‌ : గురుకుల పాఠశాల హాస్టల్‌లో ఉరేసుకుని విద్యార్థిని ఆత్మహత్యాయత్నానికి పాల్పడింది. ఈ ఘటన సోమవారం సూర్యాపేట జిల్లా కేంద్రంలో జరిగింది. పోలీసులు తెలిపిన వివరాల ప్రకారం.. మద్దిరాల మండలానికి కేటాయించిన మహాత్మా జ్యోతిరావు పూలే బాలికల గురుకుల పాఠశాలను సూర్యాపేట జిల్లా కేంద్రంలో నిర్వహిస్తున్నారు. ఈ పాఠశాలలో బీబీగూడేనికి చెందిన హర్షిత తొమ్మిదో తరగతి చదువుతోంది. సంక్రాంతి సెలవులకు ఊరెళ్లిన హర్షితను సోమవారం ఉదయం ఆమె తల్లిదండ్రులు తిరిగి పాఠశాలకు తీసుకొచ్చి వదిలిపెట్టారు. పాఠశాలలోకి వచ్చిన అనంతరం తన లగేజ్‌ బ్యాగులను హాస్టల్‌ రూంలో ఉంచిన హర్షిత చున్నీతో ఫ్యాన్‌కు ఉరేసుకుని ఆత్మహత్యాయత్నం చేసింది. తోటి విద్యార్థులు గమనించి హాస్టల్‌ సిబ్బందికి సమాచారం అందించారు. హాస్టల్‌ సిబ్బంది హుటాహుటిన హర్షితను సూర్యాపేట ప్రభుత్వ జనరల్‌ ఆస్పత్రికి తరలించారు. సంక్రాంతి సెలవులు ముగియడంతో హర్షితను పాఠశాలకు రావాల్సిందిగా ఆమె తల్లిదండ్రులకు పాఠశాల సిబ్బంది ఫోన్‌ చేశారని, పాఠశాలకు పంపిన కొద్ది సమయంలోనే ఆత్మహత్యాయత్నం చేయడంతో కుటుంబ సభ్యులు పలు అనుమానాలు వ్యక్తం చేస్తున్నారు. ఈ ఘటనకు పాఠశాల ప్రిన్సిపాల్‌ వేధింపులే కారణమని, దీనిపై విచారణ చేయాలని హర్షిత తల్లిదండ్రులు వల్లపు సైదులు, సరిత డిమాండ్‌ చేస్తున్నారు. అయితే హర్షిత అనారోగ్య సమస్యలతోనే ఆత్మహత్యాయత్నానికి పాల్పడి ఉండొచ్చని పాఠశాల ప్రిన్సిపాల్‌ జ్యోతి తెలిపారు. ఆమె హాజరుశాతం కూడా తక్కువగా ఉంటుందని ప్రిన్సిపాల్‌ చెప్పారు. విద్యార్థిని పాఠశాలలో సిబ్బంది ఎవరూ ఇబ్బంది పెట్టలేదన్నారు. ఈ ఘటనపై ఎలాంటి ఫిర్యాదు అందలేదని పోలీసుతెలిపారు. ఆత్మహత్యాయత్నానికి గల పూర్తి వివరాలు తెలియాల్సి ఉంది.

● 14 తులాల బంగారు ఆభరణాలు, నగదు ఎత్తుకెళ్లిన దొంగలునల్లగొండ: తాళం వేసిన ఇంట్లో గుర్తుతెలియని వ్యక్తులు చోరీకి పాల్పడ్డారు. ఈ ఘటన నల్లగొండ పట్టణంలోని ఆర్టీసీ కాలనీలో సోమవారం వెలుగులోకి వచ్చింది. టూటౌన్‌ ఎస్‌ఐ రావుల నాగరాజు తెలిపిన వివరాల ప్రకారం.. ఆర్టీసీ కాలనీలో నివాసముంటున్న బీఎస్‌ఎన్‌ఎల్‌ రిటైర్డ్‌ సూపరింటెండెంట్‌ మేకల ప్రసాద్‌ కుమార్తె అమెరికాలో, కుమారుడు ఢిల్లీలో స్థిరపడ్డారు. సంక్రాంతి పండుగకు ప్రసాద్‌ కుమార్తె అమెరికా నుంచి నల్లగొండకు వచ్చింది. పండుగ తర్వాత ఈ నెల 17న కుమార్తె తిరిగి అమెరికాకు వెళ్తుండడంతో ఆమెను శంషాబాద్‌ ఎయిర్‌పోర్టులో దించేందుకు ప్రసాద్‌ కుటుంబ సభ్యులు ఇంటికి తాళం వేసి వెళ్లారు. కుమార్తెను ఎయిర్‌పోర్టులో దించిన అనంతరం రెండు రోజులు హైదరాబాద్‌లోనే తమ బంధువుల ఇంట్లో ప్రసాద్‌ కుటుంబ సభ్యులు ఉన్నారు. సోమవారం వారు నల్లగొండలోని ఇంటికి వచ్చేసరికి తాళాలు పగులగొట్టి, తలుపులు తెరిచి ఉండటంతో లోపలికి వెళ్లి చూడగా.. 14 తులాల బంగారు ఆభరణాలు, కొంత నగదు చోరీకి గురైనట్లు గుర్తించారు. దీంతో ప్రసాద్‌ పోలీసులకు ఫిర్యాదు చేశారు. పోలీసులు క్లూస్‌ టీంలతో వచ్చి వేలిముద్రలు సేకరించారు. ఘటన స్థలాన్ని డీఎస్పీ శివరాంరెడ్డి, సీఐ రాఘవరావు పరిశీలించారు. ఈ మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ తెలిపారు.

