TV
ఐపీఎల్‌-2023లో భాగంగా ఏప్రిల్‌ 16న గుజరాత్‌ టైటాన్స్‌తో జరిగిన మ్యాచ్‌లో రాజస్థాన్‌ రాయల్స్‌ 3 వికెట్ల తేడాతో విజయం సాధించిన విషయం తెలిసిందే. అయితే ఈ మ్యాచ్‌ అయిపోయిన రెండు రోజుల తర్వాత ఓ ఆసక్తికర వీడియో నెట్టింట చక్కర్లు కొడుతుంది. ఇందులో ఆశ్విన్‌ చిన్నకూతురు బోరున ఏడుస్తూ కనిపించింది. ఆ చిన్నారి ఏడుపు కారణం ఏంటంటే.. తన తండ్రి అశ్విన్‌ ఔట్‌ కావడం.
📸 - @ashwinravi99 pic.twitter.com/wXtupNjcXy
— Krishna Chaitanya 🇮🇳 (@KCA_Yadav) April 17, 2023
అంతకుముందు అశ్విన్‌ బౌండరీ, సిక్సర్‌ బాదినప్పుడు ఫ్లైయింగ్‌ కిస్‌లు ఇస్తూ కేరింతలు కొట్టిన ఆ చిన్నారి.. తండ్రి ఔట్‌ కాగా బాధ తట్టుకోలేక బోరున విలపించింది. ఈ మొత్తం తంతును తొలుత అశ్విన్‌ భార్య ప్రీతి నారాయణన్‌ తన ఇన్‌స్టా స్టోరీలో పోస్ట్‌ చేయగా, ప్రస్తుతం సోషల్‌మీడియాలో వైరలవుతుంది.
కాగా, ఆ మ్యాచ్‌లో రాజస్థాన్‌ రాయల్స్‌ ఆల్‌రౌండర్‌ రవిచంద్రన్‌ అశ్విన్‌.. కీలక తరుణంలో (10 బంతుల్లో 17 పరుగులు) క్రీజ్‌లోకి వచ్చి షమీ బౌలింగ్‌లో వరుసగా బౌండరీ, సిక్సర్‌ బాది ఆ తర్వాతి బంతికే ఔటయ్యాడు. అనంతరం హెట్‌మైర్‌ సిక్సర్‌ బాది మ్యాచ్‌ను లాంఛనంగా ముగించాడు. ఈ మ్యాచ్‌లో తొలుత బ్యాటింగ్‌ చేసిన గుజరాత్‌.. గిల్‌ (45), మిల్లర్‌ (46) రాణించడంతో నిర్ణీత ఓవర్లలో 7 వికెట్ల నష్టానికి 177 పరుగులు చేయగా.. రాజస్థాన్‌ 19.2 ఓవర్లలోనే లక్ష్యాన్ని ఛేదించింది. రాజస్థాన్‌ గెలుపులో సంజూ శాంసన్‌ (60), షిమ్రోన్‌ హెట్‌మైర్‌ (56 నాటౌట్‌) కీలకపాత్ర పోషించారు.
Comments
Please login to add a commentAdd a comment