ఉత్తర ప్రదేశ్‌లో ముగిసిన ఆరో దశ పోలింగ్‌

ఉత్తర్ ప్రదేశ్‌లో ఆరో విడత పోలింగ్ ప్రశాంతంగా ముగిసింది. ఈ మేరకు సాయంత్రం ఆరు గంటల వరకు ఓటర్లు పోలింగ్ కేంద్రాల వద్దకు చేరుకుని తమ ఓటు హక్కును వినియోగించుకున్నారు. 

ఉత్తర ప్రదేశ్‌లో ఆరో విడత ఎన్నికల్లో సాయంత్రం అయిదు గంటల వరకు 53.31శాతం పోలింగ్‌ నమోదైంది. కాగా ప్రపంచంలో ఏ పార్టీ కూడా బీజేపీ చెప్పినన్నీ అబద్ధాలు చెప్పదని సమాజ్‌వాదీ పార్టీ అధ్యక్షుడు అఖిలేష్ యాదవ్ ధ్వజమెత్తారు. గత ఐదేళ్లలో యువత ఉద్యోగాల కోసం ఎదురుచూస్తూనే ఉన్నారని, మరోవైపు బీజేపీ మాత్రం దేశంలో అన్ని ప్రభుత్వ ఆస్తులను అమ్ముకుంటూనే పోతుందని మండిపడ్డారు.

ఉత్తరప్రదేశ్ ముఖ్యమంత్రి యోగి ఆదిత్యనాథ్ గురువారం ఆరో దశ ఎన్నికల సందర్భంగా గోరఖ్‌పూర్‌లోని ఓ బూత్‌లో ఓటు హక్కు వినియోగించుకున్నారు.

ఉత్తర ప్రదేశ్‌లోని 10 జిల్లాల్లో జరుగుతున్న ఆరవ దశ పోలింగ్‌లో మధ్యాహ్నం 3 గంటల వరకు 46.70% మంది ఓటర్లు తమ ఓటు హక్కును వినియోగించుకున్నారు.

#UttarPradeshElections | 46.70% voters turnout recorded till 3 pm during ongoing polling across 10 districts in the sixth phase. pic.twitter.com/Z56Umw26Yy

— ANI UP/Uttarakhand (@ANINewsUP) March 3, 2022

ఉత్తర ప్రదేశ్‌లో మధ్యాహ్నం 1 గంట వరకు 36.33% ఓటింగ్ నమోదైంది.యూపీలో 10 జిల్లాల్లోని 57 స్థానాలకు ఆరో దశలో పోలింగ్ జరుగుతోంది.

#UttarPradeshElections | 36.33% voters turnout recorded till 1 pm during ongoing polling across 10 districts in the sixth phase pic.twitter.com/Q61Cmk3Oia

— ANI UP/Uttarakhand (@ANINewsUP) March 3, 2022

ఉత్తర ప్రదేశ్‌ అసెంబ్లీ ఎన్నికల ఆరో దశ పోలింగ్‌ కొనసాగుతోంది. భారీగా ఓటర్లు తమ ఓటు హక్కును వినియోగించుకుంటున్నారు. ఉదయం 11 గంటల వరకు 21.79 శాతం పోలింగ్‌ నమోదైనట్లు ఎన్నికల అధికారులు వెల్లడించారు.

#UttarPradeshAssemblyElections | 21.79% voter turnout recorded till 11 am during ongoing polling across 10 districts in the sixth phase pic.twitter.com/qtI8yml7D1

— ANI UP/Uttarakhand (@ANINewsUP) March 3, 2022

ఉత్తర ప్రదేశ్‌ అసెంబ్లీ ఎన్నికల ఆరో దశ పోలింగ్‌ కొనసాగుతోంది. ఓటర్లు తమ ఓటు హక్కు వినియోగించుకోవడానికి తరలివస్తున్నారు. 57 నియోజకవర్గాల్లో పోలింగ్‌ జరుగుతోంది. ఉదయం 9 గంటల వరకు 8.69 శాతం పోలింగ్‌ నమోదైనట్లు ఎ‍న్నికల అధికారులు వెల్లడించారు.