మునగాల: సూర్యాపేట పట్టణంలోని కొత్త వ్యవసాయ మార్కెట్‌ కమిటీ ఆవరణలో మంగళవారం అండర్‌–11, 14, 17 విభాగాల్లో ఉమ్మడి జిల్లా స్థాయి స్కేటింగ్‌ పోటీలు నిర్వహించనున్నట్లు స్కూల్‌ గేమ్స్‌ ఫెడరేషన్‌ జిల్లా ఆర్గనైజింగ్‌ సెక్రటరీ ఎండీ ఆజాంబాబా సోమవారం మునగాలలో ఒక ప్రకటనలో పేర్కొన్నారు. ఈ పోటీల్లో పాల్గొనాలనుకునే క్రీడాకారులు తాము చదువుతున్న పాఠశాల ప్రధానోపాధ్యాయుడి సంతకంతో కూడిన బోనఫైడ్‌ సర్టిఫికెట్‌తో ఉదయం 9గంటలకు హాజరుకావాలని సూచించారు. చికిత్స పొందుతూ బాలిక మృతిరాజాపేట: విష పురుగు కరవడంతో అనారోగ్యానికి గురైన బాలిక ఆస్పత్రిలో చికిత్స పొందుతూ ఆది వారం రాత్రి మృతిచెందింది. ఈ ఘటన రాజాపేట మండలం నెమిల గ్రామంలో జరిగింది. గ్రామస్తులు తెలిపిన వివరాల ప్రకారం.. నెమిల గ్రామానికి చెందిన వేముల మహేందర్‌గౌడ్‌, లలిత దంపతులకు ముగ్గురు కుమార్తెలు సంతానం. చిన్న కుమార్తె కావ్య స్థానిక జిల్లా పరిషత్‌ ఉన్నత పాఠశాలలో 10వ తరగతి చదువుతోంది. శుక్రవారం మధ్యాహ్నం గ్రామ శివారులోని వ్యవసాయ బావుల వద్దకు రేగుపండ్ల కోసం చిన్న బాబుతో కలిసి కావ్య వెళ్లింది. చెట్టు కింద పడ్డ రేగుపండ్లు తీస్తున్న క్రమంలో కావ్య చేతికి విషపురుగు కరిచింది. కావ్య గమనించకుండా చేతికి ముళ్లు కుచ్చుకుందేమో అని అనుకుంది. ఇంటికి వెళ్లాక రాత్రి 7గంటల సమయంలో తనకు వాంతి వస్తుందని తల్లితో కావ్య చెప్పడతో స్థానికంగా చికిత్స చేయించారు. శనివారం తెల్లవారుజామున కావ్య నోటి నుంచి నురగలు వస్తుండటంతో తల్లిదండ్రులు ఆమెను రాజా పేట మండల కేంద్రంలోని ఓ ప్రైవేట్‌ ఆస్పత్రికి తీసుకెళ్లారు. పరిస్థితి విషమించడంతో మొదట భువనగరికి అక్కడి నుంచి హైదరాబాద్‌లోని యశోద ఆస్పత్రికి తరలించగా.. చికిత్స పొందుతూ ఆదివారం రాత్రి మృతిచెందింది.