జమిలి ఎన్నికల బిల్లు వాయిదా?

సాక్షి, ఢిల్లీ: జమిలి ఎన్నికల విషయంలో కీలక పరిణామం చోటుచేసుకుంది. పార్లమెంట్‌లో జమిలి ఎన్నికల బిల్లు వాయిదా పడే అవకాశం ఉంది. రేపు లోక్‌సభలో జమిలి ఎన్నికల బిల్లు ప్రవేశపెట్టే అవకాశాలు లేనట్టే కనిపిస్తోంది. ఈ బిల్లుపై కేంద్రం ఆచితూచి అడుగులు వేస్తున్నట్టు తెలుస్తోంది.

రేపటి పార్లమెంట్‌ సమావేశంలో జమిలి ఎన్నికల బిల్లు లేనట్టు సమాచారం. రివైజ్‌డ్‌ బిజినెస్ లిస్ట్ నుంచి జమిలి ఎన్నికల బిల్లును కేంద్ర ప్రభుత్వం తొలగించింది. నిన్న విడుదల చేసిన బిజినెస్ లిస్టులో 129వ రాజ్యాంగ సవరణ బిల్లుగా జమిలి ఎన్నికల బిల్లు సహా కేంద్రపాలిత ప్రాంతాల సవరణ బిల్లును చేర్చింది. తాజాగా దాన్ని తొలగించినట్టు తెలుస్తోంది. ఈ క్రమంలోనే జమిలి ఎన్నికల బిల్లుపై కేంద్రం ఆచితూచి అడుగులు వేస్తున్నట్టు సమాచారం.  

ఇక, వివిధ శాఖల పద్దులకు పార్లమెంట్‌ ఆమోదం తర్వాత వన్‌ నేషన్‌ వన్‌ ఎలక్షన్‌ బిల్లు ప్రవేశపెట్టే అవకాశం ఉంది. దీంతో, జమిలి బిల్లు కొంత ఆలస్యం కానున్నట్టు సమాచారం. అయితే, స్పీకర్‌ అనుమతితో సప్లమెంటరీ బిజినెస్‌గా ఏ క్షణమైనా బిల్లును ప్రవేశపెట్టే ఛాన్స్‌ ఉన్నట్టు తెలుస్తోంది.