8.69% voter turnout recorded till 9 am in the sixth phase of #UttarPradeshAssembly elections

Voting is underway in 57 Assembly seats across 10 districts pic.twitter.com/HPAA2WUSB9

— ANI UP/Uttarakhand (@ANINewsUP) March 3, 2022

యూపీ ఆరో దశ పోలింగ్‌ కొనసాగుతోంది. గోరఖ్‌పూర్ అర్బన్ అసెంబ్లీ స్థానం నుంచి సీఎం యోగి ఆదిత్యనాథ్‌పై పోటీ చేస్తున్న సమాజ్‌వాదీ పార్టీ అభ్యర్థి శుభావతి శుక్లా తన ఓటు హక్కు వినియోగించుకున్నారు. 

యూపీ అసెంబ్లీ ఎన్నికల ఆరో దశ పోలింగ్‌ కొనసాగుతోంది. ఓటర్లు తమ ఓటు హక్కు వినియోగించుకోవడానికి తరలివస్తున్నారు. పోలింగ్‌ కేంద్రాల వద్ద పోలిసులు భద్రత ఏర్పాట్లు చేశారు. సాయంత్రం 6 గంటలకు పోలింగ్‌ కొనసాగనుంది.

ఇక ఎన్నికల వేళ బీజేపీకి, మంత్రి పదవికి రాజీనామా చేసి సమాజ్‌వాదీ పార్టీలో చేరిన స్వామిప్రసాద్‌ మౌర్య ఫాజిల్‌నగర్‌ నుంచి పోటీ చేస్తున్నారు. విపక్ష నేత, సమాజ్‌వాదీ నాయకుడు రామ్‌గోవింద్‌ చౌదరి బన్స్‌ది నుంచి బరిలో ఉన్నారు. తంకుహిరాజ్‌ నుంచి అజయ్‌కుమార్‌ బరిలో దిగారు.

యూపీలో ఆరో దశ పోలింగ్‌ కొనసాగుతోంది. గోరఖ్‌పూర్‌ స్థానం నుంచి సీఎం యోగి ఆదిత్యనాథ్‌ తొలిసారిగా అసెంబ్లీకి పోటీ చేస్తున్నారు. ఇక్కడ బీజేపీ మాజీ నేత ఉపేంద్ర దత్‌ శుక్లా భార్యను యోగికి ప్రత్యర్థిగా సమాజ్‌వాదీ పార్టీ నిలబెట్టింది. 

యూపీ ఆరో దశ పోలింగ్‌ కొనసాగుతోంది. ఉదయమే గోరఖ్‌పూర్‌లోని గోరఖ్‌నాథ్ కన్యా నగర్ క్షేత్రం ప్రాథమిక పాఠశాలలో  సీఎం యోగి ఆదిత్యనాథ్‌ తన ఓటు హక్కు వినియోగించుకున్నారు.

యూపీలో ఆరోదశ పోలింగ్‌ కొనసాగుతోంది. ఓటర్లు తమ ఓటు హక్కు వినియోగించుకోవడానికి తరలివస్తున్నారు. ఈ దశ పోలింగ్‌లో 676 మంది అభ్యర్థుల్లో పలువురు ప్రముఖులున్నారు. బీజేపీ నుంచి ముఖ్యమంత్రి యోగి ఆదిత్యనాథ్, కాంగ్రెస్‌ నుంచి యూపీసీసీ చీఫ్‌ అజయ్‌కుమార్‌ లల్లు, సమాజ్‌వాదీ నుంచి స్వామి ప్రసాద్‌ మౌర్య తదితరులు తమ అదృష్టాన్ని పరీక్షించుకుంటున్నారు.

ఉత్తర ప్రదేశ్‌లో గురువారం ఉదయం 7 గంటలకు ఆరో దశ పోలింగ్‌ ప్రారంభమైంది. పూర్వాంచల్‌లో 10 జిల్లాల పరిధిలో 57 అసెంబ్లీ సీట్లలో పోలింగ్‌ ప్రారంభమైంది. 2.14 కోట్ల మంది ఓట్లరు తమ ఓటు హక్కును వినియోగించుకోనున్నారు.