గ్యాస్‌ సిలిండర్‌ పేలి ఇల్లు దగ్ధంమోత్కూరు : ప్రమాదవశాత్తు గ్యాస్‌ సిలిండర్‌ పేలి ఇల్లు దగ్ధమైంది. ఈ ఘటన మోత్కూరు మున్సిపల్‌ కేంద్రంలో ఆదివారం అర్ధరాత్రి జరిగింది. బాధితురాలు తెలిపిన వివరాల ప్రకారం.. మోత్కూరు మున్సిపల్‌ కేంద్రంలోని శ్రీఆంజనేయస్వామి ఆలయ సమీపంలో రేకుల ఇంట్లో మెండె అండాలు నివాసముంటోంది. ఇంట్లో ఒంటరిగా ఉంటున్న ఆమె ఆదివారం రాత్రి తన కుమారుడి ఇంట్లో నిద్రించేందుకు వెళ్లింది. ఈ క్రమంలో అర్ధరాత్రి వేళఅండాలు ఇంట్లోని గ్యాస్‌ సిలిండర్‌ పేలడంతో ఇల్లు కూలిపోయి వస్తువులన్నీ కాలిపోయాయి. కూలి పనిచేసి దాచుకున్న రూ.18 వేల నగదు, తులంన్నర బంగారం మంటల్లో కాలిపోయాయని బాధితురాలు పేర్కొంది. ఫైర్‌ ఇంజన్‌ సిబ్బంది వచ్చి మంటలు చల్లార్చినప్పటికీ అప్పటికే ఇల్లు మొత్తం కాలిబూడిదయ్యింది. శిలాఫలకం ధ్వంసం చేసిన వ్యక్తిపై కేసు నమోదుఅడ్డగూడూరు: మండలంలోని ధర్మారం గ్రామానికి చెందిన మందుల శ్రీకాంత్‌ అదే గ్రామంలో అంగన్‌వాడీ భవన నిర్మాణం కోసం ఏర్పాటు చేసిన శిలాఫలకాన్ని ఆదివారం బైక్‌తో ధ్వంసం చేశాడు. దీంతో అతడిపై సోమవారం కేసు నమోదు చేసినట్లు ఎస్‌ఐ నాగరాజు తెలిపారు.

రామన్నపేట: చేనేత వస్త్రాలకు ప్రాచుర్యం కల్పించాలనే ఉద్దేశంతో ప్రభుత్వ అధికారులు, ఉద్యోగులు వారంలో ఒకరోజు చేనేత వస్త్రాలు ధరించాలనే నిబంధన ఉంది. దీనిని అనుసరిస్తూ రామన్నపేట తహసీల్దార్‌గా విధులు నిర్వహిస్తున్న చిలుకూరి లాల్‌బహదూర్‌శాస్త్రి నిత్యం చేనేత వస్త్రాలు ధరించి విధులకు హాజరవుతూ చేనతకు బ్రాండ్‌ అంబాసిడర్‌ నిలుస్తున్నారు. చేనేత కుటుంబం నుంచి వచ్చిన తనకు చేనేత వస్త్రాలు ధరించడమంటే చాలా ఇష్టమని తెలిపారు. సిరిపురం, వెల్లంకి గ్రామాల్లో చేనేత కార్మికులు తయారుచేసిన క్లాత్‌ కొని ఇరవైకి పైగా చొక్కాలు కుట్టించుకున్నట్లు ఆయన పేర్కొన్నారు. దేశ నాయకుల పేర్లు పెట్టిన తండ్రితహసీల్దార్‌ లాల్‌బహదూర్‌శాస్త్రి స్వస్థలం దేవరకొండ టౌన్‌ కాగా.. ఆయన తండ్రి చిలుకూరి విశ్వం, తల్లి రంగమ్మ దంపతులకు ఆరుగురు సంతానం. ప్రభుత్వ ఉపాధ్యాయుడైన తన తండ్రికి దేశభక్తి భావాలు ఎక్కువని, భారత మొదటి ప్రధాని జవహర్‌లాల్‌ నెహ్రూ మృతిచెందినప్పుడు తన అన్న జన్మించడంతో ఆయనకు జవహర్‌లాల్‌ నెహ్రూ అని, రెండో ప్రధాని లాల్‌బహదూర్‌శాస్త్రి మృతిచెందినప్పుడు తాను జన్మించడంతో తనకు లాల్‌బహదూర్‌శాస్త్రి అని పేరు పెట్టినట్లు ఆయన చెప్పారు. నిత్యం చేనేత వస్త్రాలు ధరించి విధులకు హాజరు ఈయన పేరు లాల్‌బహదూర్‌శాస్త్రి అన్న పేరు జవహర్‌లాల్‌ నెహ్రూ

