భారత టాప్‌ రెజ్లర్‌పై సస్పెన్షన్‌ వేటు

భారత టాప్‌ రెజ్లర్‌, టోక్యో ఒలింపిక్ కాంస్య పతక విజేత భజరంగ్‌ పూనియాపై అంతర్జాతీయ రెజ్లింగ్‌ సంస్థ (United World Wrestling) సస్పెన్షన్‌ వేటు వేసింది. డోప్ పరీక్షకు నిరాకరించినందుకు NADAచే తాత్కాలికంగా సస్పెండ్ చేయబడిన తర్వాత పునియాను UWW సస్పెండ్ చేసింది. పూనియాపై ఈ ఏడాది చివరి వరకు (డిసెంబర్‌ 31) సస్పెన్షన్‌ కొనసాగనుంది.

డోప్‌ టెస్ట్‌కు నిరాకరించాడన్న కారణంగా 20 ఏళ్ల పూనియాను ఏప్రిల్ 23న NADA సస్పెండ్ చేసింది. సస్పెన్షన్‌పై పూనియా అప్పుడే స్పందించాడు. తాను శాంపిల్‌ ఇవ్వడానికి నిరాకరించలేదని వివరణ ఇచ్చాడు. శాంపిల్‌ తీసుకునేందుకు నాడా అధికారులు గడువు ముగిసిన కిట్‌ను ఉపయోగిస్తుండటంతో అందుకు వివరణ మాత్రమే కోరానని తెలిపాడు.

UWW సస్పెన్షన్‌ గురించి తనకు ఎలాంటి సమాచారం లేదని పూనియా తాజాగా వివరణ ఇచ్చాడు. పూనియా స్టేట్‌మెంట్‌పై UWW సైతం స్పందించింది. పూనియాను  సస్పెండ్‌ చేస్తున్న విషయాన్ని కారణాలతో సహా అతని ప్రొఫైల్‌లో స్పష్టంగా పేర్కొన్నామని తెలిపింది. ఒకవేళ పూనియాపై సస్పెన్షన్‌ వేటు నిజమే అయితే ఈ ఏడాది జరిగే పారిస్‌ ఒలింపిక్స్‌లో భారత పతక అవకాశాలకు గండి పడినట్లే.