TV
తిరువనంతపురం వేదికగా శ్రీలంకతో జరుగుతున్న నామమాత్రపు మూడో వన్డేలో టాస్‌ గెలిచి తొలుత బ్యాటింగ్‌ చేస్తున్న టీమిండియా భారీ స్కోర్‌ దిశగా సాగుతోంది. ఓపెనర్‌ శుభ్‌మన్‌ గిల్‌ (89 బంతుల్లో 100; 11 ఫోర్లు, 2 సిక్సర్లు) సెంచరీతో విరుచుకుపడటంతో టీమిండియా స్కోర్‌ 31 ఓవర్ల తర్వాత 202/1గా ఉంది.
గిల్‌కు జతగా విరాట్ కోహ్లి (48 బంతుల్లో 50; 5 ఫోర్లు) క్రీజ్‌లో ఉండగా.. కెప్టెన్‌ రోహిత్‌ శర్మ 49 బంతుల్లో 2 ఫోర్లు, 3 సిక్సర్ల సాయంతో 42 పరుగులు చేసి చమిక కరుణరత్నే బౌలింగ్‌లో అవిష్క ఫెర్నాండోకు క్యాచ్‌ ఇచ్చి ఔటయ్యాడు. కాగా, 3 మ్యాచ్‌ల ఈ సిరీస్‌లో తొలి రెండు వన్డేలు నెగ్గిన భారత్‌ ఇదివరకు 2-0 తేడాతో సిరీస్‌ను కైవసం చేసుకున్న విషయం తెలిసిందే.
Comments
Please login to add a commentAdd a comment