TV
నాగ్‌పూర్‌: సెల్ఫీ సరదా మరో నిండు ప్రాణం తీసింది. 23 ఏళ్ల ఓ యువకుడు ఏకంగా ఏనుగుతో అడవిలో సెల్ఫీ తీసుకునే సాహసం చేశాడు. ఇంకేముంది ఆ అడవి గజరాజుకు కోపం కట్టలు తెంచుకుది. శశికాంత్‌ రామచంద్ర అనే ఆ యువకుడిని తొండంతో కొట్టి కిందపడేసి కాళ్ల కింద తొక్కి నలిపేసింది. దీంతో అతడు అక్కడికక్కడే మృతిచెందాడు.
ఈ హృదయవిదారక ఘటన మహారాష్ట్రలోని గడ్చిరోలి జిల్లాలోని అటవీ ప్రాంతంలో గురువారం(అక్టోబర్‌ 24) జరిగింది. శశికాంత్‌ అతని స్నేహితులతో కలిసి అడవిలో కేబుల్‌ వేసే పని కోసం వెళ్లాడు. ఫారెస్ట్‌ సిబ్బంది ఎంత చెబుతున్నా వినకుండా ఏనుగులుండే ప్రదేశానికి వెళ్లి దానితో ఆటలాడి ప్రాణాలు కోల్పోయాడు. శశికాంత్‌ స్వస్థలం మహారాష్ట్రలోని చంద్రపూర్‌.
ఇదీ చదవండి: ప్రాణం తీసిన సెల్ఫ్‌ డ్రైవింగ్‌ కార్‌
Comments
Please login to add a commentAdd a comment