గ్యాస్‌ సిలిండర్ల లారీ బోల్తా

గ్యాస్‌ సిలిండర్ల లారీ బోల్తా

● తప్పిన భారీ ప్రమాదం

నిజామాబాద్‌ రూరల్‌: నగర శివారులోని సారంగాపూర్‌ సమీపంలో నిండు గ్యాస్‌తో ఉన్న సిలిండర్లను తరలిస్తున్న లారీ శనివారం సాయంత్రం బోల్తాపడింది. స్థానికులు, పోలీసులు తెలిపిన వివరాలు ప్రకారం..హైదరాబాద్‌ నుంచి సారంగాపూర్‌ డెయిరీఫాం వద్ద ఉండే గోదాముకు ఓ లారీ నిండు సిలిండర్లను తరలిస్తోంది. తాజ్‌దాబా వద్ద మూలమలుపునకు రాగానే ఒక్కసారిగా లారీ బోల్తాపడింది. దీంతో సిలిండర్లన్నీ కిందపడిపోగా.. ఆ శబ్దానికి స్థానికులు భయబ్రాంతులకు లోనయ్యారు. సిలిండర్లు ఎక్కడ పేలుతాయోనని భయపడ్డారు. విషయం తెలుసుకున్న ఆరోటౌన్‌ పోలీసులు ఘటనా స్థలానికి చేరుకొని గ్యాస్‌ సిలిండర్లను అక్కడి నుంచి తరలించారు. ఎవరికీ ఎలాంటి ప్రమాదం జరగకపోవడంతో అంతా ఊపిరిపీల్చుకున్నారు.