మఠంపల్లి : మట్టపల్లి దేవాలయంలో శ్రీరాజ్యలక్ష్మి చెంచులక్ష్మి సమేత శ్రీలక్ష్మీనరసింహస్వామి నిత్యకల్యాణాన్ని అర్చకులు సోమవారం వైభవంగా నిర్వహించారు. ఈ సందర్భంగా ఆలయంలో సుప్రభాతసేవ, నిత్యహోమం, మూలవిరాట్‌కు పంచామృతాభిషేకం నిర్వహించారు. అదేవిధంగా స్వామి, అమ్మవార్లను నూతన పట్టువస్త్రాలతో అందంగా అలంకరించి ఎదుర్కోళ్ల మహోత్సవ సంవాదం రమ్యంగా రక్తికట్టించారు. కల్యాణ వేడుకలో భాగంగా విష్వక్సేనారాధన, పుణ్యాహవచనం, రక్షాబంధనం, రుత్విగ్వరణం, మధుఫర్కపూజ, మాంగళ్య్యధారణ, తలంబ్రాల మహోత్సవం నిర్వహించారు. అనంతరం కల్యాణంలో పాల్గొన్న భక్తులకు తీర్థ ప్రసాదాలు పంపిణీ చేశారు. ఈ కార్యక్రమంలో ఆలయ అనువంశిక ధర్మకర్తలు చెన్నూరు విజయ్‌కుమార్‌, మట్టపల్లిరావు, ఈఓ నవీన్‌కుమార్‌, అర్చకులు రామాచార్యులు, పద్మనాభాచార్యులు, ఫణిభూషణ మంగాచార్యులు, లక్ష్మీనరసింహమూర్తి, భక్తులు తదితరులు పాల్గొన్నారు.

వలిగొండ: వలిగొండ మండలం టేకులసోమారం గ్రామ పంచాయతీ పరిధిలోని పనుమటివారిగూడెంలో ఓ ఇంట్లో అక్రమంగా నిల్వ చేసిన సుమారు 100 క్వింటాళ్ల రేషన్‌ బియ్యాన్ని పౌరసరఫరాల శాఖ అధికారులు సోమవారం పట్టుకుని సీజ్‌ చేశారు. పౌరసరఫరాల శాఖ అధికారులు తెలిపిన వివరాల ప్రకారం.. పనుమటివారిగూడేనికి చెందిన కిరాణా వ్యాపారి కొడితాల వెంకటేశం చుట్టుపక్కల గ్రామాల నుంచి తక్కువ ధరకు రేషన్‌ బియ్యాన్ని సేకరించి తన ఇంట్లో నిల్వ చేశాడు. విశ్వసనీయ సమాచారం మేరకు పౌరసరఫరాల శాఖ అధికారి బాలమణిలా ఆధ్వర్యంలో సోమవారం వెంకటేశం ఇంటిపై దాడులు చేసి సుమారు 100 క్విటాళ్ల రేషన్‌ బియ్యాన్ని సీజ్‌ చేశారు. పౌరసరఫరాల శాఖ అధికారులు ఇచ్చిన ఫిర్యాదు మేరకు వెంకటేశంపై కేసు నమోదు చేసి విచారణ చేస్తున్నట్లు ఎస్‌ఐ యుగంధర్‌ తెలిపారు.

చిట్యాల: సంక్రాంతి పండుగకు స్వగ్రామానికి వెళ్లి తిరిగి హైదరాబాద్‌కు వస్తున్న యువకుడు రోడ్డు ప్రమాదంలో మృతిచెందాడు. ఈ ఘటన విజయవాడ–హైదరాబాద్‌ జాతీయ రహదారిపై చిట్యాల మండలం వెలిమినేడు గ్రామ శివారులో సోమవారం జరిగింది. చిట్యాల పోలీసులు తెలిపిన వివరాల ప్రకారం.. ఆంద్రప్రదేశ్‌ రాష్ట్రం ఏలూరు జిల్లా ముసునూరు మండలం చిల్లబోయినపల్లి గ్రామానికి చెందిన జువ్వనపూడి విక్రమ్‌(26) కొంతకాలంగా హైదరాబాద్‌లో ఉంటూ ప్రైవేట్‌ ఉద్యోగం చేస్తున్నాడు. సంక్రాంతి పండుగకు స్వగ్రామానికి వెళ్లిన విక్రమ్‌ సోమవారం బైక్‌పై తిరిగి హైదరాబాద్‌కు పయణమయ్యాడు. మార్గమధ్యలో చిట్యాల మండలం వెలిమినేడు గ్రామ శివారులో జాతీయ రహదారిపై రాంగ్‌ రూట్‌లో వచ్చిన బొలేరో వాహనం బైక్‌ను ఢీకొట్టింది. ఈ ప్రమాదంలో విక్రమ్‌ తలకు తీవ్ర గాయాలై అక్కడికక్కడే మృతిచెందాడు. మృతదేహాన్ని పోస్టుమార్టం నిమిత్తం నల్లగొండలోని ప్రభుత్వ ఆస్పత్రికి తరలించామని, మృతుడి సోదరి విజయలక్ష్మి ఇచ్చిన ఫిర్యాదు మేరకు కేసు నమోదు చేసినట్లు చిట్యాల ఎస్‌ఐ ధర్మా తెలిపారు. రోడ్డు ప్రమాదంలో యువకుడి దుర్మరణం

మోత్కూరు: సీఎం రేవంత్‌రెడ్డి తనపై వస్తున్న అసంతృప్తిని కప్పి పుచ్చుకోవడానికి కమీషన్ల కోసం ఒక్కో ఎమ్మెల్యేకు రూ.5 కోట్ల మేర పనులను ఆఫర్‌ ఇచ్చారని తుంగతుర్తి మాజీ ఎమ్మెల్యే గాదరి కిషోర్‌కుమార్‌ ఆరోపించారు. ఆదివారం మోత్కూరులో ఏర్పాటు చేసిన విలేకరుల సమావేశంలో ఆయన మాట్లాడారు. ప్రభుత్వంలో ఆరు మంత్రి పదవులు ఖాళీగా ఉన్నా భర్తీ చేయలేని అసమర్థ సీఎం రేవంత్‌రెడ్డి అని విమర్శించారు. ఆరు గ్యారంటీలు అమలు చేయాలని ప్రశ్నిస్తే పోలీస్‌ కేసుల బనాయింపు, అక్రమ అరెస్టులు, నిర్బంధాలు చేస్తున్నారని మండిపడ్డారు. కేసీఆర్‌, కేటీఆర్‌ను తిట్టడమే ధ్యేయంగా రేవంత్‌రెడ్డి పని చేస్తున్నారన్నారు. ఈ ఫార్ములా అక్రమ కేసు బనాయించి కేటీఆర్‌ను అరెస్టు చేయాలనే కుట్ర చేస్తున్నారని ఆరోపించారు. ఇప్పటి వరకు తుంగతుర్తి నియోజకవర్గంలో ఏ ఒక్క పైసా అభివృద్ధి పనులు చేయలేదన్నారు. తన హయాంలో జరిగిన అభివృద్ధి, మంజూరు పనులను తిరిగి కొబ్బరికాయ కొట్టి ప్రారంభిస్తున్నారని, శంకుస్థాపనలు చేస్తున్నారన్నారు. ఈ నెల 21న నల్లగొండలో జరిగే రైతు మహా ధర్నాకు రైతులు, పార్టీ శ్రేణులు పెద్దఎత్తున తరలివచ్చి జయప్రదం చేయాలని కోరారు. సమావేశంలో మదర్‌ డెయిరీ డైరెక్టర్‌ రచ్చ లక్ష్మినర్సింహారెడ్డి, మార్కెట్‌ కమిటీ మాజీ చైర్మన్లు తీపిరెడ్డి మేఘారెడ్డి, కొణతం యాకూబ్‌రెడ్డి, చిప్పలపల్లి మహేంద్రనాథ్‌, బీఆర్‌ఎస్‌ మండల అధ్యక్షులు పొన్నబోయిన రమేష్‌, కె.ప్రభాకర్‌రెడ్డి, పట్టణ అధ్యక్షులు జంగ శ్రీను, కార్యదర్శి గజ్జి మల్లేషం, నాయకులు బయ్యని పిచ్చయ్య, సోంమల్లు, సత్యం గౌడ్‌, దాసరి తిరుమలేష్‌, బుషిపాక లక్ష్మి, దబ్బెటి శైలజ, ఇంద్రజ్యోతి పాల్గొన్నారు. మాజీ ఎమ్మెల్యే గాదరి కిషోర్‌కుమార్‌